Mataafa Saamu'eeli a lammatta 24:16 - Mataafa Qulqulloota

¹⁶ Ete erkampattoota Waaqa Yursaalami patissa'e harkaadi derasseeyye, Waaqa ka neequmtose malla maraarfade ka erkampattoose orra pirritto kide, “Ikodditeey, harkaayti oorsado.” Sitiiyyi erkampattootase a Waaqa awta Orna a Iyyapuusitta kapa'e qa'atte.

Mataafa Saamu'eeli a lammatta 24:16 ပူးပေါင်းရင်းမြစ်များ

Mataafa Uumata 10:16

ka a Iyyapuusi ka a Amoora ka a Kerkaasi' xaaye.

Mataafa Uumata 6:6

Yaahiwwe sede a piita qara nama uume ka ishi neeqnaatte, ikka semmalla harmmo nyarrahe.

Mataafa Saamu'eeli a lammatta 24:18

Kuyyaasetiiyyi Kaati ka Taawwiti kapopa de'e ka ishi kide, “Opeela fayyado ka awta Orna a Iyyapuusitta oppa'e, Waaqa'e, pora kalisoota dawe.”

Mataafa Saamu'eeli a lammatta 5:8

Kuyyaasetiiyyi Taawwiti ka kide, “Nama Iyyapuusata torpino, joolamma isho totoonnayasene nyaapa Taawwiti kodde torpa'e a pisha karan tarpo ka katama karopa fayyaado.” Semmalla deymatteeta kiini, “Joolamma isho totoonnaya tika mankisteeta opa in kullan.”

Mataafa a Nuqussa a paayyota 19:4

Ka xawwaati koommaytoppan xata kuyyaata takka aane ka maqe ka qoyra dittatta kela kuti'e ka issi toota qinsade ka kide, “Amma oori ikoddite. anti aappadaanno qara an qapooy, Waaqqo alle ana ishshe.”

Mataafa a Nuqussa a lammatta 19:35

Halkeesse oppaayye, erkampatoota Waaqa ka ante ka xela oranna a Asoori oppaayye nama kuma dippa kunda setteti ken lesse. Ete teykaniiyyi xa'eneeyye, tin pukkaaw piita immake.

Mataafa Otoowwa a paayyota 1:14

Iyyapuusata ka Amoorata ka Kerkesaata ka

Mataafa Otoowwa a lammatta 3:1

Selemooni ka Yursaalami kara'e, irrootase a Mooriya a qara Waaqa aappaaysho Taawwiti tura akkaade qara'e, tikase a qulqulloota a Waaqa qupa paayye. Porose nefo awtasene a Orna a Iyyapuusitta isasene a Taawwiti turan reexe.

Mataafa Otoowwa a lammatta 32:21

Waaqa ka erkampattootaadi erke ikka safara xela oranna a Asoori oppa'e xela oranna ka saarra isho xormeeta oranna pirte; semmalla nuqusa a Asoori ka jeeran piitaadipa tiitaawe. Ete tikaadi a killoota kelopa kulleeyye, hellaadi a xaaye a diira ka koraatetan isha ishshen.

Mataafa Masmuureta 135:14

Maana malla, Waaqa samaytaadi'i dukaata murriiy; ka orxayaadi suraysanniiy.

Mataafa Masmuureta 35:6

Saantaaysho a tukkanto ka shirqanta koddito! A erkampattoota Waaqa ishootta kamma xata tuqto.

Mataafa Masmuureta 78:38

Waaqa xoori qoota suraysattan immakaade malla, juppootaysho i'ishootta' diishe, umma alle ishootta in patinne. Ka a lekatin alle' miiraadi ishootta qara tiitayshe, umma aaraadin ishootta qara in' xaane.

Mataafa Masmuureta 90:13

Waaqqo, miiraayti haka aytamiti'i jara? Tiitaawe ka orxayaatti suraysado.

Mataafa Sooketa 12:13

Diikoose tikka a kara kittaneeti'i, milikkita kodda; oton diikoose akkooyye anka ishin qaran tarpa; oton Kipseeta pirrooyye, umma xaayshin erkannaata ishin qara in kayto.

Mataafa Sooketa 12:23

Yaahiwwe Kipseeta lessaata'e piitaaysho oppan tarpaay, oto qorasene paka pakan ca a xarra lakki isho manturayta quda diika akkooyye, Yaahiwwe tikoose kapanne tarpa, umma akka erkampatootase a toota tikkaassin karopa kullito ka ishin pirto in kodo.

Mataafa Sooketa 32:14

Yaahiwwe ka pateettase a samaytaadi qara qeeda dikade alle diishe.

Mataafa Sooketa 9:28

Qaqawwa isho apteentase a Waaqa ino qara i'ollin koopteey, Yaahiwwepa ino qinsada, akka alle antane'en ishin diishaay; arepa desa are kara'e a kallaattaneey.”

Xuuma Issayyaasi 27:8

Poojama ka piita hapta opa daanamaanne isheetta qattaate ka akka puppeeta a qinda piirtota' mina'e, miiraaytin alle isheetta haate.

Xuuma Issayyaasi 57:16

Anti haka paraparati an miirodo, umma awta piisa an peeqo; maana malla hapura nama isho nessa caatta an uume piisa ana tura' kafadeey.

Xuuma Ermiyaasi 26:19

Hela kuli nuqusase a Yihuta Hisqiyaasi isho samayta Yihuta piisa iMikiyaasi ishshene? Hisqiyaasi Waaqan fuurre ka diissata in qinsanne? Waaqa ka qitaatetase a ishootta qara qeeda haasawade alle'en diinne? Ha ino pateetta kuttayteetan isi qara qeenninna.”

Xuuma Ermiyaasi 42:10

‘Pateettae an ishin qara' qeede minanne dikattiyyo qoota pursame malla, oton piisse oppa'ewwe kallaannittaneeyye, in ishin qupa diisheey alle an ishina an pooto; ka ishin disha diisheey alle an ishina an shukko.’

Xuuma Amoosi 7:3

Waaqa nefo ka ishootta' nyarrahe ka ana' kide, “Wossen a akkite ishootta qara'en kayan.”

Xuuma Amoosi 7:6

Waaqa ka ishootta' nyarrahe; Waaqase piisa qara qapo ka ana' kide, “Sede nefo ishootta qara in kayto.”

Xuuma Inpaqoomi 3:2

Oo Waaqa, qootan kodase' xaayti orra qawwanno a' koote piisa dakaye malla, oo Waaqa harmo'en fuure; kodase orra qawwanno a' xatta turan koote piisa, awwe kuli xeltinno oppaayye lammatta' kodeew; ka xeltada ca' piisa oppaayye akka upnaysamto' kode; kadi punu miirottaayye, diissataaytin ino dikatta in diishan.

Xuuma Sakkaariyaasi 9:7

Anti diikan afaasso karaayye alle' haqa ka damta a nyalte ilkasso' kelaayye alle' puqqisha; peella hase nefo a Waaqa'e koddan. Ka piita Yihuta karaayye kafa takka koddan. Aqarooneta nefo akka orra Iyyapuusata' mina'e koddita.

Mariqoosi 14:41

Ka a sessattati ishootta kapopa ooreew ka ishootta kide, “Hela ammikki mukten ka nessannittane? Ha ikoddite. Saatetase ikayte tin inna nama harka juppoolaya oppopa tuukkaman.

Kodampaya 12:23

Herodisi qoota Waaqan ulfeessinin malla, erkampattoota Poqalla eennow isha da'isse. Punaata ka isha damen ikka to'e.

Qorontoosi a paayyota 10:10

Ishoottoppa orra demo akka moomo'e ka erkampattootase orra pirritton pirame mina'e; ishina' nefo in moomo'an.

Qorontoosi a lammatta 2:6

Nama asse paho qara'e, qitaateta a ishin oppa orra lekayta isha qara' mure i'isha kayta.

Mataafa Iyyaasu 15:63

Ma xoori samayta Yihuta Iyyapuusatase Yursaalami kara kalto daana in ettaninne; ikka haka awweti ishootta olli piitase a Yursaalami kara kalta.

Mataafa Taanynyada 1:21

Kafa Piniyaami xoori, Iyyaapusatase Yursaalami ara kalto alle in daane; Iyyaapusata ka haka awweti samayta Piniyaami olli Yursaalami kara kallaanni.

Mataafa Taanynyada 19:11

Ete Iyyapuusi kayeneeyye, letta ishishshipte; orxaytase ka poqallaadi kide, “Alle maqna ka are katamoosen a Iyyapuusata kara mukna.”

Mataafa Saamu'eeli a paayyota 15:11

“Saa'ooli nuqusa kodeetiyyon in maraarfade; maana malla isha ana kamma anta alle diishe ka ajajiyyo in tooytininiiy.” Saamu'eeli ka miirode ka halkeetta piisa Waaqopa ullupni rafe.