Mataafa Saamu'eeli a lammatta 20:6 - Mataafa Qulqulloota

⁶ Taawwiti ka Apishaayi kide, “Shepaa'i inna Pikkiri a Apeseloomi qaran qapto'e ino rakkacciisaay, akka katamadda kawwattan kapa qorrame in qapannin ka ino kela in tawnini'i, xelase xayyo a oranna qeede ka kamma fade.

Mataafa Saamu'eeli a lammatta 20:6 ပူးပေါင်းရင်းမြစ်များ

Mataafa Saamu'eeli a lammatta 10:14

Akkima Soorata qahate Amooneta ete akkiteeyye, isheetta kuli Apiisaayi tura alle qahateew ka katamaapa kalte; Iyyo'aapi ka Amooneta kamma alle oore ka Yursaalamipa tiitaawe.

Mataafa Saamu'eeli a lammatta 11:11

Ooriyo ka Taawwiti oorshe ka kide, “Taapota isho Isira'eeleta ka Yihutaata shaakka kela caan. Poqallaayyo Iyyo'aapi isho saarrasene xaayti a poqallaayyo ka lakoppa safaren. Hela kuli anti damta ka ikkayta ka iskatteetiyyo olli mukeeta'en tikiyyopa kala? Napseetaaytinnin xaxanni anti wa asse paha an kodo.”

Mataafa Saamu'eeli a lammatta 18:12

Namase ka Iyyo'aapi kide, “Qoota nuqusa ke ka Apisaayi isho Itaayi ajaje ka kide, ‘Ana malla kida ka xayyoolaytose Apseloomi in miidan.’ Malla kadan punu turanneew dakara pirreeta sheqileeta kuma takka harkan kayade nefooyye, inna nuqusa qaropa anti harkiyyo an xaasho.

Mataafa Saamu'eeli a lammatta 18:2

Ka xelase a oranna pora sessa qishshe ka paka takka qara Iyyo'aapi saara kode ka paka takka qara Apishaayi inna Suuriyya innasene a opa Iyyo'aapi saara kode ka paka takka qara'ew, Itaayi Kettittase saara kode ka tuula ishootta erke ka xelaseti kide, “Anti kuli ishin olliiwwin tuula.”

Mataafa Saamu'eeli a lammatta 19:7

Semmalla amma xa'e ka sooke, xelaayti a orannaati xasa kokkonnayshe. Anti maxxa Waaqatinnin ke xaxanni, oton a sookniniiyyi halkeettose are kitto oppaayye nama takka nefo ke kapa in haso. Ini ka neequmta a shakki paayyatte haka ammati ke qara kayte qara jaaltaay.”

Mataafa Saamu'eeli a lammatta 2:18

Hellaasene a Suuriyya sessa Iyyo'aapi ka Apsa isho Asaheeli nefo eeyyew caan. Asaheeli xoori keeritta'e a kuumanta mina moontan xaani

Mataafa Saamu'eeli a lammatta 21:17

Ma xoori Apisaayi inna Seruyya Taawwitin pahe ka Filisteemittase torpe ka ishshe. Xela Taawwiti ka Taawwiti xaxade ka kide, “Ilta Isira'eeli akkima in pannini'i, atti lammatta ino olli oranna a tuulto.

Mataafa Saamu'eeli a lammatta 23:18

Inna opa Iyyo'aapi Apisaayi inna Suuriyya ka hupnampayasene kunda sessa qaraayye mattitta kodde. Ka nama dippa sessa qaropa oranaadi oorsade ka ishootta leyshe. Isha isasene sessa olliiyyiiw kurraadi ka dakaade.

Mataafa Saamu'eeli a lammatta 3:30

Qoota Apeneeri Keprooni kara orannaappa innaasso Asaheeli ishshe malla, Iyyo'aapi isho innaasso Apisa ka kapa Apeneeri ishsheneew.

Mataafa Saamu'eeli a lammatta 3:39

Anti kadin punu nuqusa a daatame koddeeyye, awwe helloosen a Suuriyya a kuttati ana qara kokkonnaaden anka ishootta ukkumeeta malaale, a Waaqa nama neequmta koono qara'e akka neequmtaadi mina kodo.

Mataafa a Nuqussa a paayyota 1:33

Nuqusase ka ishootta kide, “Orxayaayyo a poqallaassina isi quda qeeda ka innaayyo Selemooni qeeda ka kaanketiyyo qara kutiisha ka Kiyoonipa xatan lekkada.

Mataafa Otoowwa a paayyota 11:20

Apiisa inna opa Iyyo'aapi xormewwasene sessa qaraayye isha saara kodde. Isha ka oranaadi teyyade ka nama dippa sessa pire; seminanne xormewwasene sessa olliiyyi kurraadi ka dakaade.

Mataafa Otoowwa a paayyota 18:12

Apiisa inna Seruyya ka pora takka naaba sookitta kidammo kara'e, Etoometa oppa nama kuma kudanka sette pire.

Xuuma Ermiyaasi 8:14

Samayta Waaqa ka kida, “Maana mallan are kutiininna? Ata ollopa ooran; Waaqa Poqalla qara'en juppoota koone; isha ka akkan pirammo'e ino qara' farateey, ka pisha oppa marseeta kodene ino iksheey, katamadda kawwattan kapa qorrame karopa qahana ka eyye' piramma.

Mariqoosi 3:24

Mankisteeta takka oto lakki olli qitto ka oli torpinittooyye, kallaanni in kitto;

Mataafa Saamu'eeli a paayyota 26:6

Sekamma aayya Taawwiti ka Kettittase Apemeleki ka apiisa inna Suruyya inna opa Iyyo'api kide, “Ayno ana olli safara Saa'oolippopa anna?” Apiisa ka kide “Ana ke olli aana”