Mataafa Saamu'eeli a lammatta 7:23 - Mataafa Qulqulloota

²³ Orra samayta Isira'eeli paho, a Waaqa akka samaytaadi koddo'e ishootta furatta aane ka issi maxxa kodatta malla ishootta turaayye mankistewwa isho killannaasso alle daane ka wa kukutta ka orra qawwanna ishootta kodeetan Kipsi kara ishootta furade, a samaytaayti a Isira'eeli paho hela icaawwe?

Mataafa Saamu'eeli a lammatta 7:23 ပူးပေါင်းရင်းမြစ်များ

Mataafa Saamu'eeli a lammatta 7:24

Samaytose xaayti a Isira'eeli, akka haka paraparati samaytaayti koddo'e issi qaatisse. Ka oo Waaqqo atti Waaqaaysho koddite.

Mataafa Otoowwa a paayyota 17:21

Waaqqo, ke samaytaayti Kipsi kela sookshe; ka xaayti kodatte ka maxxase xaayti kutta fuurammo malla kodadda kukutta ka orra qawwanna kodeetan mankistewwa ishootta turaayye daante; ka samaytaayti furatta awliteey; hela a samaytaayti paho piita qara a xaame ca?

Mataafa a Nehimya 1:10

Waaqqo, sene orxayaatti ka samaytaayti, isasene a' turan hupnaayti a kutta ka harkase' xaayti kokkokan ishoottan pahate.

Mataafa Masmuureta 106:22

ka isase piita Kaami oppa daxxowwa kode, ka pakateeta tiima kapa wa a orra qawwanna kode teymen.

Mataafa Masmuureta 111:9

Ka wa samaytaadi fura erke ka kodayteetaadi haka paraparati ajaje; maxxaadi a qulqullaawe ka fuurammo.

Mataafa Masmuureta 145:6

Samayta kodaayti a orra fuurinno oppa torraanni; anti' nefo ka kuttumtaayti salinni.

Mataafa Masmuureta 147:20

Sede piisa apari orra pilaati in koone; ishootta' nefo seeraadi in upan. Haalle luuyya!

Mataafa Masmuureta 40:5

Oo Waaqqo Poqallaayyo! kodaddasene orra qawwanna a atti' koote, ileki leki; ka wa fayya a ino koda dikatte' piisa, a olkamma qattissa ka dikeeta ettansho in co. Kadin haasawanna ka qootaayshoti desa torrinaayye, wa an oppa dika ka ettansha in caan.

Mataafa Masmuureta 44:3

Ishootta oranaayshotin piitoose in qapanne, umma hupnaayshotin putayma in akkaanne; ma qoota atti ishootta jaalatte ka ishootta olli caatte ka hupnaayti isho kokkonnumaattin ishootta qaarqaarte malla, asse koden.

Mataafa Masmuureta 65:5

Oo Waaqqo, dinshampaytinno! Hanqeetaaytin daxxowwa kode, ka qinseetinno oorshe; orra piita piisa qara co ka pakateeteeyye afa disiti co kew kippanni.

Mataafa Masmuureta 66:3

Ka Waaqa' kida'e, “Oo kodaayti atta orra qawwanni! kuttumta hupnaayti tura paarkaala ka xarri;

Mataafa Sooketa 12:12

“Anti halkeesse oppaayye piita Kipsi oppannen tarpa ka nama isho horeetoppaayye a paayyota delade piisa pira; ka killowwa piita Kipsi piisa qara farata; anti an Yaahiwwe.

Mataafa Sooketa 33:16

A taakkati akkan ana isho samaytaayti fuulaayti tura teyyatama teyne, maanaanne upnaysamta? Waan ana isho samaytaayti, samayta piita kapa ishin pursamminna, ino olli aanetaaytinni?”

Mataafa Sooketa 6:7

Samaytiyyo'en ishin kodada ka Waaqaayshin kodda; ishina ka a karpishshuma piita Kipsi kela ishin sookshe akkan anti Yaahiwwe Waaqaayshin kodde upnaattan.

Mataafa Sooketa 9:15

Anti haka ammati'i hupniyyo akkissa ka ke isho samaytaayti qara erkannaata qeeda ka piisse qara ishin pira in ettansha.

Mataafa Sooketa 9:16

Ma xoori akkan hupniyyo ke akkisho'e maxxiyyo ka piita piisa qara dakaado mallan haka ammati ke caayshe.

Xuuma Ermiyaasi 32:20

Atti piita Kipsi kara'e wa orra qawwanna isho daxxowwa koote; ka haka awweti'i piita Isira'eeli isho orra piisa tura'e asseew koda tupa kitta; sede minan maxxaayti ka piita piisa qara upnaysame.

Xuuma Ermiyaasi 32:21

Ka wa orra qawwanna isho daxxowwa kodeetanne, hupnase xaayti kutta ka harkase xaayti kokkokanne ka kuttumaatti a orra fuurinnaatin samaytaayti a Isira'eeli piita Kipsi kara sookisse.

Xuuma Hisqeeli 20:9

Ma xoori samaytase a oppa kalan an fuulaaysho tura akkiman piita Kipsi kara ishootta sooksho qaaleta kale tura'e maxxiyyo akka in jeerrin mallan kide ka piita Kipsi kara ishootta sookshe.

Mataafa Dikoota 6:27

Ishootta saantosetinni samayta Isira'eeli qara maxxiyyo halan; anti ka ishootta saka.”

Efesooni 1:6

Wa malla asse kode' nefo, innasene' xaadi jaalatame qudanne, daassatase' xaadi ulfeessamte a patta ino' daashe akka kalataysamto malla.

Mataafa oppa' Ooreta 10:21

Isha jeejjaatti ka Waaqaaytiiy, a wossen kukutta ka orra fuurinna a ildaan akkite a ke kode ishaay.

Mataafa oppa' Ooreta 15:15

Atti mattaayti'i akka turan piita Kipsi kara karpishsha koddite Yaahiwwe Waaqaayti ka ke furade matte oorsado; anti semmallan ajajose ke daanniiy.

Mataafa oppa' Ooreta 33:29

Isira'eeli! Oo maana olootte! Samayta a Yaahiwwe ishin pahade; ka ishi kontaleeta kodde; ka koraateta ulfeena ishi kodade, a ke paho ayno ca? Nyaapaayyti ke tura kukuttuurada; atti ka ishootta qara diddiitta.”

Mataafa oppa' Ooreta 9:26

Ka Yaahiwwe opa qinsade ka kide, “Oo Yaahiwwe Poqallaayyo samayse xaayti a mattaaytiti kodatte ka kuttumaattin furatte ka harkase xaayti kokkokan piita Kipsi kara sookisse alle in pashshan.

Tiito 2:14

Kiristoosi, akka ukkuttuma piisa kela ino furado ka akkan samaytaadi koddino ka a koda paxaara piisa kodeeta yaatanna' koddino'e, ino jaqqeeta malla toota isi daashe.

Mataafa Iyyaasu 7:9

Ha orra keneaani isho orra piitoose opandesa kalo oton nessoose dakayaneeyye, takka'ew ino kapa muran ka piita qara sanynyeetinno kuli alle qishshaneey, atti qoota ulfeenaayti malla maana koota?”

Petroosi a paayyota 2:9

Ishina' xoori, akka kodase orra qawwanno a Waaqa isase tukkantoppa la'aytase orra qawwanno oppopa ishin halaade salissane'e, a' xelta reexxamte. A'qeesewwa nuqusa ka a' samayta a qulqullaawe, a Waaqa xaadi' kodade.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.