Mataafa Saamu'eeli a lammatta 7:14 - Mataafa Qulqulloota

¹⁴ Anti aappaaysho'en kodda, isha ka innaayyo kodda. Oton ishinni dapaayye, akka aappa innaadi shooraan qiino mina'en isha qida ka akka nama innaadi qattaano mina isha qatta'a.

Mataafa Saamu'eeli a lammatta 7:14 ပူးပေါင်းရင်းမြစ်များ

Mataafa a Nuqussa a paayyota 11:34

Ma xoori mankisteeta piisa Selemooni qaraayye an qeedo; qoota a orxaytase xayyo an reexade ikka ajajiyyo isho seeriyyo tooytaade Taawwiti malla, Selemooni haka co kara'e, siltaana muqussa isha an daptisho.

Mataafa a Nuqussa a paayyota 9:6

Ma xoori ke isho hellaatti oton anan kallaatta diissan ka ajajjaayyo isho taantetiyyo an ishina daashe tooytaatta diissaneeyye ka killowwa amaneeta ka ishootta sakatattaneyye,

Mataafa Otoowwa a paayyota 17:13

anti aappaaysho'en kodda; isha ka innaayyo kodda; akkiman isase ke turan nuqusume qara jaalalaayyo alle mayshe mina'e, umma alle isha qaraayye an maysho.

Mataafa Otoowwa a paayyota 22:10

A maxxiyyo tika qupo isha; isha innaayyo kodda anti ka aappaaysho kodda; ka Isira'eeleta qara'e haka paraparati sufaanaadi kokkonnaysha.’

Mataafa Otoowwa a paayyota 28:6

Ka ana kide, ‘Innaati Selemooni akka innaayyo koddo'en reexade ka aappaaysho koddaay, a tikiyyo isho paapahaddaayyo ana qupo isha!

Mataafa Iyyoopi 5:17

nama a Waaqa dapa qara fukkino, oo xaadi sanayta! Semmalla oto Waaqase we' piisa ettaninno ke fukkinooye in puyadan.

Mataafa Masmuureta 2:7

Anti “Saleese a Waaqa'en salisha; isha i'ana' kide, ‘Atti a innaayyo; anka awwe ke xaayye;

Xuuma Ermiyaasi 30:11

Waaqa ikiini, “Anti ke ollin caada ka ken paha; mankistewwasene an oppandesa ishin fide piisa alle'en pira; xaayti xoori, alle an ke an pashsho; umma an ke qatta'o mali an ke an diisho; ma minaddesawwen ke qatta'a.”

Maatiyoosi 3:17

Sitiiyyiw nessa a kiino “Tin inii innasene xayyo an jaalanna ka mikta ishin xasoonna” Ka moonte xata dakaade.

Qorontoosi a paayyota 11:32

Ma akkiman kuli orra piita olli an jiijammini'i, Poqalla ammaaw farate ka shooraan ino karafni.

Qorontoosi a lammatta 6:18

Ka aappaayshin kodda, ishina ka hellaayyo a diira isho a tuparra' kodditan. Waaqase we' piisa ettaninno asse kiini.”

Mataafa oppa' Ooreta 8:5

Semmalla Yaahiwwe Waaqaayshin akkima nama innaadi dehaammo mina'e akka ishin dehaame isi karanxata upnaada.

ipro 1:5

Waaqa erkampattowwaappaayye, ayno'e kide “Atti a innaayyo, anka awwe ke xaaye.” taaki, “Anti aappaaysho'en kodda, isha ka innaayyo kodda.”

Keleshaata 21:7

Nama puto, sede lehada: anti Waaqaadin kodda, isha ka innaayyo kodda.

Keleshaata 3:19

Anti orra an jaalanno piisan fukni ka ishootta qattaani, semmalla japaado ka juppootaaytippa oore.