Mataafa Saamu'eeli a lammatta 3:3 - Mataafa Qulqulloota

³ Innaadi lammatta Kili'aapi, a iskatteetase a katama Qermeloosi a Naapaali qara to'e xaayte. Innaadi a sessatta Apiseloomi, a Maa'ikka enetase a Talmaayi a nuqusa Keshuuri xaayte.

Mataafa Saamu'eeli a lammatta 3:3 ပူးပေါင်းရင်းမြစ်များ

Mataafa Saamu'eeli a lammatta 13:1

Apseloomi inna Taawwiti, xarjaallitteeta takka a alawta'e qapa. Maxxaadi nefo Ti'imaari; inna Taawwiti Amnooni ka isheetta xajeele.

Mataafa Saamu'eeli a lammatta 14:23

Iyo'aapi ka xa'e ka Keshuuripa aane ka Apseloomi qeede ka Yursaalamipan kale.

Mataafa Saamu'eeli a lammatta 14:24

Nuqusa xoori ikide, “Tikaadi a mattaadi kara a kallaado diisheey, ildaayyo turanne in akkaannin. Apseloomi ka oori ilda nuqusa turanneew akkaatta diishe ka tika a mattaadi kara kallaade.

Mataafa Saamu'eeli a lammatta 14:32

Apseloomi ka ishi oorshe ka kide, “Eten ke halaaccisnooyye qoota a deenin malla akka nuqusa kapopa anto ka isha kaassatto ka kiito, Apseloomi ikiini, ‘Ata kuli maana mallan Keshuuri kara kale? Katin eeyye'ew tawe ana wayyi.’ mallan nessa ke kamma erke. Semmalla amma aane anka fuula nuqusa akko; oton dapa ana qara caayye, ikka kapa alle ana ishsho.”

Mataafa Saamu'eeli a lammatta 15:7

Para afuri kammaayye, Apseloomi ka nuqusase Taawwiti kide, “Akkan Keproonipa aano ka xasa an Waaqa daasade kalsho'e, ana faqqate.”

Mataafa Saamu'eeli a lammatta 15:8

Anti orxaytaayti an piita Sooriyatiiyyi Keshuuri kara kalooyye, xasan Waaqa daasade ka kide, “Dukaatan otoni iWaaqa Yursaalamipa anan kaleeyye, Keprooni kara'en ishi sakatada.”

Mataafa Saamu'eeli a lammatta 18:33

Nuqusa ka a kuttati nyarrahe ka tikase kawwatta katama qara kitto qaropa fayyade ka pooye. Ka ete annooyye pooyni ka kiini, “Oo innaayyo, Apseloomi kaata anti pakkaaytippa anto'o, oo Apseloomi innaayyo, innaayyo!”

Mataafa Saamu'eeli a lammatta 2:2

Taawwiti ka iskattase xaadi lakki ollin eeyyepa aane. Ishootta nefo Ahino'aamese a katama a IyyIsira'eeli isho Apikeeli iskatteetase a diirtaadi Naapaali qara in kinnin a katama Qermeloosi.

Mataafa a Nuqussa a paayyota 1:6

Umma aappaaysho Maane asse kooni in kiine ka isha in peeqne; Atooniyaasi nefo kussitta Aapeseloomi ka akatan xarjaallitta.

Mataafa a Nuqussa a paayyota 2:15

Ikka isheetta kide, “Akkima mankisteeta xayyo koddite akkan anti nuqusaumo'e Isira'eeleta piisa ka ana qaropa ilda tiitase i''upta. A koddito ma qoota Waaqa a xaadi kode malla, mankisteeta itiitaawte ka a innaanno koddita.

Mataafa Otoowwa a paayyota 3:1

Hellaa Taawwiti a diira a Keprooni kara kalooyye xaaye sene: qaartaadi Amnooni a Iyyisira'elitteetase Ahino'aami ishi xaayte, a lamatta'ew Taani'eeli; isase a Qermeloositteetase Apiki'eeli ishi xaayte.

Mataafa Otoowwa a paayyota 3:2

A sessatta Apeseloomi; isase a Maa'ika enenta a Talmaayi a nuqusa Keshuuri ishi xaayte; a afratta Atoniyaasi isase a Hakiti ishi' xaayte.

Mataafa oppa' Ooreta 3:14

Isase sanynyeeta Minaase oppa dalade Ya'iri ka piita Arkoopi piisa teyyade; ishootta nefo paasaanise haka xeela Keshuuri ka a Maa'ikkaati kitto; ka akka palewwosen maxxaadin halaamane kode; ikka haka awweti ‘Paleewwa Ya'iri’ kidammi ka halaammi.

Mataafa Iyyaasu 13:13

Ma xoori Isira'eeleta orra piita Kasuuri isho a Maa'ika alle in daanne, ikka haka awweti Isira'eletoppa kalan.

Mataafa Saamu'eeli a paayyota 25:3

Iskatteetaadi Apikiyya kidammi. Isheetta akata qalpeeta qapta kan xarjaallitteeta. Isha xoori nama qalpeeta in qapnin kan almalitta.

Mataafa Saamu'eeli a paayyota 25:42

Ka jarjartan xaate ka harreetaadi qara kutiite ka orxayaadi a tuparra keni isquda qeette ka orxayasene a Taawwiti erke olli ante ka iskatteeta Taawwiti koddite.

Mataafa Saamu'eeli a paayyota 27:8

Taawwiti isho xelaadi a oranna ka ollin tuulen ka Keshuurata ka Kerisaata ka Amaaleqeeta torpen. Samayse a torpen xattaaw piisse Suuri paayyatte haka Kipsiti kitto oppa kalan.