Mataafa Saamu'eeli a lammatta 20:1 - Mataafa Qulqulloota

¹ Tiyyoolayta takka Shepaa'i kidammo inna Pikkiri a kafa Piniyaami kodde ka Kelkela kara kala ka kaasa dawe ka kide, “Oo Isira'eeli Taawwiti quda qoottota an qapno! Inna Isseyi quda lehna wati an qapnooy, nama piisa a alle tikaadipa kalo.”

Mataafa Saamu'eeli a lammatta 20:1 ပူးပေါင်းရင်းမြစ်များ

Mataafa Uumata 46:21

Hellaa Piiniyaamiiw, Pelaa'i ka Pekeri ka Ashpeli ka Keera ka Na'imaani ka Ehi ka Rooshi ka Mufiimi ka Hufiimi isho Areti.

Mataafa Saamu'eeli a lammatta 15:10

Ma xoori Apseloomi, kaffa Isira'eeli piisa opa dekandekatti orra erke ka kide ishootta kida, “Oto nessa kaasa dakaytaneeyye, kida Apseloomi Keprooni kara'e nuqusume.”

Mataafa Saamu'eeli a lammatta 16:11

Ka Apiisa isho saarraadi piisa kide, “Oto innaayyo an xaaye ana ikassa faanaaneeyye, Piiniyaamittose desa kuli atta fadaaw? Waaqa isha ajajeey, diisha ikka eeyye otado.

Mataafa Saamu'eeli a lammatta 16:7

Ka isha onni ka kiini, “Atti nama diika, ukkuttootayti are kara sooke, sooke.

Mataafa Saamu'eeli a lammatta 18:17

Ka Apseloomi qeeden ka mura kara qaawa seka karopa isha katen ka qaropa dakadda tuulen. Isira'eeleta piisa ka tikkaasso opa qahate.

Mataafa Saamu'eeli a lammatta 20:2

Xela Isira'eeli piisa ka alle Taawwiti diishe ka Shepaa'i inna Pikkiri olli aane. Samayta Yihuta xoori, nuqusaaysho quda'e koke ka Yurtaanoosi paayyatte haka Yursaalamiti olli aane.

Mataafa Saamu'eeli a lammatta 20:22

Ka oori ookumase xaadin orra piisa kapopa ante. Ikka innasene a Pikkiri Shepaa'i qara matta muren ka Iyyo'aapi katen. Isha ka kaasa dawe ka katamasene kapa pasen. Nama piisa ka tikaadipa kale, Iyyo'aapi ka Yursaalamipa nuqusa kapopa tiitaawe.

Mataafa Saamu'eeli a lammatta 23:6

Ukkuttowwa xoori, akka qeeyyasene harkan qappatammi in kinnini mina'e alle kataman

Mataafa a Nuqussa a paayyota 12:16

Samaytase a Isira'eeli piisa akkima Roopi'aami kaassumaadi oorissa tiite akkeeyye, i'olli kide, “Ata ino allu qerayta maana'en Taawwiti olliiyyi qapna? Samayya Isira'eeli, qerayta an Taawwiti inna Isseyi olli qapno in cooy, ata kela tikaaytipa kalen. Atti Taawwiti oori tikaayti tooytaado!” Samayta Isira'eeli piisa ka oori tikaadipa alle kale.

Mataafa a Nuqussa a paayyota 21:10

Ka maakkiyya darta lakki qara dika ikka qara maakkumen ka kidene, ‘Waaqa isho nuqusa ote’ Ka oori alle isha tita ka dakaan dakka ikka to'o.”

Mataafa Otoowwa a lammatta 10:16

Samayta Isira'eeli piisa akkima nuqusa ishootta dakaya tiite ete upnaadeneeyye, i'olli' kidene, “Isira'eleteeyye, maanan Taawwiti quda qapna? Inna Isseyi quda qoottota maana'en qapna? Tikkaassin opa kala! Atti Taawwiti tikaayti tooytaado!” Semmalla Isira'eeleta piisa ka tikaasso opa kalte.

Mataafa Otoowwa a lammatta 10:6

Sekkammaayye Roopi'aami ka qimootase a Isira'eeli a aappaaysho Selemooni cooyye isha kela koda koote kaassade ka kide, “Akkiman samaytoseti oorsho'e, maana ana dehaammittan?”

Mataafa Masmuureta 17:13

Oo Waaqqo! Xa'e ka ishootta torpe ka alle' dakke; ka ukkuttowwa kela koraatetaaytin anan pahe.

Mataafa Masmuureta 34:19

Rakkoota hanqeellayta ileki leki; ma xoori Waaqa piisa kela ishan pahani.

Mataafa Pahana 25:8

Wa ildaattin akkiteeti desa, jarjartan mooraappopa in aanan; oto maakkumaayti a xelittaayti olkamma dapooyye ijjeertaay, kuli atta' koddita?

Mataafa Pahana 26:21

Dila akkima porooda qapitinno, qora ka apitta qaptinnaan mina'e, horissampayta nama peeqqa qaptinni.

Mariqoosi 3:24

Mankisteeta takka oto lakki olli qitto ka oli torpinittooyye, kallaanni in kitto;

Luqaasi 19:14

Orra piitaayshoti xoori qoota isha needdan malla, a isha' tawe kammaayye nama isha kamma erken ka kidene, “namoose akka ino qara nuqusa koddo, ino an henno!”

Luqaasi 19:27

Ma xoori paarkaaladdosene xayyo, akkan ishootta qara nuqusumo in heenini arepa dehaysha ka fuuliyyo tura leysha.’”

Yohaannisi 13:8

Peetiroosi ka ishi' kide, “Atti pakkanna loqqaayyo a' jaqto!” Yesuusi ka ishi' kide, “Oton an loqqaatti an jaqniniiyyi, ana olli qoottota a' qapto.”

Mataafa Taanynyada 19:22

A asse xasoottoppa caneeyye, almaleta katamooseneti ka deete ka tikase kapa murte; ka xarroppa tottoommi ka qimaytase a tikati kiini, “Aappoose tikaaytipa kale ino sookshe, iskatta'en isha kodannaay!”

Mataafa Taanynyada 3:27

Ka ete piitase a Efreemi kunkunnawwa qapto kayeeyye, kaasa dawe ka samayta Isira'eeli tura' qate ka ollin lekkaden.

Mataafa Rutti 2:3

Isheetta ka ante ka a isqara in upnin maliiyyi dula aappa takka Po'esi kiinaan a daltayta Elimeleki kodde oppopa ante ka eyye ferampaya kammaayye patteeta faddata paayyite.

Mataafa Saamu'eeli a paayyota 13:2

Saa'ooli Isira'eeleta oppaayye diira kuma sessa reexe. Ishootta oppaayye diira kuma lakki piita a Mikimaasi isho piitase kunkunnawwa qapto a Peteli kara'e Saa'ooli kapa' hasen kuma takkaaw, piita Piiniyaami kara Kipi'apa karaayye Yoonataani olli caan. Saa'ooli ka diira atahase piisa alle tikkaasso opa kalshe.

Mataafa Saamu'eeli a paayyota 2:12

Hellaa Eeli ukkuttowwa umma Waaqa ulfeessini in can.

Mataafa Saamu'eeli a paayyota 30:22

Orrose Taawwiti quda co oppa ukkuttowwa ca ka kidene, “Ishootta ino olliiyyi in tuulleey, poojetinno oppa we takkan nefo in qoottadan ma iskattaaysho isho hellaasso patta qeedadan.”