Mataafa Saamu'eeli a lammatta 17:9 - Mataafa Qulqulloota

⁹ Esse amma apari rahana takkan taaki pora pila kara'e dekade. Oton isha qattisha ka xelaaytippa nama lamayta leyshaayye, nama sede dakayo itorra ka kide, ‘Xela Apseloomi quda anno ipirame.’

Mataafa Saamu'eeli a lammatta 17:9 ပူးပေါင်းရင်းမြစ်များ

Mataafa Saamu'eeli a lammatta 17:10

Aappaayshin akkima kokkoki, a isha quda ca kan xormeeta, oranna Isira'eeleta piisa upaay. Xorma kokkoka a ishi kiinaane marqina karma'e qapa kuli ka tammaqtan puulaawa.

Mataafa Saamu'eeli a lammatta 17:8

Aappaayshin isho xelaadi akkiman xormeeta oranna ka marqinolaya kodden ka akkima pinanta koommayta a kela nyalqa qeeden mina wareerraan i''upta. semmaliiyyiiw, aappaayshin xorma oranna pare. Umma halkeetteeyye xela oranna oppa mukni in co.

Xuuma Ermiyaasi 41:9

Qaawose a pisha, a Isima'eeli karopa pukkada orrase a leyshe dakke nefo qaawa kuttayta a turan nuqusa Aasa, Pa'isha nuqusase Isira'eeli isi qara oorissa malla qote Isima'eeli inna Netaaniya ka orrase a leyshen immake.

Mataafa Iyyaasu 7:5

Orrase a Aayi ka xarra katama kapa ishootta daana paayye ka kumpaappe haka porase Sheppariwo kidammoti ishootta daane. Ka Isira'eletoppa nama kunda sessa lehi leyshe. Orra Isira'eeli kara sataata ka tammaqtan puulaawte.

Mataafa Iyyaasu 8:6

Sitiiyyi ishootta isase an turan ishootta tura qahaninnonneew upnaadan ka hakan katamaasso kapa ishoottan sekaanno'e, ino kamma daanan, ino an ka ishootta turaayye alle qahana.

Mataafa Saamu'eeli a paayyota 22:1

Taawwiti ka katama Kaattitiiyyi xa'e ka rahana Atulaami opa qahe. Hellaasso isho toolaaysho ete sede dakayeneeyye, ikka eeyyepa isha kamma lekkaden.

Mataafa Saamu'eeli a paayyota 23:22

Aana ka xoptaadi qara oora ka qanqannissa upnaada ka nama isha akke ayno akkima kodde qorada; ilattayta kiiniiy.

Mataafa Saamu'eeli a paayyota 24:3

Ete anno ka pora kapa moona kaharra kapa kayeeyye, rahana akke ka uta karopa maqe. Taawwiti isho orra isha quda co rahanose karopa xata qaa'en ka eyye caan.