Mataafa Saamu'eeli a lammatta 23:5 - Mataafa Qulqulloota

⁵ Dukaatan sanynyeetiyyo olliiyyi Waaqa asseewwen qa'anne? Maana malla, isha we piisa harmishe ka tooyeey, ka ana olliiyyi kodayteeta para para kodadeey; semmalla oori, isha anan qaarqaaro? Ka xajeeltiyyo piisa porannen teyo?

Mataafa Saamu'eeli a lammatta 23:5 ပူးပေါင်းရင်းမြစ်များ

Mataafa Uumata 9:16

Oton pankaalata oraarta roopa oppa akko piisaayye, kodeetase a parapara otantiyyo isho a uumata piisa oppa' kodamten matte qapnaada.”

Mataafa Saamu'eeli a lammatta 12:10

Semmalla qoota ana tuffatte ka iskatteeta a Ooriyo a Hittitta qedatte ka xaayti kodatte malla, arepadesa nama oranan ishshammo sanynyeetaaytippa in dapado.

Mataafa Saamu'eeli a lammatta 13:14

Isha xoori isheettan dakaya tiite ka qoota kokkonnuma isheetta qaropa qapo malla, irreetanne isheetta qapade ka isheetta olli muke.

Mataafa Saamu'eeli a lammatta 13:28

Apseloomi ka orxayaadi ajaje ka kide, “Oto Amnooni taadeta wayneeta maashshoodo tooya ka oton ishina kiino ishshaayye, ishsha; ana ishin ajajeey in fuuran, japaada ka kokkonnaada.”

Mataafa Saamu'eeli a lammatta 18:14

Iyyo'aapi ka kide, “Anti ke olli asse eta pira quda an tawo.” Ka orana sessa harkoppa teyyade ka aane ka Apseloomi a eeyye co ka qoyroppa raa'ino tupa sataata tottorpe ka oppa qaqqaatishe.

Mataafa Saamu'eeli a lammatta 7:12

Oto arreetaayti piito akka aakkadaassin kapopa antooyye, sanynyeetaayti a kupeettaaytippa sookten pakkaaytippa xaashaaw ka mankisteetaadi kokkonnaysha.

Mataafa Saamu'eeli a lammatta 7:18

Taawwiti ka kulle ka fuula Waaqa tura kute'e ka kide, “Oo Poqlo Waaqqo! Ke piisa qara qapo ata anti an ayno? Tooliyyo kan opa ayno? Akka aren ana kayte.

Mataafa a Nuqussa a paayyota 1:5

Atoniyasise a “Hakiti” Xaayte “Nuqusan kodda” Kide ka xa'e ka sarakelladda ka fartada isho nama kunda keni a isha turandesa hiro harmisade.

Mataafa a Nuqussa a paayyota 11:38

Oton akka orxaytiyyo Taawwiti mina'e dukaatan ana ajajammi ka saantiyyon kallaanni ka seeriyyo isho ajajiyyo tooytini ka wa fuuliyyo tura paxaara kooniiyyi, anti awta piisan ke olli caada ka Isira'eeli qara nuqusa ke koda ka akkan Taawwiti kode mina'e sanynyeetaayti a itturopa dalannitto kuli akka nuqusumto ke upnaysha.

Mataafa a Nuqussa a paayyota 12:14

Ka akkamase a hiriyyaataadi isha dehaamte mina'e, samaytaseti kide, “Ha aappinno miidda kokkokanne ishin mukshe; ma anti sede qaran qapto'en ishin qara kokkonnaysha; aappinno halankaanne ishin karafe ma, anti qajjeeta a pilla mina orra kakkaanittonnen ishin karafa.”

Mataafa Masmuureta 111:9

Ka wa samaytaadi fura erke ka kodayteetaadi haka paraparati ajaje; maxxaadi a qulqullaawe ka fuurammo.

Mataafa Masmuureta 119:81

Anti dinaayti, a kuttatin yaatanni; ma qaaletaaytin kippanni.

Mataafa Masmuureta 27:4

Anti, we takkanen Waaqa qara qinsanni; ka wossen nefo faani; akkan parra an co piisa oppaayye tika a Waaqa' kara' kallaado ka paxaarumta Waaqa' tooyo, ka tikaadi a qulqulloota' karaayye isha dikado'e.

Mataafa Masmuureta 62:2

Tooytampaytiyyo ka dinshampaytiyyo isha mali in co; ishan xelsumaayyooy, pakkanna an leeho.

Mataafa Masmuureta 89:3

Atti nefo ka turan kiite, “Nama an reexade ollin kodayteeta kodade, ka orxaytiyyo Taawwiti' xaxade.

Xuuma Issayyaasi 11:1

Akkima kurpana qudaayye fujuqa ujjino, hittinaadi ka taama dehinno mina'e, toola Isseyi oppaayye nuqusa xa'a;

Xuuma Issayyaasi 27:6

Parra a arepa desa deena' karaayye, Yayqoopi hittina katada; Isira'eeleta ka fujuqta ka pista ka daltaadin piita piisa qara immakan.

Xuuma Issayyaasi 4:2

Samayta akka qoyra Waaqa dishe mina awsitiiyyi fujuqa wa a paxaara ka ulfeena qapaa'e deha; wa piisse oppa pala ka Isira'eeleta a peela hasse'e jeejja isho ulfeena koddan.

Xuuma Issayyaasi 54:10

Waaqaayti isase ke suraysanno ikiini, “Irrowwa ikotaanan, kunkunnawwa kuli ka poraaysho oppa ma'an; ma xoonasene xayyo pirama in qapnini ke qara in ma'an, umma kodayteetiyyo a nakayta ke qara in pootamto.”

Xuuma Issayyaasi 55:3

Napahataayshin anopa oorsha ka anopa dehaada; ka akka' caattane'e, anopa dakkaysada, xoonasene xayyo pirama in qapnini, an Taawwiti' qapa minannen, ishin olli kodayteeta parapara' kodada.

Xuuma Issayyaasi 61:8

Anti Waaqa mura hanqeeta'en jaalanni; ka sara isho ishin dapayta needdanni; ka amanumaayyonnen saka ishootta' daasha, ka ishootta olli kodayteeta parapara' kodada.

Xuuma Issayyaasi 7:14

Semmalla Poqalla mattaadi' milikkita ishina' daasha; tin, iskatteeta xayya qapto inna hita ka inna diirta' xaaya ka maxxaadi ‘Amaanu'eeli’ Kiita ka haleeta.

Xuuma Ermiyaasi 32:40

Akka ishootta ana kamma alle'en tiitaawnini'i; akkan ishootta paxaarumta kodeeta an diinnini'in ishootta olli kodayteeta parapara kodada ka fuurameetiyyo karittaaysho kara' xaaya.

Xuuma Ermiyaasi 33:21

asseeyye orxaytase xayyo Taawwiti akka inna alkaadi qara kuti'a in dapnini'i, kodayteetase an isha olli kodade, qepissa i'ettanissan; ka sanynyeeta Lewi karaayye orxayaasene xayyo qeesewwa kodde olliiyyi kodayteeta an kodade kuli qepissa ettanissaneew.

Xuuma Hisqeeli 37:26

Anka ishootta olli kodayteeta nakayta' kodada; ikka kodayteeta parapara koddita; piitaaysho oppa'en ishootta kokkonnaysha ka ishootta leksha ka ishoottoppa haka paraparati tikiyyo a qulqulloota' qupa.

Xuuma Amoosi 9:11

Waaqa ikiini, “Kuyyaatan oppa mankisteetase a Taawwiti a pi'ite xaasho de'a, anka kawwattaadi a qitte dawa ka isase' pootamte harmisha; ka a turan kitto pahanaysha.

Kodampaya 13:34

Akka Waaqa tootoppa isha xaashe ikka lammattaen toonini'i Waaqa ihaasawade ka ikide, kippeetase qulqullaawte ka amanamte an Taawwiti daashen ishina daasha.

ipro 13:20

Waaqase a nakayta, isase Poqallaanno Yesuusi, sikmaytase a kahirra a kutta, diika kodayteeta paraparatin tootoppa xaashe,

ipro 6:19

Kippeetose caatinno'e akkama siplase markapan qaatinnaan lellehni in kinnin kokkoka mina; kippeetase an Yesuusin qapno kaaranta karanne tarpini ka pora Qulqullaawe opa kullini.

Mataafa Saamu'eeli a paayyota 2:35

Anti qeesitta amaname, a akka karittiyyo ka a dikattiyyo qara ana koda kodon xaasada. Ka sanynyeetaadi poorsha ikka nuqusa an reexado tura awta piisa ana koda koda.

Mataafa Saamu'eeli a paayyota 25:28

Poqallaayyo atti qoota oranna a Waaqa torpinitto malla atti wa neeqa a dikanni a kitto. Waaqa parra lekaya ke nuqusumshaay, dapa a kode ana orxayteetaayti diishe.