Mataafa Saamu'eeli a lammatta 21:16 - Mataafa Qulqulloota

¹⁶ Sanynyeeta Rafaaymi oppaayye takka orana a sipla qara a kiilota sessa ka paka kayno qapo ka koraateta haaraya hidade, Yoshipipenooki kidammo ka Taawwiti ikassa dikade.

Mataafa Saamu'eeli a lammatta 21:16 ပူးပေါင်းရင်းမြစ်များ

Mataafa Uumata 14:5

Para kudanka afrattatiiyyi, Kadorla'omeri ka nuqussa isha olli ca ka de'en ka pora Astaarooti Qarnaaymi kidammo oppa orra Rafaaymi' puten ka pora Haami kidammo oppa orra Suusi puten ka pora Shaawwe Qiryataaymmi kidammo oppa orra Eemi puten.

Mataafa Uumata 6:4

A hellaa Waaqa tuparra orra olliiyyi muken ka hellaa xaayeneeyye ka kamma kuli orra kukutta ka Nefiliimeta piita qara kala. Ishootta xattaayye, orra maxanyumaan upnaatame kurraaysho ka dakaade.

Mataafa Saamu'eeli a lammatta 21:18

Sekkammaayye pora Koopi kidammo kara'e Filisteemeta olli torpeneew. Huushittase Siipekaayi ka sanynyeeta Rafaayimi oppaayye takka Saafa kidammo ishshe.

Mataafa Saamu'eeli a lammatta 21:20

Akkimose mina'ew, Kaati kara'e orana ka qiteew; sanynyeeta Rafaayimi oppaayye irreelayta takka harka isho loqqa minaayye qupiyya lehi lehi qapo, a olloppa qupiyyaadi kunda lakki afur kaynaan ka eeyye ca.

Mataafa Saamu'eeli a lammatta 21:22

Sene afuri sanynyeeta a irreelaya. Sene a Rafaaymi Kaati kara dalade; Taawwiti isho xelaadi a oranna ka ishootta leyshen.

Mataafa Saamu'eeli a lammatta 5:18

Filisteemeta ka deete ka naabase a Rafaaymi kara paste ka pora qapatte.

Mataafa Dikoota 13:22

Ka Nekeepipa fayyaden ka Keproonipa de'en; isheetta nefo piitase a oppaayye sanynyeeta Enaaqi kaffaasene Himaani ka Sheeshaayi isho Talmaayi kidamma kalan. (Katama Keprooni a katamasene a Kipsi So'ani kidamma in qupammin turanne para tappan qattite ka qupamte.)

Mataafa Dikoota 13:28

Ma xoori orra piisse oppa kalo kokkonnaya; katamaddaasso nefo ikukutti ka kawwattan kapa qorramen; semaliiyyiiw sanynyeetase a Anaaqi irreelayasene kulin eyye kara akkine.

Mataafa oppa' Ooreta 1:28

Hellaasene xanno piita lettishe akkan fuuraan qishshaamoonno'e ino koden ka kiini, orra a oppa kalo ino qara kokkonnuma qapa ka dedderi; katamaddaasso nefo akata kukutti, kawwattaaysho ka illi lettoppa oorta anka irreelaya sanynyeese a Enaaqi eyye kara akkineey, hela maana'en eyyepa anna?’

Mataafa oppa' Ooreta 2:10

(Xatta orra takka Emiimeta kidammo ka kokokkoka ka leka piita Mo'api kara kala; ka akka sanynyeeta Enaaqi mina dedderi.

Mataafa oppa' Ooreta 2:11

Ishootta akka a Enaaqeta mina'e Rafaaymeta kidammi; Mo'apeta xoori ‘Emiimeta’ kiini ka ishootta haleeni.

Mataafa oppa' Ooreta 2:21

Ishootta nefo a Enaaqeta mina'e dedderi ka kokokkoki ka leki. Yaahiwwe ka Amoonata turaayye ishootta pire; Amoonata ka piitaaysho teyyatte ka oppa kutiite.

Mataafa oppa' Ooreta 3:11

Sanynyeeta Refaaymeeta oppa a peella hase Ooki nuqusase a paasaani patta; looshshaadi siploppa kodamen; ishootta derumaasso dikla sakali ka paldumaasso dikla afuri. Ka haka ammati katama Amoonatati Raapa kara caan.

Mataafa oppa' Ooreta 9:2

Sanynyeeta Enaaqi akkima irreelaya ka hupnampaya kodden i'upta; a qootaayshoti desa kiinaane, “Ayno sanynyeeta Enaaqi tura qa'ada?” Akka dakayte.

Mataafa Iyyaasu 11:22

Orra asanynyeetose a Enaaqi kodde oppaayye orra shakkayta piita Kaasa ka a Kaati isho a Ashtoti kara pahe diisheey, a piita Isira'eeliti ca oppa nama takka nefo in pahane.

Mataafa Iyyaasu 15:14

Kaalepi ka hellaa Enaaqi sessa, Sheshaay ka Ahiimaani isho Talmaayi piisse a Keprooni oppa alle daane.

Mataafa Saamu'eeli a paayyota 17:7

Sayma oranaadi kappuma'e, wantarshoota ohaata mina'e ca. Ulsuma siplaadi qaraayye, kiilota tappa kayni. Nama kontaleeta isha kela haano ka isha turandesa anni.