Mataafa Saamu'eeli a lammatta 7:22 - Mataafa Qulqulloota

²² Oo Waaqqo! Ke a piisa qara qapo, semmalla atti ikkutti umma a ke paho in co. Umma akkan napahtan dakayne qara'e, Waaqa pila ke mali in co.

Mataafa Saamu'eeli a lammatta 7:22 ပူးပေါင်းရင်းမြစ်များ

Mataafa Saamu'eeli a lammatta 22:32

Waaqinno mali aynon Waaqa? Waaqinno mali aynon shila xelsuma?

Mataafa a Nuqussa a paayyota 8:23

Ka kide, “Oo Poqlo Waaqa Isira'eelitiiyyi a orxayaadi a karittaaysho piisan saantaadin kallaannaati'i a kodayteetaadi a xoonaadi tooytino illi moontanne ka xati piitanne Waaqa a ke paho in co.

Mataafa Otoowwa a paayyota 16:25

Waaqa ikutti, kalataadi ka koopeey, waaqadda piisa qaropeela fuurama ka isha parpaaccisni.

Mataafa Otoowwa a lammatta 2:5

Waaqinno qoota Waaqadda pila' piisa qara qapo malla, tika an ishi qupno nefo a kutta'e koddita.

Mataafa Masmuureta 135:5

Waaqa akkima kutti, Poqallaanno ka Waaqadda piisa qaropa qapo in upaay.

Mataafa Masmuureta 145:3

Waaqa ikuttiiy, kalata a kutta isha parpaaccisni, kuttumaadi dikatta nama' qaropeela caan.

Mataafa Masmuureta 44:1

Waaqqo! Nappaannonnen dakayne. Aappadaanno ka kodaddaasene a' xatta xeltaayshotiiyyi koote ino' torren.

Mataafa Masmuureta 48:1

Waaqa ikutti. Katamasene Waaqinnoti irrootase xaadi' qulqullaawte qara'e, kalata a kutta i'isha parpaaccisni.

Mataafa Masmuureta 86:10

Maana malla, atti ikutti ka wa orra qawwanna' kooniiy, ke pattan Waaqa.

Mataafa Masmuureta 86:8

Oo Poqlo, waaqaddaappa a ke paho in co; umma koda a xaayti paho in co.

Mataafa Masmuureta 89:6

Moonteeyye ayno Waaqa kapa' qapama ettansha? Hela erkampattowwa moonta oppaayye ayno Waaqa mina' ca?

Mataafa Masmuureta 89:8

Oo Waaqa Poqalla ke se we' piisa ettaninno, aynon ke mina' hupnampayta ka qinda piisan amanammi?

Mataafa Masmuureta 96:4

Maana malla Waaqa ikutti, a kuttati kalataysama ka isha parpaaccisni. Waaqadda piisa qaropa fuurama ka isha parpaaccisniiy.

Mataafa Sooketa 10:2

Waaqa malla sede kode, akkiman anti Yaahiwwe kodde akka upnaattan ka waan Kipseeta qara kode ka milikkitadda an ishootta qara akkishe, hellaassin isho oopaddaassina torritan malla.”

Mataafa Sooketa 15:11

Oo Yaahiwwe, Waaqaddaappaayye, a ke paho ayno ca? A qulqullumaan kuttade; ka kodaddaadi a orra qawwannaatin fuurammo; ka daxxowwa koono; a ke paho ayno ca?

Mataafa Sooketa 8:10

Feri'ooni ka kide, “A paarri koddito!” Muuse ka ishi oorshe ka kide, “A Yaahiwwe Waaqinno paho a pila akkima in kinnin akka upnaatto'e akka' kiite qara a koddito.

Mataafa Sooketa 8:6

Arooni ka pishadda piita Kipsi qaropa harkaadi qapade; mokowwasene ka sooken ka piita Kipsi qara immaken.

Mataafa Sooketa 9:14

A taakati mattaayti ke qara'e ka saarraatti isho samaytaayti qara'en erkannaatiyyo piisa qeeda; akka piita piisa qaraayye a ana paho takka nefo akkima in kinnin upnaatta.

Xuuma Issayyaasi 40:18

Ka kuli aynonne Waaqa pahanassan? Ka pahana maana' kapa isha qaptan?

Xuuma Issayyaasi 40:25

Ha qulqullittase ikiini, “Akkan isha pahanaado'e, kuli ayno kapa'e ana qaptan?”

Xuuma Issayyaasi 45:18

Waaqase moontada uume, isha Waaqa; ishaaw piita kode ka isheetta qaatishe, umma akka lulle hasto isheetta in uumme, ma akka kara' kallaadan malla isheetta uume; isha ikiini, “Anti an Waaqa, umma Waaqa pila ana mali in co.

Xuuma Issayyaasi 45:22

A porra sessekaati kala piisaayye, anopa tiitaawa ka paha; anti an Waaqaay, umma a pila in cooy.

Xuuma Issayyaasi 45:5

“Anti an Waaqa, umma a pila in co, umma ana mali Waaqa pila in co; kadi punu ana in upniniiyyi, anti meeha oranna'en ke' kalinni.

Xuuma Hisqeeli 36:22

Semmalla samayta Isira'eeliti' kide, “Waaqase' piisa qara qapo ikiini, ‘Ishina samayta Isira'eelitiiyyi, ishin malla asse an kooni an co; ma maxxase xayyo qulqullaawe a mankistewwa oppopa antene pisa oppa nyalissene malla.

Xuuma Hisqeeli 36:32

Anti ishin malla asse an kooni an cooy, ishina samayta Isira'eelitiiyyi sede upnaada ka kallaataayshin minan jeera ka palama. Sede ana Waaqase' piisa qara qapo asse haasawade.”

Xuuma Taani'eeli 2:45

Shilose a nama quda in kaynin maliiyyi irroote sukume ka pahanasene sipla ka a sipla poora ka piita ka dakara pirreeta isho warqeetoppa kodame qara' pi'e ka yooqe, mankisteetoose'e akkinni. Sede tooy Waaqase kutta wa itturopa kodda' piisa ke akkishe. Sene tooy olsaatti akkeeto olsootte, furamaadi nefo dukaataaw.

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Mataafa oppa' Ooreta 3:24

‘Oo Yaahiwwe Poqallaayyo, waasene kukutta ka orra qawwanna a itturopa koota oppaayye a paayyota patta ana orxaytaayti akkisse; ka allu waaqa a xaame piita ka moontan ca ka wossen kukutta ka orra qawwanna a koonitta koda ettansha?

Mataafa oppa' Ooreta 32:39

Ana pattan Waaqaay, sede upnaada; umma ana mali Waaqa a pila in co. a ikanno ka caatinno ana patta; ka matanni ka dininni, umma nama a harkiyyo oppa ishinan paho in caado.

Mataafa oppa' Ooreta 4:35

Yaahiwwe akkima isha patta Waaqa kodde, isha mali Waaqa pila ka in kinnin akka upnaattane'e se piisa ildaassin tura akkishe.

Mataafa oppa' Ooreta 4:39

Semmalla illi moontanne ka are piitanne Yaahiwwe akkima Waaqa kodde awwe upnaada ka karitta kara qapada; a pila in cooy.

Mataafa Saamu'eeli a paayyota 2:2

“A Waaqa mina qulqullitta kodde in co ke mali a pila in co, umma a Waaqinno mina shila a kela pahan kodde in co.