Mataafa Saamu'eeli a lammatta 22:1 - Mataafa Qulqulloota

¹ Taawwiti ete Waaqa harka Saa'ooli isho nyaapaadi piisa kelaayye ishin paheeyye, saara masmuureseti'i Waaqa dawade,

Mataafa Saamu'eeli a lammatta 22:1 ပူးပေါင်းရင်းမြစ်များ

Mataafa Saamu'eeli a lammatta 12:7

Naataani ka Taawwiti kide, “Ha namoose ke, Waaqa Poqalla Isira'eeli ikiini, “Isira'eeli qara'en nuqusuma ke daate ka harka Saa'ooli kela ken pahe.

Mataafa Saamu'eeli a lammatta 22:49

ka nyaapiyyo kela anan pahe. Atti paarkaalaayyo qaropeela ana kuttisse ka karpampaya kela anan pahate.

Mataafa Otoowwa a paayyota 16:7

Awsetiiyyi akka ishin Waaqa kalataysadane'e masmuureta kalata a Taawwiti Asaafi isho Lewaata daashe sede.

Mataafa Masmuureta 34:19

Rakkoota hanqeellayta ileki leki; ma xoori Waaqa piisa kela ishan pahani.

Mataafa Masmuureta 50:14

Kalisoota kalata Waaqa' kalshe, ka xasa a' daasatte isase' piisa qara qapo' daashe.

Mataafa Sooketa 15:1

Sekkammaayye Muuse isho Isira'eeleta ka Yaahiwwe masmuurese dawaden ka kidene, “Putaymaadi a kutta a ulfeena malla anti Yaahiwwe'en dawanni; farta isho a qara kulufno, pakateeta karopa kateey.

Qorontoosi a lammatta 1:10

Semmalla isha, rakkoota an ino is qara an upnin a toota qaran orra kaynitto kela inon pahe ka inon pahaaw. Akka inon pahoow, ishaawwen kippanninna.

Mataafa oppa' Ooreta 31:30

Muuse ka qaalewwa a masmuureseti xora samayta Isira'eeli piisa tura haka piraampirati nappape ka ishootta dakaytishe ka kide.

Timotoosi a lammatta 4:18

Poqalla wa neeqa' piisa kelaayye anan paha ka mankisteetase' xaadi a moonta oppan ana kaya. Haka paraparati'i, ulfeena a isha' koddo. Ameen!

Mataafa Taanynyada 5:1

Awsetiiyyi Tipoora isho Paraaqi inna a Apini'ami masmuureta dawaden ka kidene,

Mataafa Saamu'eeli a paayyota 23:14

Taawwiti ka koommaytase laka Sifi oppa co oppaayye piitase a kunkunnawwa qara kawwaya kara kallaade; Saa'ooli ka awta piisa isha xema kamma anni. Ma Waaqa harkaadippa Taawwiti in kanne.

Mataafa Saamu'eeli a paayyota 24:15

Amma nefo a Waaqa otantinno oppa taanynya koddo ka inoppaayye ayno akkima dapampayta kodde isha farato ka ana qara tamaakkado ka ke kelaayye anan paho.

Mataafa Saamu'eeli a paayyota 25:29

Oton nama apari ke ishshaata faaniiyyi, akkama nama mehaddaadi a kokkoka qara tooyanno mina'e, Waaqa Poqalla nakaytan ke tooyta. Paarkaalaatti xoori akka daka kulluma mina'e palaqsama.

Mataafa Saamu'eeli a paayyota 26:24

Akkamase an anti awwe napseetaaytin pahe mina'e, a Waaqa asseew rakkoota kela anan paho ka ana tooyto!”

Mataafa Saamu'eeli a paayyota 27:1

Taawwiti ka iskaran xata dikade ka kide, “Awwta takkaayye Saa'ooli ana ikassa in diishooy, amma piita Filisteemi opa qaheeta ana wayyi. Sitiiyyi pattaayye Saa'ooli Isira'eeli kara ana pora fada diishaay, anka seden isha kela paha.”