Mataafa Saamu'eeli a lammatta 17:8 - Mataafa Qulqulloota

⁸ Aappaayshin isho xelaadi akkiman xormeeta oranna ka marqinolaya kodden ka akkima pinanta koommayta a kela nyalqa qeeden mina wareerraan i''upta. semmaliiyyiiw, aappaayshin xorma oranna pare. Umma halkeetteeyye xela oranna oppa mukni in co.

Mataafa Saamu'eeli a lammatta 17:8 ပူးပေါင်းရင်းမြစ်များ

Mataafa Saamu'eeli a lammatta 15:18

Saarraadi piisa ka isha turopa tarpa, Keeritaata ka Felitaata isho Keetteta a katama Kaatiti isha kamma deete, nama dippa lehi ka nuqusa turopa tarpen.

Mataafa Saamu'eeli a lammatta 17:9

Esse amma apari rahana takkan taaki pora pila kara'e dekade. Oton isha qattisha ka xelaaytippa nama lamayta leyshaayye, nama sede dakayo itorra ka kide, ‘Xela Apseloomi quda anno ipirame.’

Mataafa Saamu'eeli a lammatta 23:16

Sekkammaayye, hupnampayasene sessa ka xela Filisteemeta oppan tarpen ka qaawase a pisha xarra Peteleheemi oppa co kara pishasene muudden ka Taawwiti ishin de'en. Isha xoori in ikkine ma kalisoota Waaqati'i alle tuqe.

Mataafa Saamu'eeli a lammatta 23:18

Inna opa Iyyo'aapi Apisaayi inna Suuriyya ka hupnampayasene kunda sessa qaraayye mattitta kodde. Ka nama dippa sessa qaropa oranaadi oorsade ka ishootta leyshe. Isha isasene sessa olliiyyiiw kurraadi ka dakaade.

Mataafa a Nuqussa a lammatta 2:24

Isha ka iskammandesa tooyyade ka maxxa Waaqatin ishootta jiije. Akkoottewwa pinaana lakki ka mura kara sooken ka ishoottoppa hellaa kunda afuri lakki kakkaa'en.

Mataafa Pahana 17:12

Eepa a eepumaadin co mina kayeeta kapaayye, tipeeta a kela nyalqa qeedamen mina kayeeta wayyi.

Mataafa Pahana 28:15

Ukkuttoota nama a orra qaarqaarsa in qapnin mukinno, akka karma daattino taaki tipeeta paata qapatta' doote mina.

Xuuma Hisqeeli 19:2

ka kide, “Ata aayyaassin maana! Ha akkooteta karma; ka karmaada kara' rabbite; ka otanta haariyya karmada kara' nyalqaadi qohatte.

Xuuma Taani'eeli 7:5

Pinanta lammatta'ew pinanta takka ‘Dipi’ Kiinaane pahata ka qandaasattaan eeyye' qa'ade ka lafa qiniyya sessa afaappa qapta. Nessa kiinoo'e, ‘Fayya' qa'ado ka so'a a' dama ettaninnitta' piisa dame.’ Ka ishi' lelame.

Hoose'i 13:8

Ka akka pinantase Tipi kiinaan a tura nyalqa qeedamen mina'e, ishin qara' mud kida ka ishin kara karitta kakkaa'a ka ishin porjojjaysha ka akka a karma' mina ishin mooja ka dama ka akka pinanta a kappina' mina ishin tiiqada.

Mataafa Taanynyada 18:25

Taaneta ka ishi kiite, “Orra miirooda ka ke qara xa'a akka isi ka toolaayti kuli daptaay, ino qara jaw kide!”

Mataafa Saamu'eeli a paayyota 16:18

Orxayaasene oppa takka ka kide, “Inna takkan kehayta fayya dawa saha, a Isseyi a Peetelehemitta'en akke. Isha xarjaallitta ka xorma oranna pare. Ka ooka haasa, Waaqa kuli ka isha olli ca.

Mataafa Saamu'eeli a paayyota 17:50

Semmalla Taawwiti kulluma isho daka pattanne Filisteemittase pute. Ka Filisteemittase kullumshe ka ishshe. Umma harkoppa koraateta in qapo.

Mataafa Saamu'eeli a paayyota 23:23

Semmalla lettisha ka porrada a kara dekanna upnaada. Ka wa qalpeeffattene xooya ka ana lela. Ishin ollin de'a ka oton ipiitose oppaaw caayye, kaffa Yihuta piisa oppa isha fadaay.”