Mataafa Saamu'eeli a lammatta 21:1 - Mataafa Qulqulloota

¹ Parrada Taawwiti nuqusumma karaayye, para sessa olkamma loota deete; Taawwiti ka qootoseti desa Waaqa kaassade. Waaqa ka kide, “Qoota Saa'ooli Kepa'ooneta leyshe malla, ishindapayta diika kodeeta'e isha isho sanynyeetaadi qara ca.”

Mataafa Saamu'eeli a lammatta 21:1 ပူးပေါင်းရင်းမြစ်များ

Mataafa Uumata 12:10

Sitiiyyi loota piita Kene'aani oppa' de'e; Apiraami ka lootase tura piita Kipsi opa paqe.

Mataafa Uumata 26:1

Doxa sapana Aprihaamiiyyi de'e maliiyyi doxa pila piita qara' de'ew. Hisaaqi ka nuqusa piita Filisteemi Apemeleki kapoopa alle piita Keraara opa paqe.

Mataafa Uumata 41:57

Qoota piita piisa dikke loosatte malla, piita a lekatiiyyi orra unta piddatta Yoosefi kapopa de'e.

Mataafa Uumata 42:5

Qoota piita Kene'aani kuli loosatte malla, hellaa Yayqoopi unta heratta'e piita Kipsi opa orra olli aanen.

Mataafa Uumata 43:1

Piita Kene'aani dike loosatte.

Mataafa Saamu'eeli a lammatta 16:8

Ha Waaqa, diikase a toola Saa'ooli, isase a qara mankisteeta qedatte piisa kapa'e ke qara haalota pooyyini ka mankisteetase harka innaatti a Apseloomippa daashe. Qoota nama diika koddite malla, pateettase xaayti ike qara kayte.”

Mataafa Saamu'eeli a lammatta 20:26

Iira Ya'irittase qeesitta Taawwitiiw.

Mataafa Saamu'eeli a lammatta 21:5

Ishootta ka ishi kidene, “namoose ino qittassa ka akkan Isira'eeli karaayye pora takka nefo oppa an kallaannini'i, ino pira fade.

Mataafa Saamu'eeli a lammatta 24:1

Waaqa ka a kuttati Isira'eeli qara miiroodeew ka Taawwiti ishootta qara xaashe ka kide, “Aane ka samayta Isira'eeli isho a Yihuta dike.”

Mataafa Saamu'eeli a lammatta 5:19

Taawwiti ka Waaqa kaassade ka kide, “Hela Filisteemeta torpa'e in tuula? Hela atti akkan ishootta puto'e ikkoota?” Waaqa ka Taawwiti kide, “Anti dukaatannen akka ishootta puto kodaay tuule.”

Mataafa Saamu'eeli a lammatta 5:23

Taawwiti ka Waaqa kaassadeew. Waaqa ka ishi kide, “Fuule desa ishootta'en aanan ma, tultan ishootta oore ka qora leya tulte desa ishootta torpe.

Mataafa a Nuqussa a paayyota 17:1

Orra Kele'adi kara kalo oppaayye, Tesipittase Eliyaasi ka Aki'api kide, “Maxxa Poqalla Waaqa Isira'eeli, isase an anti ishi koda koonotinnin xaxanni ka ke kiini, hakan anti haasawado maliiyyi, parra arepadesa deena kara'e, tadahata taaki roopa in caado.”

Mataafa a Nuqussa a paayyota 18:2

Eliyaasi ka Aki'api isi akkissa aane. Sitiiyyi katama Samaariya a kuttati loosaden.

Mataafa a Nuqussa a lammatta 6:25

Sede qaran xaate orra Samaariya ka a kuttati doxe; matta harreeta ka dakara pirreeta sheqileeta kunda sette qeenni, uta elela ka muuddaappaayye sheqileeta keni katammi.

Mataafa a Nuqussa a lammatta 8:1

Elsa'i ka iskatteetase a innaadi tootoppa xaashe kide, “Qoota Waaqa doxa qeedo piita ka para tappa loosatto malla, toolaayti qeede ka aane ka eta desa pora ke ettanno oppa tawe.”

Mataafa Iyyoopi 10:2

In Waaqa kida, “Wa ana qara qapatte ana' lele diisheey ana qara' dapa in muran.

Mataafa Masmuureta 27:8

Atti ete' kiite, “Fuuliyyo fadeeyye” Karittiyyo ike' kide, “Waaqqo! Fuulaaytin faani.”

Mataafa Masmuureta 50:15

Kuyyaata rakkootaaytiti, ana hale; anti in ken pahaay, akka ana ulfeessitaay.”

Mataafa Masmuureta 91:15

Oto ana halaannooyye in isha dakaya ka rakkootoppa isha olli kinnaada ka ishin paha ka isha ulfeessa.

Mataafa orra Lewi 26:26

Anka damta ishin qara mura, iskatta kudani ka payqa takka qara laaqqotaayshin laaqqa ka hiilan ishina qoota; akka damtan umma a duttantan.

Mataafa Dikoota 27:21

Iyyaasu nefo a qeesittase Ali'asaari tura qa'ado; qeesitta ka fuuliyyo a Yaahiwwe tura caado ka uurimi isho tuumimin ishi fiqaatiyyo kaassado; Iyyaasu isho samayse a Isira'eeli a isha quda co piisa ka qaaleta a qeesittase Ali'asaarin mukan.”

Mataafa Iyyaasu 7:1

Hellaa Isira'eeli xoori waasene a Waaqa ishootta kide in teyyadan ma alle pashsha in tooytaanne. Ishoottoppa isase kafa Yihuta oppa dalade Akaani inna Kaarmi oopa a Sapti a saara waasene a Waaqa ishootta dawre oppaayye teyyade Waaqa ka sede minan Isira'eeleta qara akata miiroode.

Mataafa Iyyaasu 9:20

Ino akkan ishootta quda an qapannini'i, qootan ishootta olli kodayteeta kodanne malla, oton atan oorrinna ka amma ishootta quda qappanninnaayye Waaqa ino qara miiroodaay, a eeyye tawen; nama ishootta quda in qappannin.

Mataafa Rutti 1:1

Xatta a poqalladda piita Isira'eeli mukinnaaneeyye, sitiiyyi piitaaysho a Isira'eeli ka loosatte. Efraatitta takka Apemeleki kiinaan ka lootase turaayye, katamasene a Peetelehemi piita Yihuta kara akkaannaati desa, iskatteetaadi Nuhaamini ka hellaadi lakki a diira, Mehalooni ka Kelewooni ollin xa'en ka piita Mo'api opa alle paqen.

Mataafa Saamu'eeli a paayyota 10:22

Ikka oppa ooren ka Waaqa kaassadenew. Ka kidene, “Hela namase arepa ide'e.” Waaqa ka kide, “Tin eeyye mehadda kara'e dekade.”

Mataafa Saamu'eeli a paayyota 23:11

hela kuli orra Qe'ila isha turopa ana tuukka? Akkiman anti orxaytaayti dakaye mina'e, hela Saa'ooli keeto arepaxata lekkada? Oo Waaqa Isira'eeli Waaqqo in ke qinsanniiy, ana orxaytaayti lele. Waaqa ka kide, “Saa'ooli ilekkada.”

Mataafa Saamu'eeli a paayyota 23:2

Taawwiti ka semmalla Waaqa kaassade ka kide, “Hela in tuula ka Filisteemese torpa?” Waaqa ka Taawwiti kide, “Tuule ka Filisteemeta torpe ka katama Qe'ilaatin pahe.”

Mataafa Saamu'eeli a paayyota 23:4

Taawwiti ka a lammattati Waaqa kaassadeew. Waaqa ka ishi kide, “Anti harkaaytippa'en Filisteemeta kataay, xa'e ka Qe'ilaapa xata lekkado.”