Mataafa Saamu'eeli a lammatta 17:25 - Mataafa Qulqulloota

²⁵ Apseloomi pakka Iyyo'aapippa'e Amaasa saara xela orannati kode. Amaasa nefo inna a Isira'eelitta takka Yeteri kidammooti. Yeteri Apikeeli heme, Apikeeli kan enenta Nahaashi ka enenta opa Surriyya. Surriyya ka turaayye aayya opa Iyyo'aapi.

Mataafa Saamu'eeli a lammatta 17:25 ပူးပေါင်းရင်းမြစ်များ

Mataafa Saamu'eeli a lammatta 17:26

Apseloomi isho Isira'eeleta ka piita Kele'aati oppa safaren.

Mataafa Saamu'eeli a lammatta 19:13

Ka Amaasa kidaawwe, ‘Ino ollin an dakinta ka diika takkanne? Arepa desa oton pakka Iyyo'aapi oppa'en xeliyyo a oranna qara saara ke an kooniniiyyi, a Waaqa a neeqa ana qara kodo ka qaran jaalsho.’”

Mataafa Saamu'eeli a lammatta 19:14

Taawwiti ka afoosenen karitta samayta Yihuta piisa akka nama takka mina tiitayshe. Ikka nuqusa nessa erken ka kidene, “Ke isho orraayti piisanti kala.”

Mataafa Saamu'eeli a lammatta 20:4

Nuqusa ka Amaasa kide, “Kuyyaata sessa kara'e xela Yihuta piisa arepa ollopa ana xaashe ka atti kuli are caado.”

Mataafa a Nuqussa a paayyota 2:28

Otootose ka Iyyo'api qara kayte; Iyyo'api kadi punu Apseloomi quda in koddinin nefooyye, qoota Atooniyaasi quda kodde malla tukkanase a Waaqa kelopa qahe ka kaassa pora kalisoota quda qapade.

Mataafa a Nuqussa a paayyota 2:32

Ha isha a aappinno Taawwiti in upnin mali nama lakki a isha qaropa hanqeelluma jaalla ka wayya qara xa'e ka koraatetan ishootta leyshe; ishootta nefo isase saara xela oranna a Isira'eeli kodde Apeneeri inna Neeri ka Amesaayi inna Yeteri isase saara xela oranna a Yihuta kodde. Waaqa diikose isha qaropaaw oorsho.

Mataafa a Nuqussa a paayyota 2:5

Semaliiyyiiw Iyyo'api inna Siruyya wa ana qara kode ka wa ajajampayasene lakki a xela oranna Isira'eeli qara kode i''upta. Akkima Apeneeri inna Neeri isho Amesaayi inna Yeteru leyshe ka diika ishootta orannaappa tuqen kapa'e, eta nakaytati ishootta qara haalota pooyye ka salpataadi a surraappa hidanno isho xopaadi a loqqa kela kalsanna diika haalota orannaatin lahe i'upta.

Mataafa Otoowwa a paayyota 12:19

A Taawwiti Filisteemeta olliiyyi Saa'ooli torpa tuullooyye, kaffa Minaase oppa orra lamayta ka orraaysho oppa alle sooke ka xela oranna a Taawwiti quda kodde. Qoota Filisteemeta saarraasso olli oorsatte ka kiite, “Takka punu poqallaadi a xatta Saa'ooli kelopa kala ka ino pirsiissa” Malla alle Taawwiti qeette ka Tiklaakipa kalisse; umma Taawwiti isho orraadi Filisteemeta qaarqaara in ettaninne.

Mataafa Otoowwa a paayyota 2:13

Isseyi ka innaadi a kuuta Eli'aapi xaaye; ka a lammatta Aminaataapi xaaye; ka a sessatta Shaama xaaye;