Mataafa Saamu'eeli a lammatta 18:14 - Mataafa Qulqulloota

¹⁴ Iyyo'aapi ka kide, “Anti ke olli asse eta pira quda an tawo.” Ka orana sessa harkoppa teyyade ka aane ka Apseloomi a eeyye co ka qoyroppa raa'ino tupa sataata tottorpe ka oppa qaqqaatishe.

Mataafa Saamu'eeli a lammatta 18:14 ပူးပေါင်းရင်းမြစ်များ

Mataafa Saamu'eeli a lammatta 12:10

Semmalla qoota ana tuffatte ka iskatteeta a Ooriyo a Hittitta qedatte ka xaayti kodatte malla, arepadesa nama oranan ishshammo sanynyeetaaytippa in dapado.

Mataafa Saamu'eeli a lammatta 14:30

Apseloomi ka orxayaadi kide, “Tooyya! Dula Iyyo'aapi a xayyo kapa ca ka oppa poorta qapaay, aana ka oopa apitta qapa!” Orxaya Apseloomi ka aanen ka dulase oppa apitta qapen.

Mataafa Saamu'eeli a lammatta 18:15

A Iyyo'aapi kela kontaleeta haana oppaayye, nama kudani ka Apseloomi kapa mure ka isha doddoten ka ishshen.

Mataafa Saamu'eeli a lammatta 18:5

Ka Iyyo'aapi isho Apisaayi ka Itaayi ajaje ka kide, “Ana malla kida ka xayyoolaytase Apseloomi in miidan.” Qoota Apseloomi desa ete nuqusa saarra piisa ajaja daannooyye, xela piisa ka dakaye.

Mataafa Saamu'eeli a lammatta 19:1

Ikka Iyyo'aapi lelen ka kidene, “Ha! Nuqusa Apseloomi malla nyarrahani ka pooyni.

Mataafa Saamu'eeli a lammatta 19:11

Nuqusase Taawwiti ka qeesewwasene Satooqi isho Apiyataari nessa erke ka kide, “Qimaya a Yihutaati kida, ‘Qoota nuqusa tikaadi karopa oorssaati desa wa Isira'eeleta piisa oorsatte inuqusa qara kayeneey, xaayshin maana malla kamma hasnittan?

Mataafa Iyyoopi 20:5

Xasa ukkuttowwa akkima tura kumma'i, jeejja orra Waaqa teymino akkiman etaaddesaaw a' upto?

Mataafa Masmuureta 37:35

A juppoolayta ka nyiraamayta nama kukuttade, ka piitaadippa' poore ka ilaawnaaden akke.

Mataafa Masmuureta 45:5

Lawaayti qaarta qapa, ka sataawwa a paarkaala nuqusa oppan sossookinni; samayta piita ka loqqaatti kela' seehni.

Maatiyoosi 12:40

Yoonaasi akkima karitta naacca kara kuyyaata sessa ka halkeetta sessa pire mina'e, inna a nama akkamose mina'ew, hawla kara kuyyaata sessa ka halkeetta sessa piran.

Teseloonqe a paayyota 5:3

Oto orra, “We piisa nakayta ka ipaxaari” Kiinooyye, akkima iskatteeta yetettan qapamte mina'e, a ishootta isqara in upnin maliiyyi pateeta ishootta qara' kayta. Umma pakkanna kela in pahan.

Mataafa Taanynyada 4:21

Siisaarra qoota akata kafade malla, imuke ka oppa tawe; Yayeli iskatteeta a Heperi ka purrisha isho kujummitta tukkanan daapnaan qeedate ka isha kapopa lokkooti lohte. Ka kujummittase dapnoppopa ishi tommite ka piitoppa jaqqalisse ikka to'e.

Mataafa Taanynyada 5:26

Ka harka takka oppa kujummitta tukkanan daapnaan qapatte, ka harka akkita oppa purrisha teyyatte. Ka purrishaan Siisaarra tula dapna marjajasse ka dapnoppa xata ishi kujummitta toommite ka oppan sookisse.

Mataafa Taanynyada 5:31

Oo Waaqqo Poqallaanno! Paarkaalaatti piisa akimoose' mina a piramen; orra ke jaalanno xoori, akka atoota hupnaadin piirritto mina'e a la'ayen. Sekkammaayye, piita Isira'eeli ka para kunda afur nessatte.