Mataafa Saamu'eeli a lammatta 20:13 - Mataafa Qulqulloota

¹³ Ete pukkase alle poroppa ma'eyye, xela piisa ka Shepaa'i inna Pikkiri kamma fada'e, Iyyo'aapi olli aane.

Mataafa Saamu'eeli a lammatta 20:13 ပူးပေါင်းရင်းမြစ်များ

Mataafa Saamu'eeli a lammatta 20:1

Tiyyoolayta takka Shepaa'i kidammo inna Pikkiri a kafa Piniyaami kodde ka Kelkela kara kala ka kaasa dawe ka kide, “Oo Isira'eeli Taawwiti quda qoottota an qapno! Inna Isseyi quda lehna wati an qapnooy, nama piisa a alle tikaadipa kalo.”

Mataafa Saamu'eeli a lammatta 20:11

Xelase a oranna a Iyyo'aapi oppaayye takka ka pukkase a Amaasa kapa qa'ade ka kide, “Nama Iyyo'aapi jaalanno ka Taawwiti quda kodde, a Iyyo'aapi kamma aano.”

Mataafa Saamu'eeli a lammatta 20:14

Shepa'i ka kaffa Isira'eeli piisa oppan tarpe ka katama a Pelipetema'ika kaye. Pekireeta piisa ka ollopa xaate ka isha olli katamasene karopa kalte.

Mataafa a Nuqussa a lammatta 18:17

A koddito ma, nuqusa Asoori ka Laakiishi desa Saaraadi a xela oranna a pisa qara saarummo ka saara a mankisteeta a kutta isho saara a dehaamampaya a nuqusa a xela oranna a kutta ollin Hisqiyaasi nuqusa Yihuta kapopa Yursaalamipa erke. Ishootta ka de'en ka Yursaalami kayen ka kaba hartase ela qatto kapa qa'aden. Kaboose nefo pora dula a aappase ohawwa diipno oppanne tarpini.

Mataafa Pahana 16:17

Saanta hanqeellaya neequmta kapa iseki; a saantaadi tooytanno ka caattaadi tooytini.

Xuuma Issayyaasi 36:2

Nuqusase a Asoori ka saaraadi a xela oranna' xela kuttayta ollin Laakiishi desa nuqusase Hisqiyaasi isase Yursaalami kara co qaropa erke; saaraadi a xela oranna ka aane ka pora dula aappase mehadda diipno opa annooyye kaba a haarta ela qattooti kapa' qa'ade.

Xuuma Issayyaasi 62:10

Tarpa, xarra paleeta oppan tarpa; ka samayta' saanta saha; ka pora kutta koda; koda! Ka oppa dakadda alle' poha; ka samayta' opeela milikkita akkaatisha.

Xuuma Issayyaasi 7:3

Waaqa ka Issayyaasi' kide, “Ke isho innaatti Sheriyashuupi, xa'a ka porase a dulase a aappaase ohawwa diipno opa anno kapaayye, siiba kabatiiyyi hartase ela qatte kapopa nuqusase Akaasi turopa sooka.

Xuuma Ermiyaasi 31:21

Issi'i porra kapa'e, milikkitadda qaatisatte; ka akkisha porra kapa dishatte; porase a oppan ante qanqannissa upnaado; ishina an jaalanna samayta Isira'eelitiiyyi! tiitawa; ka katamaddaassin karopa kala.

Mataafa Dikoota 20:19

Isira'eeleta ka ishootta kiite, “Poroose paldan qapanna ka oppan anna; ino isho horeetinno oton pishassinan iknaayye kaajaan kapa' daanna; ino loqqa pattan piitaayshin oppan tarpino, wa pila an faani an kinnooy.”

Mariqoosi 10:46

Sekkamma Yesuusi taamaarewwaadi olliiyyi katama Iyyaarko opa de'e. Ete katamasene oppan tarpino ka annooyye, samayta akata kutta ka isha kamma anni, nama takka Pertemoosi kidammo a ilda qara paten ka pora kapa qinsanni. Pertemoosi kideeta, “inna Temoosi” kideeta.

Mataafa Taanynyada 21:19

Ka olli kidene, “Xaysonessumasene paraparan Seelo kara Waaqa ulfeessamma idesa kayen. Katama a Seelo Peteliiyyi qinda qutattatinni caan ka Leponaayye qinda tupattatin caan ka porase Peeti'eeli desa qinda Sekemi opa annooyye qinda piirtotatinni caan.”

Mataafa Saamu'eeli a paayyota 6:12

Okkayasene ka aakkitta ka pittittopa in kiinin mali Peeteshemeshi minandesa jib kiden ka a iyyinaan quda pora olliiyyi aanen. Mukissampaya Filisteemi ka haka xeela Peeteshemeshi ishootta kamma aanen.