Mataafa Saamu'eeli a lammatta 7:8 - Mataafa Qulqulloota

⁸ “Semmalla amma orxaytiyyo Taawwiti kide, Waaqa Poqlase a we piisa ettaninno ikiini, ‘Akka samaytiyyo a Isira'eeli qara mukissampayta koddito'e kahirra kammaayyen koommaytoppa ke qeede.

Mataafa Saamu'eeli a lammatta 7:8 ပူးပေါင်းရင်းမြစ်များ

Mataafa Saamu'eeli a lammatta 12:7

Naataani ka Taawwiti kide, “Ha namoose ke, Waaqa Poqalla Isira'eeli ikiini, “Isira'eeli qara'en nuqusuma ke daate ka harka Saa'ooli kela ken pahe.

Mataafa Saamu'eeli a lammatta 14:13

Iskatteetase ka kiite, “Atti nuquso! Innaatti a piitoppa daaname a tikopa a oorinneey ka kuli maana malla wa asse paha samayta Waaqa qara dikatte? Asse haasawattaaytinni, keew isqara dapa mure.

Mataafa Saamu'eeli a lammatta 23:1

Afa Taawwiti a piraampira sene. Isase a Waaqa opeela kukuttishe, Waaqa Yayqoopi ka isha reexade, saarissampaytase a Isira'eeli jaalatame, innasene a Isseyi afa haasawade sene.

Mataafa Saamu'eeli a lammatta 24:17

Taawwiti ete erkampattootase orra pirritto akkeeyye, iWaaqa haasawade ka kide, “Tin are ana mattiyyo juppoota ka neequmta kode ma, kaharroosen maana koden? In ke qinsanniiy rakkoose a ana ka tooliyyo qara kayto.

Mataafa Saamu'eeli a lammatta 5:2

Xatta a Saa'ooli ino qara nuqusa koddeeyye, a Isira'eelin tuullo ka ishin kallo ke. Waaqa ka ke kide, ‘Samayta a Isira'eeli qara'e sikmayta ka saara koddita.’”

Mataafa Saamu'eeli a lammatta 6:21

Taawwiti ka Melkooli kide, “Waaqase aappaayshin isho toolaadi piisa qaran jaalshe ka ana reexade ka samaytase xaadi a Isira'eeli qara saara ana kode tura'en asse kirpe ka amma nefo kirpa.

Mataafa a Nuqussa a paayyota 3:6

Selemooni ka kide, “Aappinno Taawwiti qoota dukaata ka hanqeeta ka karitta fayyaatin ke tura kallaade malla, xoona kuttaya isha orxaytaayti akkisse. Ka xoonosen kutta ishi tooytite ka akkima awwe koddite mina'e inna sufaanetaadi qara kuti'a ishi daasse.

Mataafa a Nuqussa a paayyota 8:16

‘Kuyyaata an ishiiyyi samaytiyyo a Isira'eeli Kipsi kara sookshe paayyatte akka tika qulqulloota ana qupan maxxiyyo ka kara halaamo'e, katamadda kaffa Isira'eeli oppaayye takka nefo an reexanne. Ma akka samaytiyyo a Isira'eeli qara nuqusummo'en Taawwiti reexade.’

Mataafa Otoowwa a paayyota 17:7

Amma nefo orxaytiyyo Taawwiti kide, Waaqa Poqalla we piisa ettaninno ikiini, ‘Akka samaytiyyo Isira'eeli qara mukissampayta koddito'e pora oppa kahirra sikinnittooyyen xelloota kahirra kamma ke qeede;

Mataafa Otoowwa a paayyota 21:17

Taawwiti ka Waaqa kide, “Akka samayta dikamo'e a ajaje ananne? A ishin dape ka neequmta kode anaay, sene kahirra minaay, maana koden? Waaqqo Poqallaayyo, ana isho tooliyyo qara erkannaata qeede diisheey, samaytaayti qara'en qeedan.”

Xuuma Amoosi 7:15

Ma Waaqa kaharra kamma ana qeede ka ana ajaje ka kide, ‘Aane ka samaytiyyo a Isira'eeliti' xuuma haasawado.’

Kodampaya 7:46

Taawwiti ka fuula Waaqa' tura teyyatama teye ka akka Waaqa Yayqoopi tika kallaata' qupo'e qinseetan Waaqa kaassade.

Mataafa Saamu'eeli a paayyota 10:1

Saamu'eeli ka oktase a sayteeta qeede ka mattoppopa Saa'ooli tuqe ka isha dinke ka kide, “Akka samaytaadi a Isira'eeli qara saara koddito'e Waaqa ke in daatanne? Atti samayta Waaqa qara'e nuqusumta ka hupna paarkaaladdaasso a ishootta kapandesa ca kela ishoottan pahata. Akka qoottotaadi qara saara koddito'e akka Waaqa ke daatade wa milikkita ke kodda.

Mataafa Saamu'eeli a paayyota 2:8

Ka teekolaya a oroppa dikammi in kinnini xa'inni, ka rakkatampaya taraappa xa'inni, ka poqalladdaappa qaa'inni ka sufaana ulfeena ishootta lehanda daanni. Ha qapaya piita kela ca a Waaqa'ew, ikka ishootta qara piita kode.

Mataafa Saamu'eeli a paayyota 9:16

“Parri esse piita Piiniyaamitin nama takka ke kapopa erka. Akka samaytiyyo a Isira'eeli qara saara koddo'e tooy isha daate. Isha hupna Filisteemeta kela samaytiyyo nataan sooksha. Anti samaytiyyo in akke ullupittaaysho ka ana kapa kayeey.”