Mataafa Saamu'eeli a lammatta 7:2 - Mataafa Qulqulloota

² ixuumampaytase Naataani kide, “Tin anti tika qoyra kokkokan qupamte karan kala. Taapota Waaqa xoori, shaakka kela kitta.”

Mataafa Saamu'eeli a lammatta 7:2 ပူးပေါင်းရင်းမြစ်များ

Mataafa Saamu'eeli a lammatta 11:11

Ooriyo ka Taawwiti oorshe ka kide, “Taapota isho Isira'eeleta ka Yihutaata shaakka kela caan. Poqallaayyo Iyyo'aapi isho saarrasene xaayti a poqallaayyo ka lakoppa safaren. Hela kuli anti damta ka ikkayta ka iskatteetiyyo olli mukeeta'en tikiyyopa kala? Napseetaaytinnin xaxanni anti wa asse paha an kodo.”

Mataafa Saamu'eeli a lammatta 12:1

Waaqa ka Naataani taawwiti kapopa erke; ikka isha kapopa aane ka ishi kide, “Katama takkan kara nama lakki kala, takka teyantoolayta takka kan teekolayta.

Mataafa Saamu'eeli a lammatta 5:11

Kiraami nuqusase a Tiroosi ka Taawwiti kapopa orra erke ka qora talta isho harmoota a qora ka a kawwatta erkeew, ishootta ka Taawwiti tika mankisteeta qupen.

Mataafa Saamu'eeli a lammatta 6:17

Ikka taapotase a Waaqatin kalen ka tukkanase a Taawwiti ishi daape kela poraadippa xaayen. Taawwiti ka fuula Waaqa tura kalisoota kupannitto isho a takkumta dehayshe.

Mataafa Saamu'eeli a lammatta 7:17

Nataani ka akka lelooseti ka a akkeetoseti piisa qara'e Taawwiti haasawade.

Mataafa a Nuqussa a paayyota 1:22

A ishetta nuqusa haasawatta qara kittooyye, xuumampaytase Naataani ka desa kaye.

Mataafa a Nuqussa a paayyota 1:8

Ma xoori eqeesittase Saadoqi ka Pannayyaasi inna Yotahi ka xuumampaytase Naataani ka Saami ka Ree'i isho tooytampayta Taawwiti Atooniyaasi quda in koddine.

Mataafa a Nuqussa a paayyota 4:5

Asariyaasi inna Nataani saara mukissampaya. Saapuuti inna Naataani qeesitta isho dehaamampayta nuqusa.

Mataafa a Nuqussa a paayyota 8:17

Maxxa a Waaqa a Poqalla Isira'eeliti'i, tika qulqulloota qupeeta aappinno Taawwiti karitta kara idikade.

Mataafa Otoowwa a paayyota 14:1

Kiraami nuqusase a Tiroosi ka akka Taawwiti'i tika mankisteeta qupane'e erkamampaya ka harmoota a daka laajnitto ka a qora xefnitto isho qora talta erke.

Mataafa Otoowwa a paayyota 16:1

Ete taapotase a kodayteeta a Waaqati kaleneeyye, tukkanase a Taawwiti ishi daape kela'e xaayen ka kalisoota kupannitto isho a takkumta fuula Waaqa tura kalshen.

Mataafa Otoowwa a paayyota 22:7

Ka ishi kide, “Innaayyo, anti akkan maxxa Waaqa Poqallaayyoti tika qupo karitta kara in dikade;

Mataafa Otoowwa a paayyota 29:29

Anda oppa Taawwiti nuqusumeeti paayyatte haka piraampirati'i wa kodde mataaffasene a torra a akkampaytase a Saamu'eli ka a xuumampaytase a Nataani isho a akkampaytase a Kaadi taafe qara'e taafamen.

Mataafa Otoowwa a lammatta 1:4

Seturanne Taawwiti Qiiriyaatiyaarimiiyyi taapotase a Waaqa' qeede ka tukkanase a Yursaalami kara ishi' daape ka ishi harmishe karopa kalshe.

Mataafa Otoowwa a lammatta 29:25

Nuqusase Hisqiyaasi ka akkima Taawwiti ka akkampaytase xaadi Kaati isho xuumampaytase Nataani turan lelen qara'e, akka Lawaata sokojkoja ka pekena isho kehayta qapatto kode ka tika qulqulloota a Waaqa kela ishootta kite. Sede nefo, ajaja a xuumampaya qudan Waaqa kapaayye daasame.

Mataafa Otoowwa a lammatta 9:29

Wa a ata hase a Selemooni andaadi kara' kode piisa mataaffa torra a xuumampaytase a Naataani kara'e ka mataafa xuuma a Akkiya a Seelitta kara'e ka mataafase a keleshaata a Iiddo isase qoota Iyyorpi'aami a inna Naapaati desa akke kara'e taafamen?

Mataafa Masmuureta 132:2

Akkima ke' xaxade ka ke Waaqase we' piisa ettaninno a Yayqoopi'i xasa daasade,

Mataafa Sooketa 40:21

Ka akka Yaahiwwe isha ajaje qara'e taapotase tukkana Waaqa kelopa qeede ka tura'e kaaranta rake ka taapotase a maakkuma tura deke.

Xuuma Hake 1:4

“Hela ini eta a oppa ishina tikka papaxxaara a' qupattane' kara' kallaattane'e? Tikiyyo a qulqqulloota a qitqitte ka nama tooyyo dapte?”

Yohaannisi 2:17

Sitiiyyi tamaarewwaadi ka akka taafamte ka kiinitto, “Qoota tikaaytiti desa Yoota an qapo a apitta mina ana kupe” Matte oorsaden.

Kodampaya 7:46

Taawwiti ka fuula Waaqa' tura teyyatama teye ka akka Waaqa Yayqoopi tika kallaata' qupo'e qinseetan Waaqa kaassade.