Mataafa Saamu'eeli a lammatta 8:6 - Mataafa Qulqulloota

⁶ Ka Tamaasqo a Sooriya kara'e safarra oranna qaatishe. Soorata ka Taawwiti piddamte ka isha kapparte. Waaqa ka pora oppopa Taawwiti tuule piisa oppaayye ishi putayma daashe.

Mataafa Saamu'eeli a lammatta 8:6 ပူးပေါင်းရင်းမြစ်များ

Mataafa Saamu'eeli a lammatta 10:19

Nuqussasene Hataati'eeseri kela ca akkima Isira'eeleta tura putamene akken ka Isira'eeleta olli araaramen ka isheetta piddamen. Soorata ka lammatta Amooneta qaarqaara fuurte.

Mataafa Saamu'eeli a lammatta 23:14

Sitiiyyi Taawwiti mishshikeeta kara ca. Xela Filisteemeta ka Peetelehemi kara ca.

Mataafa Saamu'eeli a lammatta 3:18

amma oori koda qara nakayshanka! Maana malla, Waaqa Taawwiti'i kippeeta daashe ka kide, ‘Harka Filisteemi isho a nyaapaaysho piisa kela, anti orxaytiyyo Taawwiti qudannen samaytiyyo a Isira'eelitin paha.’”

Mataafa Saamu'eeli a lammatta 5:10

Qoota Waaqa Poqalla ise we piisa ettaninno isha olli co malla, Taawwiti ka kokkonnaattaan aane.

Mataafa Saamu'eeli a lammatta 7:9

Ka porra oppa ante piisa oppa ke olli kinnaade; ka nyaapaayti piisa ke tura pire ka amma oori maxxaayti akkima maxxa a poqalladda piita qara kukutta mina kuttisha.

Mataafa Saamu'eeli a lammatta 8:14

Ikka piitadda Etoomi piisa kara safarra oranna qaatishe. Etoometa piisa ka ishi piddamte, Waaqa ka pora oppopa tuule piisa oppaayye Taawwiti putayma daashe.

Mataafa Saamu'eeli a lammatta 8:2

Ka Mo'aapeta puteew ka olkammandesa jirfa sessa'e ishootta piitopa mukshe ka haatan ishootta ekkaysade ka oppaayye jirfa lakki leyshe ka jirfa sessatta hattishe. Mo'aapeta ka Taawwiti piddamte ka isha kapparte.

Mataafa Saamu'eeli a lammatta 8:7

Taawwiti ka kontalewwasene a warqeeta a saarra Hataati'eseri qapannaane pooje ka Yursaalamipan kale.

Mataafa a Nuqussa a paayyota 4:21

Selemooni ka kira efraatiisiti paayyatte haka piita Filisteemi isho haka xeela Kipsiti mankistewwa piisa mukinni. Ikka haka co'e, isha kapparri ka ishi piddammi.

Mataafa a Nuqussa a lammatta 1:1

Ete nuqusase a Isira'eeli Aki'api to'e kammaayye, Mo'api Isira'eeli piddama tiitte ka isheetta torpini.

Mataafa a Nuqussa a lammatta 14:28

Wa a ata hase a Iyyorpi'ami kode piisa ka kokkonnumaadi ka atta akka katamadda Yihuta Tamaasqo isho Hamaati Isira'eeleta oorshe mataaffa torra nuqussa a Isira'eeli qara'e taafamen.

Mataafa a Nuqussa a lammatta 18:7

Waaqa ka isha olli caade, wa koona piisa ka ishi olkela teyen. Ikka nuqusa Asoori falqe ka ishi kappara tiite.

Mataafa a Nuqussa a lammatta 3:4

Mesha'i nuqusa Mo'api kahirra siksanni ka para mina haara kahirra kuma dippa ka nyirfa laahadda kuma dippa nuqusa Isira'eeliti kipira kalinni.

Mataafa Otoowwa a paayyota 18:13

Ka piita Etoomi kara safara oranna kodade; Etoometa piisa ka Taawwiti piddamte; Waaqa ka pora oppopa Taawwiti oranna tuule piisa oppaayye ishi putayma daashe.

Mataafa Otoowwa a lammatta 17:2

Ka katamadda a Yihuta a kawwattan kapa qorrame piisa kara'e, xela oranna xaaye ka akkimoose mina'ew piita Yihuta isho katamaddasene a Efreemi a aappaaysho xatta qapade oppa'e, waartiya xela oranna' xaayeew.

Mataafa Masmuureta 140:7

Oo Waaqqo Poqallaayyo, dinshampaytiyyo a kokkoka, kuyyaata orannaatiiyyi ana qara' dekte.

Mataafa Masmuureta 60:10

Oo Waaqqo, keenne a alle ino kate? Keenne a xelinno a oranna olli oranna' tuula diishe?

Mataafa Pahana 21:31

Farta kuyyaata orannaati'i harmisanni; putayma xoori Waaqa kapa deeni.

Mataafa Saamu'eeli a paayyota 13:3

Yoonataani safarase a xela oranna a Filisteemeta Kipa'i kara co torpe ka pute. Filisteemeta ka qootoseti desa dakayte. Saa'ooli ka kide, “Iproota a dakaytoow” Ka piita piisa oppa kaasa dawsiise.

Mataafa Saamu'eeli a paayyota 14:1

Kuyyaata takkaayye inna Saa'ooli Yoonaatani, xayyoolayse isha kela meeha orana haano'e kide, “Xooye ka safara Filisteemeta oppopa tuullina” Umma sede aappaayshoti in lelle.

Mataafa Saamu'eeli a paayyota 14:15

Filisteemeta safara ka dullaappa isho kantadaappa kitto piisa ka olkelan yaaqyaaqte. Safarase a xela oranna isho a adampaya kuli ka tammaqtan xarri. Piita ka lelleehte. Sede nefo tammaqta a Waaqa ishootta qara deeshe.

Mataafa Saamu'eeli a paayyota 14:6

Yonataani ka isase isha kela meeha orana haano kide, “Waaqa ino' torpa in diishooy, xooye ka safarose a sene dawra qara in murannin oppopa tuullina. Xela oranna lekayta taaki shakkaya qudan koddite, orran paheeta'e, Waaqa wa isha tura qapna in caaneey.”