Mataafa Saamu'eeli a lammatta 22:3 - Mataafa Qulqulloota

³ Waaqiyyo shiliyyo an kela koorsanno ka kontaleetiyyo ka atti a hupna diniyyo ka a xelsumaayyo an kelopa qahano, ka a dinshampaytiyyo, atti hupna irreelaya kela anan pahani.

Mataafa Saamu'eeli a lammatta 22:3 ပူးပေါင်းရင်းမြစ်များ

Mataafa Uumata 15:1

Sekkammaayye, nessa Yaahiwwe keleshaatoppan Apraami' dakaade ka kide, “Apraami, anan kontaleetaaytiiy, in fuuran. Waan ke loqsha nefo, akata kutti.”

Mataafa Saamu'eeli a lammatta 22:31

Waaqoose saantaadi qaja in qapto qaaleta Waaqa we pisanne a amanamte; a isha kela koorsanna piisa'e, isha kontaleeta.

Mataafa Saamu'eeli a lammatta 22:47

Waaqa caattampayta, shiliyyo a ulfeessamo. Waaqase xelsumaayyo ka dinshampaytiyyo kodde a kukuttado.

Mataafa Saamu'eeli a lammatta 22:49

ka nyaapiyyo kela anan pahe. Atti paarkaalaayyo qaropeela ana kuttisse ka karpampaya kela anan pahate.

Mataafa Saamu'eeli a lammatta 22:51

Isha putayma kukutta'e nuqusaadi daanni ka Taawwitise a reexade'e isho sanynyeetaadi'i, xoonaadi a amaname haka paraparati akkinni.

Mataafa Saamu'eeli a lammatta 23:3

Waaqa Isira'eeli ihaasawade xelsuma Isira'eeli ka asse ana kide, ‘A hanqeetan samayta mukinno ka Waaqa fuureetan samayta kallaaccisno

Mataafa Masmuureta 14:6

Ishina' kadi punu dikatta teekolaya kehaytissa heentaneeyye, Waaqa xoori, ishan kippetaaysho.

Mataafa Masmuureta 140:1

Oo Waaqqo, ukkuttowwa kela anan pahe; ka karpampaya kela ana tooyte.

Mataafa Masmuureta 140:11

Orra maxxa nama' patinno, piita qara tookta in qapnaannin; karpampayta, a neequmta ishootta xemito ka ishootta patisso.

Mataafa Masmuureta 140:4

Oo Waaqqo, hupna ukkuttowwa kela ana tooyte ka karpampaya ana kehaytissa oorsade kela anan pahe.

Mataafa Masmuureta 142:4

Qinda akkittiyyo opa tooyyado ka akke nama ana' dikanno in co; pora an opa qaho an qapo, nama ana qaapanno in co.

Mataafa Masmuureta 144:2

Ha isha xoonampaytiyyo ka poriyyo a xelsuma; ka kontaleetiyyo an kela' matta qapno, dinshampaytiyyo an qara' xasa xaayanno ka a samaytiyyo ana' piddaccisno.

Mataafa Masmuureta 18:2

Ha Waaqa, shiliyyo ka xelsumaayyo ka dinshampaytiyyo; ha Waaqiyyo, ishan hupniyyo an kippanno; isha' kontaleetiyyo ka kaasa diniyyo ka xelsumaayyo.

Mataafa Masmuureta 27:5

Isha awta rakkootati tikaadi kara'e ana dekni; ka kaata tukkanaadi' kara ana juunni; ka shila qara ana qaatinni.

Mataafa Masmuureta 28:7

Waaqa hupniyyo ka kontaleetiyyo; sataatiyyo isha qara'e xasa xaayatte ka qaarqaaramte semmalla karittiyyo a kuttati xasoonniiy, anti masmuuretannen isha kalataysada.

Mataafa Masmuureta 3:3

Atti' xoori Waaqqo! Ken xelsumaayyo, a ulfeeniyyo kodde ka ana kukuttinno ke.

Mataafa Masmuureta 32:7

Atti a' poriyyo a dekatta; atti rakkoota kara anan pahani; ka masmuureta a putaymaatin ana kapa tiitanni.

Mataafa Masmuureta 46:1

Waaqinno xelsumaanno ka hupninno; ka rakkoota ino qara' kaynitto oppaayye qaarqaarsinno.

Mataafa Masmuureta 46:11

Waaqase Poqalla we piisa ettaninno ino olli ca; Waaqose a Yayqoopi ishan xelsumaanno.

Mataafa Masmuureta 46:2

Semmalla kapunu piita lelleehnittaayye, irroowwa ka pakateeta karopa sehnaaneeyye,

Mataafa Masmuureta 46:7

Waaqa Poqalla we' piisa ettaninno ino olli ca; Waaqoose a Yayqoopi ishan xelsumaanno.

Mataafa Masmuureta 5:12

Oo Waaqqo! Atti hanqeelaya'e' sakni; ka ulfeenaayti a kutta akka kontaleeta' mina ishootta qara' qapte.

Mataafa Masmuureta 55:9

Oo Waaqqo, olqara' xaana isho oli piraytan katama kara akkeey, ishootta pashshe ka afaasso olkelan dape;

Mataafa Masmuureta 59:16

Atti' xoori, kuyyaata rakkootati xelsumaayyo ka pora a kara' pahanaane ana' kodditeey, hupnaaytin saarsha; ka teykanta karan qoota jaalalaatti a pirama in qapniniti desa sammara.

Mataafa Masmuureta 61:3

Ken xelsumaayyo, atti a' kawwattiyyo an paarkaala tura kela' xelsanno.

Mataafa Masmuureta 71:7

Orra lekayta ana qara oppa qawwaawni, atti' xoori xelsumaayyo a kokkoka'e' koddite.

Mataafa Masmuureta 72:14

Miidama isho karpa kela ishoottan paha; diikaaysho fuulaadi turaayye ikokkokiiy.

Mataafa Masmuureta 84:11

Ha Waaqa Poqalla, piirtota ka kontaleeta; Waaqa, kuttumta ka ulfeena daanni; umma a hanqeellumaan kallaannaati wa paxaara dawrini in co.

Mataafa Masmuureta 84:9

Oo waaqqo, nuqusase' xanno a' reexatte' sake; isha kontaleetinnooy isha tooyyado.

Mataafa Masmuureta 86:14

Waaqqo, isi peepampaya ana qara' xa'e, olqapa karpampaya ka ana ikassa faani; umma wati ke in dikne.

Mataafa Masmuureta 9:10

A maxxaayti upa' piisa ke qara'e xasa xaayanni; oo Waaqqo! A ke faana atti alle a' diinni a' kitto.

Mataafa Masmuureta 9:9

Waaqa a miiddameeti pora xelsuma'e koddini; ka eta rakkootati pora a kara' pahanaan koddini.

Mataafa Sooketa 15:2

Yaahiwwe kokkonnumaayyo ka masmuuretiyyo kodde; ka anan paheey, ini Waaqiyyo anka isha kalataysada; isha Waaqa aappadaanno'ey ishan kukuttisha.

Mataafa Pahana 18:10

Maxxa Waaqa kawwatta kokkoka; hanqeellayta kelopa keerri ka kela' koorsanni.

Mataafa Pahana 30:5

“Qaaleta Waaqa piisa dukaata; a isha kelopa qahanaati isha' kontaleeta.

Xuuma Issayyaasi 12:2

Ha tin, Waaqa anan pahe; anti ishan kippada umma an fuuro; Waaqa kokkonnumaayyo ka hupniyyo kodde, Waaqa ka anan pahe.”

Xuuma Issayyaasi 32:2

Nama piisa ka matta mina'e, pora a issayyaata tura kela dekannaan kodda ka pora a puppeeta tura kela' koorsannaan kodda ka piita a kokte oppaayye a kirra' mina' urqa ka koommaytoppaayye shila a kutta a kela' kaattillaaysannaan kodda.

Xuuma Issayyaasi 45:21

intoonno, a deexaaysho dehaysheneey? Ka upnayshen ka oli dehaameneey! A xatta sede lele ayno? A turanneew sede upnayshe ayno? Ana Waaqanne? Umma ana mali Waaqa pila in co, anti an hanqeellayta ka an dinshampayta Waaqa; umma ana mali Waaqa pila in co.

Xuuma Ermiyaasi 16:19

Oo Waaqqo! Ke a kokkonnumaayyo ka mishshikeetiyyo an eta rakkootati karopa qahano kodde; samayta, piita piisa qaraayye ke kapopa de'an ka kida, “Aappadaanno killanna a we takkan nefo ishootta qara nakanni in kinnini a paata patta'e lehaden.

Xuuma Ermiyaasi 16:9

Waaqase we piisa ettaninno Waaqase a Isira'el asse kiini, “Tin fuulaayti tura'en parroosen a oppa amma kallaannitta oppaayyen, poroose are co oppaayye nessa xasa a ililitta ka nessa kirpa a hemitta alle' pashsha.

Luqaasi 1:47

hapuriyyo ka Waaqiyyo qoraccase xayyon xasoonni.

Luqaasi 1:69

Sanynyeetase a orxaytaadi a Taawwiti oppaayye dinshampayta a hupna qapo ino xaasheey.

Luqaasi 1:71

harka nyaapaayno ka a paarakaaladdaanno piisa kelaayye i inon pahe.

Mataafa oppa' Ooreta 32:37

Ka kida'e, ‘Waaqaddasene xaaysho a ashila mina kelopa qahanaane, ata ayshaayye caan?

Mataafa oppa' Ooreta 32:4

Ha isha shila an kela pahanino, umma kodaadippa qaja in qapo; saantadaadi nefo a qajeele; isha Waaqa a amaname, umma dapa in qapo; isha hanqeelitta ka dukaallayta.

Mataafa oppa' Ooreta 33:29

Isira'eeli! Oo maana olootte! Samayta a Yaahiwwe ishin pahade; ka ishi kontaleeta kodde; ka koraateta ulfeena ishi kodade, a ke paho ayno ca? Nyaapaayyti ke tura kukuttuurada; atti ka ishootta qara diddiitta.”

Tiito 3:4

Ma xoori, xoona isho jaalalasene suraysattaan immakaade a dinshampaytase' xanno a Waaqa ete akkaadeneeyye,

Tiito 3:6

Waaqa, daassataadi a xoonaatinni dinshampaytase' xanno Yesuusi Kiristoosi qudanne, Hapuraadi kuttumtan tupaxata ino' tuqa.

ipro 2:13

Ka kiiniwwi, “Anti kippeetiyyon isha qara' xaayada.” Ka kiiniiwwi, “Tin, ana isho hellaasene a Waaqa ana' daashe, aren kinna.”

Mataafa Saamu'eeli a paayyota 2:1

Haanna ka qinsatte ka kiite. Anti Waaqannen xasoonni. Hupniyyo ka Waaqanne kokkonnaade. Afaayyo paarkalaayyo qara seesni dinissaytinnin xasoodeey.

Mataafa Saamu'eeli a paayyota 2:2

“A Waaqa mina qulqullitta kodde in co ke mali a pila in co, umma a Waaqinno mina shila a kela pahan kodde in co.