Mataafa Saamu'eeli a lammatta 2:26 - Mataafa Qulqulloota

²⁶ Sekkammaayye Apeneeri ka Iyyo'aapi hale ka ishi kide, “Hela awta piisan olitorpa quda tawna? Piraampiraadi akkima haddaawo hela a upnaanni a kitto? Orraayti akkima hellaasso kamma alle ooro'e, haka aytamiti ajaja diissa?”

Mataafa Saamu'eeli a lammatta 2:26 ပူးပေါင်းရင်းမြစ်များ

Mataafa Saamu'eeli a lammatta 11:25

Taawwiti ka namase erkame kide, “Iyyo'aapi kide, ‘Orannaappa'e kuyyaata takka nama takka tooni, kuyyaata a pilaati a pila'e tooniiy, in qaapan! Japaado ka katamoosen torpe ka qara pire.’ Ka atti kuli xasa ishi oorshe.”

Mataafa Saamu'eeli a lammatta 2:14

Sitiiyyi Apeneeri ka Iyyo'aapi kide, “xayyoolayta a xa'o ka ino tura oli ekkaysho.” Iyyo'api ka kide, “A xa'o.”

Mataafa Saamu'eeli a lammatta 2:16

Nama piisa ka paarkaalaadi qara matta qape ka koraatetan qinittoppa dote ka ollin seehen, Kepa'ooniiyyi porose ka “Piita koraateta.” kidame.

Mataafa Saamu'eeli a lammatta 2:25

Piiniyaameta ka Apeneeri qudopa ollopa xoorte ka olli takka koddite ka kunkunnaatase qara oranna harmisatte.

Mataafa Saamu'eeli a lammatta 2:27

Iyyo'api ka kide, “Caattampayta Waaqatinnin xaxanni, kadi asse a kiininiiyyi, xeliyyo a oranna haka parri parinitto'e hellaasso kamma oorri in heene.”

Mataafa Iyyoopi 18:2

“Haka aytamiti' haasawattaaw haasawatta? Intoonno jaw kide ka oppa dikadooy ino ka haasawannoow.

Mataafa Iyyoopi 19:2

“Haka aytamiti ana rakkacciistan? Ka haasaan ana yooqtani?

Mataafa Masmuureta 4:2

Ata ishina orrayti, haka aytamiti'i, ulfeeniyyo jeerissan? Ka wa paata patta' jaalattan, ka darta kammaaw antan?

Mataafa Pahana 17:14

Peeqqa paayyeeta, haarta kaa'eta mina; semmalla a peeqqa in paayyannin turan haasa qaatishe.

Xuuma Issayyaasi 1:20

Ma xoori, oton ittiittan ka falqoolaya koddinittaneeyye, orannaappa'e' piramtan.” Afaa Waaqa'e sede haasawadeey.

Xuuma Ermiyaasi 12:12

Kunkunnawwasene koommaytoppa lulle ca qaropa patissampaya tuulan, koraateta Waaqa ka pora xeelaaysho ooro piisa oppaayye alle ishootta pirta; umma nama takka nefo peela kela in haso.

Xuuma Ermiyaasi 2:30

Patta'en samaytaayti qatta'e umma ishootta dapoppa in oorre ishina a karma miirode mina'e xuumampayaassin lessen.

Xuuma Ermiyaasi 4:21

Haka aytamiti'in paantira oranna a nyaapa tooya? Ka haka aytamiti nessa kaasa oranna dawammo dakaya?

Xuuma Ermiyaasi 46:10

Kuyyaase awwse kuyyaata Waaqa a Waaqase we piisa ettaninnooti'i koddita; kuyyaata oppa nyaapaadi qara haalota pooyyo, awseti koraateta idamta ka duttanta ka diikaaysho ikta ka faakta maana malla piita qutattatiiyyi Waaqa poqallase we piisa ettaninno kirra Efraatisi kapa sankulta a kalisoota'e harmisheey.

Xuuma Ermiyaasi 46:14

“Kipsi kara sede salishe ka katama a Miktooli kara dakaytishe, ka katamaddaadi a Memfiise isho a Tafinaasi kara sedeew salishe ka kide, ‘Oranna wa ishin kapandesa ca piraay; tura' harmisada ka dikkisada.

Hoose'i 11:6

Paarkaladdaasso, katamaddaasso oppa'e koraatetan ishootta piran ka teehowwa a xarradaassoti' alle' tura qeqqepshan; dehaamtase' neeqa a oorsaden ka alle' hasa.

Kodampaya 7:26

Ka parraytaadiiyyi a Isira'eeleta lakki oli pirritto akke ka olkela qapa fade ka ishootta' kide, ‘Ishina orraayti a hellaa toola'ey, maana malla oli pirrittan?’