Mataafa Saamu'eeli a lammatta 18:17 - Mataafa Qulqulloota

¹⁷ Ka Apseloomi qeeden ka mura kara qaawa seka karopa isha katen ka qaropa dakadda tuulen. Isira'eeleta piisa ka tikkaasso opa qahate.

Mataafa Saamu'eeli a lammatta 18:17 ပူးပေါင်းရင်းမြစ်များ

Mataafa Saamu'eeli a lammatta 19:5

Iyyo'aapi ka nuqusa kapopa tika kelopa kulle ka ishi kide, “Xelase xaayti a oranna, isase ke ka hellaatti a diira ka a tuparra isho haantowwaatti ka lammowwaattin pahe, awwe ijeerisse.

Mataafa Saamu'eeli a lammatta 19:8

Nuqusase ka xa'e ka xarra katama kapa kuti'e. Ikka xelase a oranna piisa lelen ka kidene, “Ha nuqusa xarra katama kapa'e kuti'e. Xela piisa ka nuqusa turopa dehaade. Artosen karan Isira'eeleta piisa ka tikkaasso opa alle qahate.

Mataafa Saamu'eeli a lammatta 19:9

Kaffa Isira'eeli piisa karaayye, samayta piisa ka oli deexni ka kiini, “Ha nuqusa nyaapaayno piisa kela inon pahe ka Filisteemeta kuli kela inon pahe ka amma oori Apseloomi tura alle piitoppa qahe.

Mataafa Saamu'eeli a lammatta 20:1

Tiyyoolayta takka Shepaa'i kidammo inna Pikkiri a kafa Piniyaami kodde ka Kelkela kara kala ka kaasa dawe ka kide, “Oo Isira'eeli Taawwiti quda qoottota an qapno! Inna Isseyi quda lehna wati an qapnooy, nama piisa a alle tikaadipa kalo.”

Mataafa Saamu'eeli a lammatta 20:22

Ka oori ookumase xaadin orra piisa kapopa ante. Ikka innasene a Pikkiri Shepaa'i qara matta muren ka Iyyo'aapi katen. Isha ka kaasa dawe ka katamasene kapa pasen. Nama piisa ka tikaadipa kale, Iyyo'aapi ka Yursaalamipa nuqusa kapopa tiitaawe.

Mataafa a Nuqussa a lammatta 14:12

Isira'eeleta ka Yihutaata putte; nama piisa ka alle tikaadipa qahe.

Mataafa a Nuqussa a lammatta 8:21

Iyyoohoraami ka sarakelladdaadi pisan katama Sa'iri opa tuule. Etoometa ka halkeette deete ka isha isho saarra sarakellada kapa murte. Isha isho saarraadi a sarakelladda xoori ixa'en ka orrase ishootta kapa mure oppan tarpen. Xelaadi a oranna xoori alle tikkaapa qahe.

Mataafa Pahana 10:7

Oto hanqeellaya matte oorsannaaneeyye saka teyni; maxxa ukkuttowwa' xoori ipata.

Mataafa oppa' Ooreta 21:20

Ka qimaya a paleetati kidene, “Innoosen xanno kamtollaya ka tiyyoolaya umma ino afa dakayni in co; ka kaajaan kahanni kan maashshoolayta.”

Mataafa oppa' Ooreta 21:21

Samayta paleeseti ka dakaddaan innoosen dakko ka ishsho; ka seden neequmta issippaayye pashshe. Samayta Isira'eeli piisa ka sede dakaya ka fuura.

Mataafa Iyyaasu 10:27

Iyyaasu ka ete letta dumteeyye orra ajaje ikka pukkadasene qora qara lekkishen ka rahanase a turan kara dekaden karpa dakken ka tura shilalla kukutta dufen, ikka haka awweti eeyye caan.

Mataafa Iyyaasu 7:26

Ka dakadda qaropa tuulen, ikka haka awweti'i eyye qara caan. Porose ka haka awweti'i naaba Akoori kidammi. Ete asse koden kammaayye Waaqa oori miirase xaadi alle diishe.

Mataafa Iyyaasu 8:29

Sekkammaayye Iyyaasu ka nuqusase a a Aayi qoyra qara fanisacciise ka haka letta dummitto'e, qoyra qara nakayshe. Ka ete letta dumte kammaayye, akka pukkase lekkishan ka xarrase oppan katamaappopa kullinaan tura katene ajaje. Ka qaropa dakadda tuulen, dakaddoosen ka haka awweti eyye caan.

Mataafa Saamu'eeli a paayyota 4:10

Filisteemeta ka oranase torpite ka Isira'eeli putte. Nama piisa ka alle tukkanaadi kelopa qahe. Orra kuttayta ka pirame Isira'eletoppa xela oranna a loqqaan anna nama kuma kunda sessa ka pirame