Mataafa Saamu'eeli a lammatta 7:12 - Mataafa Qulqulloota

¹² Oto arreetaayti piito akka aakkadaassin kapopa antooyye, sanynyeetaayti a kupeettaaytippa sookten pakkaaytippa xaashaaw ka mankisteetaadi kokkonnaysha.

Mataafa Saamu'eeli a lammatta 7:12 ပူးပေါင်းရင်းမြစ်များ

Mataafa Uumata 15:4

Sekkammaayye tin, nessase a Yaahiwwe ka Apraami' kide, “Inna a atti' xaayta'e ke lehada diisheey, orxaytaayti Eli'eseri ke in lehaado.”

Mataafa Saamu'eeli a lammatta 22:51

Isha putayma kukutta'e nuqusaadi daanni ka Taawwitise a reexade'e isho sanynyeetaadi'i, xoonaadi a amaname haka paraparati akkinni.

Mataafa a Nuqussa a paayyota 1:21

Poqallaayyo oton sede ammaaw oli kela a oorinniniiyyi ka xata tootaayye, ana isho innaayyo Selemooni akka dapampaya mina'en dikamma.

Mataafa a Nuqussa a paayyota 1:48

Ka kide, “Poqalla Waaqa Isira'eeli a awwe lehampayta a suufaanetiyyo qara kuti'o akkeetoppan ana kaye a kalataysamo.”

Mataafa a Nuqussa a paayyota 2:1

Taawwiti ete kuyyaataadi a toota kela foolsannittooyye innaadi Selemooni dehaame ka kide,

Mataafa a Nuqussa a paayyota 2:10

Sekkamma Taawwiti ka to'e ka katamasene xaadi a Yursaalami kara hawlame.

Mataafa a Nuqussa a paayyota 2:4

Sitiiyyi kippeetase a Waaqa qootiyyo desa kide, ‘Oton hellaatti saantaaysho tooytaanni ka karittaaysho ka napseetaaysho piisan ana tura amanamaan kallaanniiyyi, sanynyeetaayti oppa nama sufaaneta Isira'eeli qara kuti'o an ke an daptisho.’ dikkisha.

Mataafa a Nuqussa a paayyota 5:5

Semmalla akkima xatta Waaqa aappinno Taawwiti haasawade ka kide, “Innaatti an pakkaaytippa sufaanetaayti qara kutiisha'e, maxxiyyo tika qupa.” Mina'en, maxxa Waaqa Poqallaayyoti tika qulqulloota qupa dikade.

Mataafa a Nuqussa a paayyota 8:15

Ka kide, “Aappinno Taawwiti kippeeta afaadin daashe harkaadinni dikkishe. Waaqa Poqalla Isira'eeli a kalataysamo. Ha isha ikide,

Mataafa a Nuqussa a paayyota 8:19

a koddito ma a tika qulqulloota ana qupo ken ma innaatti a kupeettaaytippa sooka'e maxxiyyo tika qulqulloota qupa; aa ishootta ana qupa.’

Mataafa a Nuqussa a paayyota 8:20

Waaqa kippeetaadi a daashe tooyte. Kippeeta a Waaqa daashe qara'e anti ka pakka aappinno a Taawwiti oppa nuqusume ka sufaaneta a Isira'eeli qara kuti'e ka maxxa a Waaqa Poqalla Isira'eeliti'i, tika qulqulloota qupe.

Mataafa a Nuqussa a paayyota 9:5

akkiman aappaayshin Taawwiti kippeeta daashe ka kide, “A sufaaneeta Isira'eeli qara kuti'o sanynyeetaayti oppa in dapado.” Mina'en Isira'eeli qara sufaanetaayti haka paraparati qaatisha.

Mataafa a Nuqussa a lammatta 8:19

A koddito ma qoota Waaqa Taawwiti isho sanynyeetaadi haka kitto'e, akka mankisteetaadi in pannini'i kippeeta ishootta daashe malla, orxaytaadi Taawwiti malla Yihuta patissa in faane.

Mataafa Otoowwa a paayyota 17:11

Oto parraatti dikkissooyye ka aappadaassin kapopa annittooyye, hellaa a kupeettaayti oppa sooke oppan takka xaasha ikka pakkaayti oppa nuqusuma anka mankisteetaadi kokkonnaysha.

Mataafa Otoowwa a lammatta 1:9

Waaqqo Poqallaayyo; qoota samayse lekuma hinkaajjeta paho qara ana nuqusumisse malla, kippeese a' aappinno Taawwiti' daasse kokkonnayshe

Mataafa Otoowwa a lammatta 13:5

Hela Waaqa Poqalla a Isira'eeli akka Taawwiti isho sanynyeetaadi Isira'eeli qara haka paraparati nuqusumto'e, akka kodayteeta a pursammi in kinnin ishootta olli kodade a uptane?

Mataafa Otoowwa a lammatta 21:7

A koddito ma kodayteetase a Waaqa Taawwiti olli kodade malla, Waaqa sanynyeeta Taawwiti qitissa in faane; ipsa haka paraparati libbini in kinnini'i Taawwiti isho sanynyeetaadi opassa'e kippeeta daahseey.

Mataafa Otoowwa a lammatta 23:3

xora piisa ka tika qulqulloota a Waaqa kara nuqusa olli kodaayteeta kodade. Yoodaahe ka ishootta kide, “Tin akkima Waaqa sanynyeeta Taawwiti kippeeta daashe mina'e, innoosen a nuqusa inuqusuman.

Mataafa Otoowwa a lammatta 6:15

Kippeetase a' aappinno orxaytaayti Taawwiti' daasse ikkokkonnasse ka wa afaattin haasawwatte akka awwe koddite mina'e, harkaaytin dikkisse;

Mataafa Otoowwa a lammatta 6:9

ma xoori a tika qulqulloota ana qupo innaatti a kupeettaaytippa sooka' diisheey ke'en.’

Mataafa Masmuureta 89:29

Sanynyeetaadi ka haka paraparati' kallaatta, parra a ilkaadi' nefo, a moonta' mina dikkatta in qapnaadan.

Xuuma Issayyaasi 11:10

Awsetiiyyi, akkima hittina taama' dehino mina'e, nuqusase toola Isseyi oppaayye xa'o milikkita kodda ka samayta' qa'ada; mankistewwa ka pora isha fadan; pora oppa kalo ka a ulfeessame kodda.

Xuuma Issayyaasi 9:7

Palduma a mankisteetaadi ka a nakaytaadi' pirama in qapan; ammaayye paayyatte haka paraparati'i; mura dukaata ka hanqeetanne mankisteetaadi qaatisada; ka quda qapa ka kokkonnassa'e, sufaanetase a Taawwiti qara' kuti'a; ka piita piisa pidda; yoota Waaqase we piisa ettaninno ka sede koota.

Xuuma Ermiyaasi 33:17

Maana malla Waaqa ikiini “Sanynyeeta Taawiti oppaayye nama Isira'eeli qara nuqusumo awta piisa caada;

Xuuma Taani'eeli 12:2

Orra le'e lekayta ka tootoppa xa'a ishoottoppa demo ka caatta parapara oppopa aanan, a demo ka pora oppa haka paraparati rakkadan ka jeera oppopa aanan.

Maatiyoosi 1:1

Isase sanynyeeta Taawwiti isho a Aprihaami koddeeti.

Luqaasi 1:32

Isha a kutta kodda ka inna a Waaqase we piisa qaropa qapo kidama. Waaqa Poqalla ka sufaanase a aappaayshoti a Taawiti ishi daasha.

Luqaasi 24:27

Ka se kammaayye mataaffa Muuse isho a xuumampayaati paayye ka wa qootaadi desa mataaffa qulqulloota oppa lelame piisa takka takka ishootta la'ayshe.

Kodampaya 13:36

Ma xoori Taawwiti xeltaadippaayye, ete kodaadi akka heenna Waaqa qara kode ka dikkishe kammaayye; ito'e ka aappadaasso oppa hawlame; ka japjape.

Kodampaya 2:30

Taawwiti malla sede haasawade, qoota xuumampayta kodde ka kippeetase a Waaqa xaxaan ishi' kale ka kide, ‘Sanynyeetaayti oppan nama takka sufaanaayti qara' kutiisha’ a upo malla.

Qorontoosi a paayyota 15:51

Tin juuttota takkan ishina' lela, ino' piisanti an leeno ma, piisantin pursamma.

Mataafa oppa' Ooreta 31:16

Yaahiwwe ka Muuse kide, “Tin, atti dehaynittoppa'e akka aappadaassina mina toota; samayse ka xa'a ka killowwa a piitase a karopa kalo kara caati sakatattaan nyala; ka alle ana diisha ka kodayteeta an isha olli kodade alle poota.

Teseloonqe a paayyota 4:14

Yesuusi akkima to'e ka tootoppa xa'e in amanninna. Semmalla a Yesuusi amane ka le'e Waaqa isha olliiyyi ishoottan de'a.