Mataafa Saamu'eeli a lammatta 24:10 - Mataafa Qulqulloota

¹⁰ A koddito ma, Taawwiti ete xela oranna dike kammaayye, karanxata ishi dakaatte ikka Waaqa kide, “Waan kodeetinni a kuttati'in juppoota kode. Ma amma Waaqqo, in ke qinsanniiy ishindapaytiyyo a orxaytaayti alle pashshe, a kuttati'in eepuma kodeey.”

Mataafa Saamu'eeli a lammatta 24:10 ပူးပေါင်းရင်းမြစ်များ

Mataafa Saamu'eeli a lammatta 12:13

Taawwiti ka Nataani kide, “Waaqa'en ishin dape.” Nataani ka Taawwiti kide, “Waaqa dapaayti ike diisheey, a tooto;

Mataafa Saamu'eeli a lammatta 24:17

Taawwiti ete erkampattootase orra pirritto akkeeyye, iWaaqa haasawade ka kide, “Tin are ana mattiyyo juppoota ka neequmta kode ma, kaharroosen maana koden? In ke qinsanniiy rakkoose a ana ka tooliyyo qara kayto.

Mataafa a Nuqussa a paayyota 8:35

Qoota samaytaayti ishin ke dape malla oto moonta lulto roopa ka dapadooyye, ikka qinda porooseti opa qinsadan ka maxxaayti halaneeyye ka qoota ishootta rakkacciiste malla juppootaysho oppa tiitaawaneeyye,

Mataafa Otoowwa a paayyota 21:7

Ajajose qoota Waaqa kuli tura neeqnaade malla, ikka Isira'eeleta qara'e erkanaata qeede.

Mataafa Otoowwa a paayyota 21:8

Taawwiti ka Waaqa kide, “Sede an asse kode a kuttati'in ishin dape ka koda eepuma kodeey, dapiyyo a orxaytaayti akka ana diisso'en ke qinsanni.”

Mataafa Otoowwa a lammatta 16:9

Orra karittaaysho piisan isha kippanno kokkonnassa'e ilda Waaqa piita piisa qara akkini. Atti qoota eepuma koote malla arepadesa oranna ke qara in oolan.”

Mataafa Otoowwa a lammatta 32:26

A koddito ma, Hisqiyaasi isho samayta Yursaalami ka isi jeejjattaaysho oppa tiitaawen ka isi shakkishen; seminan miira Waaqa ka xelta Hisqiyaasi oppaayye ishootta qara in kaynin.

Mataafa Iyyoopi 7:21

Maana'e dapiyyo ana'e a' diinni a' kinnin? Ka juppootiyyo ana qara a' tawinni a' kinnin? Xoora an oppa piitoppa' deraada ifoolsaden, akka ana faata. Umma anti an teyado.

Mataafa Masmuureta 32:5

Juppootiyyon ke tura' upnayshe; umma ishin dapaytiyyo an juunne; ka kide, “Dapiyyon Waaqa tura' lelada” Atti ka juppootiyyo ana' diisse.

Mataafa Sooketa 10:16

Sekkammaayye Feri'ooni ka Muuse isho Arooni jarjartan halaaccise ka ishootta kide, “Yaahiwwe Waaqaayshin isho ishin qara'en juppoota kode.

Mataafa Pahana 28:13

Nama juppootaadi qara dekno, olkela ishi' teyni in kitto; a dapaadi lelanno ka diinno xoori diissata akkaada.

Hoose'i 14:2

Haasa a araara' kalta qapada ka Waaqopa oora ka kida, “Juppootinno piisa ino' diishe ka diissataaytin ino teyyado, anka dalta kalata a afaanno ke' dehaanno.

Xuuma Iyyu'eeli 2:12

Waaqa kiini, “Amma nefo damta musattaan ka pooytan ka nyarrahatan karittaayshin kareela anopa tiitaawa.

Mataafa Dikoota 12:11

ka Muuse kide, “Oo poqallaayyo, qootan eepumme ka juppoota koone malla inon qatta'an.

Mariqoosi 7:22

ka dahaleeta taaki dahalsatta ka paata kaabbeeta ka neequmta ka sassapa ka fokkoota dapeeta ka yooyo'uma ka paata otitta ka isi peepa isho isi qaran xata paata xaayeeta.

Yohaannisi 1:29

Parraytaadiiyyi Yohaannisi, a Yesuusi isha kapopa deeno akke ka kide, “Tin laahase a Waaqa juppoota piita alle pashsho.

Yohaannisi 8:9

Ishootta ete sede dakayeneeyye, qimoote paayyatte piisanti takka takka eeppaayye tawen. Semmalla Yesuusi ka xawwaati iskatteetase otantoppa qa'annitto kapa' hase.

Mataafa oppa' Ooreta 32:6

Ishina a qalpeeta in qapnini eeppa a samaytatiiyyi, saantosetinni Yaahiwwe oorissane? Isha aappaayshin ka uumampaytaayshinanne? Isha ishin in koone ka ishin in kokkonnanne?

Tiito 3:3

Ino' nefo setturanne an eeppa a ajajammi in kinnini ka a kamma dape ka a xajeelta ika lekayta isho xasa so'aati karpishshume. Ka falqa ka yootan kallaanna ka needdatame ka oli needdanna.

Yohaannisi a paayyota 1:9

Kadin, juppootinno Waaqa tura' lelannaayye, isha' qoota a amaname ka hanqeellita kodde malla juppootinno piisa ino' diisha ka ishin dapaytinno piisa oppa ino qulqullaysha.

Mataafa Saamu'eeli a paayyota 13:13

Saamu'eeli ka Saa'ooli kide, “Eepuma koote umma ajaja a Poqalla Waaqaayti ke ajaje a tooytaanne; katin ittooytaatte kiiteeyye, helani isha Isira'eeli qara'e mankisteetaayti haka paraparati qaatinni heene.

Mataafa Saamu'eeli a paayyota 24:5

Sekammaayye Taawwiti qoota ohaata Saa'ooli kamma kayla mure malla inyarrahe.

Mataafa Saamu'eeli a paayyota 24:6

Ikka orraadi a isha quda co kide, “namoose Waaqa isha daateey, anti nama a Waaqa daatade poqallaayyo qara wa asse paha kodeeta ka isha qaropa harkiyyo xa'issa a Waaqa ana qara dawro.”

Mataafa Saamu'eeli a paayyota 26:21

Saa'ooli ka kide, “Innaayyo Taawwiti keeton ishin dape ma tiitaawe ka ana kapopa xooye; anti lammata wa neeqa ke qare an kodooy, ati halkeesse a awwe oppa toota kela i'anan pahate, anti xoori in eepume ka dapa akata kutta kode.”