Mataafa Saamu'eeli a lammatta 4:4 - Mataafa Qulqulloota

⁴ Inna Saa'ooli Yoonataani inna takkan loqqaan toonnaawe Mefepoosheti kidamma'e qapa. Qoota toota Saa'ooli isho a Yoonataani desa ete katama Iyyisira'eliti otoota deeteeyye, innoosen sitiiyyi para keni piren. Ampattootaaysho ka ishootta qeette ka ishin qahani. Ete jarjartan ishin qahanittooyye ikka pi'en ka toonnaawen.

Mataafa Saamu'eeli a lammatta 4:4 ပူးပေါင်းရင်းမြစ်များ

Mataafa Saamu'eeli a lammatta 21:7

Nuqusa xoori kodayteetase a isha isho Yoonataani inna Saa'ooli fuula Waaqa tura kodaden malla, mefepoosheti innasene a Yoonataani, oopaase a Saa'oolinni pahe.

Mataafa Saamu'eeli a lammatta 9:13

mefepoosheti qoota awta piisa nuqusa olli damta dammo malla, Yursaalami kara'e kallaanni; loqqaadi lakki xoori totoonnaya.

Mataafa Saamu'eeli a lammatta 9:3

Nuqusa ka isha kaassade ka kide, “Akkan paxaarumta Waaqa ishi kodo'e, sanynyeeta Saa'ooli oppaayye hela nama pahe in co?” Siipa ka nuqusa kide, “Inna takkan a Yoonataani loqqaan totoonnaawe'e ca.”

Mataafa Saamu'eeli a lammatta 9:6

Mefepoosheti inna Yoonataani oopaase a Saa'ooli ka Taawwiti turopa dehaade ka fuula piitan kaye ka ishi kaareeta oorshe. Taawwiti ka isha wellele ka kide, “mefepoosheti! Ishi ka ehade ka kide, ee! Poqallaay, anti an mefepoosheti orxaytase xaayti.”

Mataafa a Nuqussa a paayyota 11:17

Sitiiyyi Hataati isho Etoometase aappaaysho kela orxummitto patta leeta kela pahe. Ka Kipsipa qahe Hataati sitiiyyi inna shakkaya.

Mataafa Otoowwa a paayyota 8:34

Inna Yonaataani Meriipa'eeli kidammi; Meriipa'eeli ka Miikka xaaye.

Mataafa Otoowwa a paayyota 9:40

Yonaataani Meriipa'eli xaaye, Meriipa'eeli ka Miikka xaaye.

Mataafa Saamu'eeli a paayyota 29:1

Filisteemeta Afeeqipa xelaadi a oranna piisa haleete. Isira'eeleta ka elase naaba Iysira'eli kara co kapa safarteew.

Mataafa Saamu'eeli a paayyota 29:11

Taawwiti isho xelase isha quda co ka parraytaadiiyyi paraappan xa'en ka alle Filisteemipa tiitaawen. Filisteemeta ka Eeyisira'elipa orannaseniti tuulte.