Mataafa Saamu'eeli a lammatta 5:3 - Mataafa Qulqulloota

³ Qimaya Isira'eeli piisa ka Keprooni karopa Taawwiti kapopa aanen. Taawwiti ka Keprooni kara'e, fuula Waaqa tura ishootta olli kodayteeta kodade; ishootta ka isha daaten ka Isira'eeli qara isha nuqusumshen.

Mataafa Saamu'eeli a lammatta 5:3 ပူးပေါင်းရင်းမြစ်များ

Mataafa Saamu'eeli a lammatta 2:4

Samayta Yihuta ka de'e ka eeyye'e Taawwiti reexe ka samayta Yihuta qara nuqusa kode ka daaten. Ete Taawwiti lelen ka kidene, “Ha orra a Yaapeeshi a kele'adi'i saa'ooli hawleeyye,

Mataafa Saamu'eeli a lammatta 2:7

Poqallaassin Saa'ooli ito'ey, samayta Yihuta ka ana reexade ka isqara nuqusa ana daatadeey, amma oori japaada ka kokkonnaada.”

Mataafa Saamu'eeli a lammatta 3:21

Apeneeri ka Taawwiti kide, “Akka ke olli kodayteeta kodadane atti ka orra karittaayti xajeele piisa qara nuqusumto'e, ana aano ka ke poqallaayyo nuqusa turopa Isira'eeleta piisa xaasho.” Taawwiti ka Apeneeri isqara xaashe ikka nakaytan tawe.

Mataafa a Nuqussa a paayyota 1:34

Qeesittase Satooqi isho xuumampaytase Naataani ka eeyye isha daaten ka Isira'eeli qara nuqusumshen ka kaasa dawen ka salishen ka kidene, “Selemooni a para kuma nuqusumo.”

Mataafa a Nuqussa a lammatta 11:17

Yoodaahe ka akka samayta Waaqa koddane'e, arta Waaqa ka a nuqusa isho a samayta kara'e, kodayteeta kode. Ka akkimose mina'ew, arta a nuqusa ka a samayta kara'e, kodayteeta kodeew.

Mataafa Otoowwa a paayyota 11:1

Isira'eeleta piisa ka Keprooni karopa Taawwiti kapopa ante ka ishi kiite, “Ha ino an ollin diika takka;

Mataafa Otoowwa a paayyota 11:3

Qimaya Isira'eeli piisa ka Keprooni karopa nuqusase Taawwiti kapopa de'en. Taawwiti ka Keprooni kara'e fuula Waaqa tura ishootta olli kodayteeta kodade. Ishootta ka Kippetase a xatta Waaqa Saamu'eeli qudan daashe qara'e Taawwiti daaten ka Isira'eeli qara nuqusumshen.

Mataafa Otoowwa a paayyota 28:4

Waaqa Poqalla Isira'eeli xoori akkan haka paraparati Isira'eeli qara nuqusumo'e toolinno pisa oppa ana reexade; ka akka saara koddo'e Yihuta reexade; ka tika Yihuta karaaye toolinno reexade ka hellaa a aappinno oppaayye akkan Isira'eeleta piisa qara nuqusumo'e, ana jaalade.

Mataafa Otoowwa a lammatta 23:16

Yoodaahe ka akka isha mattaadi'i ka samayta isho nuqusa akka samayta Waaqa koddane'e, kodayteeta kodaden.

Mataafa a Nehimya 9:38

Sede piisa minan wa taafame an qara olli kalle akka' taaftane'en pisani mukissampayaanno ka Lewaatinno isho qeesewwaanno ka taafetase an qara olli' kalle kamma kobbeetaaysho toommen.

Mataafa Sooketa 3:16

Aane ka qimayasene a Isira'eeli ollopa hale ka ishootta kide, “Yaahiwwe Waaqa aappadaassina a Aprihaami ka a Hisaaqi isho a Yayiqoopi ana tura akkaade ka ana kide, ‘In ishin tooyyade ka wa Kipsi kara ishin qara kaye akke.

Mataafa Iyyaasu 10:36

Sekkammaayye Iyyaasu isho xelase a Isira'eeli piisa piita Eklooniti desa piita Keprooni opa tuulen ka orra oppa co torpen.

Mataafa Taanynyada 11:11

Yoftaahe ka oori qimootase a Kele'adi olli aane. Samayta ka mukissampayta isho saaraaysho a orannaati isha kodade; Yoftaahe ka wa haasawade piisa qara oore ka Misibbaayye fuula Waaqa tura haasawade.

Mataafa Saamu'eeli a paayyota 11:15

Samayta piisa ka Kelkela karopa ollopa aane ka eyye kara'e fuula Waaqa tura oppa oore ka Saa'ooli nuqusumshe ka eeyye kara kalisoota takkumta fuula Waaqa tura kalshe. Saa'ooli isho samayta Isira'eeli piisa ka ollin a kuttati xasooden.

Mataafa Saamu'eeli a paayyota 16:13

Waaqa ka Saamu'eeli kide, “Nama an reexade ishaay, xa'e ka isha daate.” Saamu'eeli ka kaasase a sayteeta qeede ka fuula hellaassoti tura Taawwiti daate. Awsetidesa paayyatte hapura Waaqa ka hupnan Taawwiti qara de'e. Saamu'eeli ka xa'e ka Raamaapa kale. “qulla/muda”

Mataafa Saamu'eeli a paayyota 23:18

Ishootta lakki ka fuula Waaqa tura olli kodayteeta kodaden. Taawwiti ka Horeeshi kara hase. Yoonataani ka tikopa kale.