Mataafa Saamu'eeli a lammatta 21:14 - Mataafa Qulqulloota

¹⁴ Ka piita Piiniyaami kara'e, pora Sella'i kidammo oppa'e, turka a aappa opa Saa'ooli a Qiisi kara lafa Saa'ooli isho a innaadi a Yoonataani hawlen ka we piisa akka nuqusa ajaje qara koden. Sekkammaayye Waaqa ka qinseeta qoota piitaseti desa dehaannitto dakaye.

Mataafa Saamu'eeli a lammatta 21:14 ပူးပေါင်းရင်းမြစ်များ

Mataafa Saamu'eeli a lammatta 21:13

Taawwiti ka lafa a Saa'ooli isho a innaadi a Yoonataani eeyyeeyye qeede ka lafa orraase siibbsame ollopa pohacciise.

Mataafa Saamu'eeli a lammatta 24:25

Ka eeyye pora kalisoota Waaqa dawe ka kalisowwasene kupanna isho a takkumta dehayshe. Waaqa ka qinseeta qoota piitoseti desa dehaannitto dakaye, paaqase neeqa ka Isira'eeli qara xa'e.

Mataafa Saamu'eeli a lammatta 3:32

Ka Keprooni kara Apeneeri hawlen. Nuqusa ka nessaadi kuttishe ka hawla qara Apeneeri pooye, samayta piisa ka asseew pooye.

Mataafa Saamu'eeli a lammatta 4:12

Taawwiti ka orraaadi ajaje, ikka ishootta leyshen ka harka ka loqqa tupa quuren ka Keprooniiyyi haarta kapa'e, moonte xata raken ka matta Iyyapuste qeeden ka Keprooni karaayye hawla Apeneeri kara hawlen.

Xuuma Yoonaasi 1:15

Ka sekkammaayye Yoonaasi qeeden ka pakateetase oppopa katen. Puppeetase pakateeta qara' xaate ka jaw kiite.

Xuuma Sakkaariyaasi 6:8

Sekkammaayye erkampattootase nessa a kuttanne ana' kiite, “Fartada a qinda qutatta piita opa aanene, akka miira Waaqa harfo'e koden.”

Mataafa Dikoota 25:13

Isha qoota ulfeeniyyo a Yaahiwweti yoota qapnaade ka samayta Isira'eeliti juppootaaysho akka hasso kode malla, isha isho sanynyeetaadi a isha kamma dalannitto'e kodeetase a kodayteeta a qeesuma a hasni in kinnini ishootta koddita.”

Mataafa Dikoota 25:8

Ka kaata karopa namase a Isira'eeli kamma kulle ka isha isho iskatteetase olloppa dote ka leyshe; erkannaatase samayta qara' qitte ka qa'atte.

Mataafa Iyyaasu 7:26

Ka dakadda qaropa tuulen, ikka haka awweti'i eyye qara caan. Porose ka haka awweti'i naaba Akoori kidammi. Ete asse koden kammaayye Waaqa oori miirase xaadi alle diishe.

Mataafa Saamu'eeli a paayyota 10:2

Oto awwe ana kapa xaatooyye, haminta Piiniyaami karaayye porase Salsahi kidammo oppaayye, hawla Raaheeli kapa nama lakki ke mina de'a. Ka ke kida, “Harrewwasene a pora faanitta iteyaden” Aappaayshin ka harrewwa qaapeeta diishe ka ke qaapni ka kiini, “Qoota innaayyo malla maanan koda.”