Mataafa Saamu'eeli a lammatta 21:10 - Mataafa Qulqulloota

¹⁰ Enenta Aayya Risfa ka ohaata dapteeta qeedatte ka shila qara afatte ka a fera paayyannaane paayyatte haka roopa katana pukkadasene qara roopno kara'e, pukkadasene qaraayye kuyyaate xampira moonta ka halkeette pinaana koommayta tooytite.

Mataafa Saamu'eeli a lammatta 21:10 ပူးပေါင်းရင်းမြစ်များ

Mataafa Uumata 40:19

Nuqusa kuyyaata sessa kammaayye hidaappa ke fura. Ka matta ke qara muracciisa ka pukkaayti akka qoyra qara' fannisamo' koda allitta ka so'aatti dama.”

Mataafa Saamu'eeli a lammatta 21:11

Taawwiti ete wa lammiteetase a Saa'ooli Risfa enenta Aayya koote dakayeeyye,

Mataafa Saamu'eeli a lammatta 3:7

Saa'ooli enenta aayya takka Risfa kidammitto lammitteeta qapa. Iyyapuste ka Apeneeri kide, “Maana'e lammitteeta aappinno olli mukte? Apeneeri ka haasoosen a Iyyapuste ishi kide qara harmo miiroode ka ishi kide,

Mataafa a Nuqussa a paayyota 21:27

Aki'api ete qaalese dakayeeyye, meehaadi a kalsade alle isquda kaa'e ka mehadda dapteeta kalsade ka damta musade ka mehadda dapteetatinniiw mukni ka fuula poornayshe ka nyarrahatanneew pora anni.

Xuuma Ermiyaasi 14:22

Hela killannasene a paata patta, a orra ke amanni in kinnini, iroopa ino roopissa ettanshane? Hela moonta i'issin jirriiqa ettanissa? Inna! In ettanisso Waaqqo Poqallaanno a sede koda ettaninno ke patta; semmalla ken kippanninna.

Xuuma Hisqeeli 39:4

Ke isho xelaayti a oranna ka samayta a ke quda co piisa irrowwa Isira'eeli qara'e leetan; anka akka xampira moonta ika lekayta isho pinaana koommayta ishin damane' koda.

Hoose'i 6:3

Xooya Waaqa upnaanna ka isha upnaatta' kokkonsanna; ha isha oto inopa deenooyye, akka la'ayta para' mina'e dukaatan ino akkaada ka akka roopa a soroora roopno ka piita faakinno mina'e, ino' de'a.”

Xuuma Iyyu'eeli 1:18

Pinaana pora harukni, horeeta qoota deetta a deetto dapte malla, pora iyyini; xelloota kahirra'ew, doxanne pirammi.

Xuuma Iyyu'eeli 2:23

“Ishina' samayta Siyyoonitiiyyi, Waaqa Poqallaassin dukaatanne ishin suraysade ka roopa para ka a hakayta a xatta' mina ishina' roopsheey, koda Waaqatin xasooda ka xasan ililiwa.

Xuuma Sakkaariyaasi 10:1

Akka roopa hakayta ishina' roopsho'e, Waaqopa qinsada. Ha Waaqa xayxayta oraarta' kooni ka roopa orra kayo roopinni ka piita akka nama piisa'e sakkatta dehisso' kooni.

Mataafa oppa' Ooreta 11:14

akka unta ferattane'e ka dalta wayneeta isho a ekertaayti pohatto'e, isha etaadippa'e roopa para ka a hakayta piitaayti oppa roopsha.

Mataafa oppa' Ooreta 21:13

ka mehadda a poojammittooyye isquda qapta pursatto ka tikaayti kara tawto ka haka leya takkati'i, aappaaysho isho aayyaasso pooyto; sekkammaayye isheetta olli muke ka diirtaadi kodde; isheetta'ew, a iskatteetayti koddito.

Mataafa oppa' Ooreta 21:22

Nama takka oto ishin dapayta a minan toota isha parpaaccisnito kodooyye, opanka ishshaneeyye, akka pukkaadi qoyra qara rakkitooyye,

Mataafa oppa' Ooreta 21:23

nama a pukkaadi qoyra qara rakkame fuula a Yaahiwwe tura a jiijameey, kuyyaasitiiyyiw hawle diisheey pukkaadi qoyra qara in mukshan; ka piitase a Yaahiwwe Waaqaayti akka qapatto ke daasho in nyalshan.

Mataafa Saamu'eeli a paayyota 17:44

Ka ishi kide, “Desa xooye anka so'atti xampira moonta isho pinaana koommaytati daasho.”

Mataafa Saamu'eeli a paayyota 17:46

Waaqa awwe harkiyyo oppa'e ke daasha, anka ke kata ka matta ke qara mura. Ka awwe kuyyaaseti pukkada a xela Filisteemi xampira moonta isho pinaana koommaytati daasha. Piita piisa ka akkima Waaqa Isira'eeli kara co upnaatta.