Mataafa Saamu'eeli a lammatta 6:14 - Mataafa Qulqulloota

¹⁴ Taawwiti ka saappata a qaaha a qeesewwa surraappandesa saappade ka fuula Waaqa tura'e, issi piisan kirpini.

Mataafa Saamu'eeli a lammatta 6:14 ပူးပေါင်းရင်းမြစ်များ

Mataafa Saamu'eeli a lammatta 6:15

Taawwiti isho samayta Isira'eeli piisa ka uuyata isho kaasa daweetan taapotase a Waaqa qeeden.

Mataafa Saamu'eeli a lammatta 6:20

Taawwiti ka toolaadi saka'e, tikopa kale. enenta Saa'ooli Melkooli ka isha mina mina'anayta ante ka ishi kiite, “Oo awwe nuqusa Isira'eeli atta issi ulfeesse! Ka akkima almaleeta iskammeela uwwa qaqqapnitto mina'e ka tuparra saarraadi kela shettewwa kodde turandesa iskammeela uwwa qaqqape!”

Mataafa Otoowwa a paayyota 15:27

Taawwiti ka kaappa a rufta nukkulla isho oyleeta kalsade; Lawaatase taapotase haanitto piisa ka a sammarra isho saaraaysho Kenaaniyya ka asseew kaappa a rufta nukkulla kalsaden.

Mataafa Masmuureta 149:3

A kalata maxxaadi' kirpen; ka timpa ka maasinqoota dawaan isha kalataysaden.

Mataafa Masmuureta 150:4

Timpa ka shipshepaan kalataysada; kehayta ka luuttotan kalataysada.

Mataafa Masmuureta 30:11

Pooytiyyo xasopa' purisse; ka japarraayyo a dapteeta ana quda sookisse; ka kapan a xasa ana' kalisse.

Mataafa Masmuureta 87:7

A kirpa dawna isho a meeha kirpa' dawna' piisa ka ollin kidane, “Hittinaayno ke karaaw sooke.”

Mataafa Sooketa 15:20

Sekkammaayye alawta Arooni xuumampayteetase Maariyaami ka timpa qedatte; iskatta piisa ka timpada qapade ka kirpan isheetta kamma sooke.

Mataafa Sooketa 15:21

Maariyaami ka ishootta masmuureta qeette ka dawte ka kiite, “Yaahiwwe, putayma ulfeena'e puteey, ka farta isho a qara kulufno pakateeta karopa kateey, ishi dawada.”

Mataafa Sooketa 19:6

Ka ana qeesewwa a mankisteeta ka samayta qulqullaawe kodditan; semmalla hellaa Isira'eeliti qaalese lelta.”

Mataafa Dehaamta 9:10

Koda harkaayti mina' kale piisa, hupnaayti a' qapton kokkonsado ka kode; maana malla, hawlase a' karopa annitto karaayye, koda ka dikatta, taaki upna ka ookuma in caaneey.

Xuuma Hisqeeli 46:10

Saarase kutta oto samayta kullinooyye a olli kullo ka oto sooknooyye a olliiw sooko.

Luqaasi 15:25

“Sitiiyyi qaarta dulopa sookade ka ete kallooyye ka tika kapa foolsadeeyye, nessa Kehayta a dawammo ka a kirpa dakaye.

Mataafa oppa' Ooreta 6:5

Yaahiwwe Waaqaayti karittaayti piisan ka isi piisan ka hupnaayti piisan jaalado.

Qolaasiisi 3:23

Wa' koonittane' piisa akka nama a kooni akkinin ka Poqalla Yesuusi' koonittan mina' dikada ka karitta piisan koda.

Mataafa Taanynyada 11:34

Yoftaahe ete tikase xaadi Misiba kara kitto opa kallooyye, enentaadi timpa dawni ka kirpan isha minopa sookte; isha umma isheetta mali hellaa pila in qapo.

Mataafa Taanynyada 21:21

ka eeyye asada ka oto tuparra Seelo kirpa sooknaaneeyye, turopa sooka ka matta matta mina enenta takka takka titada ka piitaayshin a Piniyaameta opa ishin kalada.

Mataafa Saamu'eeli a paayyota 2:18

Innasene shakka Saamu'eeli ka saappata qeesewwa a efuudi kidammo a rufta ata oppa kodame hiddade ka Waaqa' koda kooni,

Mataafa Saamu'eeli a paayyota 2:28

Ka kaffa Isira'eeli piis aoppaayye akka qeesittiyyo koddo ka poriyyo a kalisoota kapopa dehaado ka tankarta ana qayyaysho ka fuuliyyo tura efuudi hiddado'e isha reexade. Ka kalisootase kupannitto a samayta Isira'eeli dehanno piisa toola aappaayshinati daashe.

Mataafa Saamu'eeli a paayyota 22:18

Nuqusase Saa'ooli ka Tooyqi kide, “Atti'iw tiitaawe ka ishootta leyshe” Etoomittase Tooyqi ka tiitaawe ka qeesewwasene leyshe. Awsetiiyyi Tooyqi qeesewwa efuudi hiddanna kunda setteeti keni leyshe.