Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mataafa Saamu'eeli a lammatta 16:21 - Mataafa Qulqulloota

21 Akitofeeli ka Apseloomi kide, “Aane ka lammowwasene a aappaayshina, isasene akka tika manksteeta tooytane are hattishe olli muke. Sitiiyyi akkima aappaayshin akka ke xaccisado koote. Isira'eeleta piisa dakaya; hupna orra a ke quda co ka kokkonnaadaay.”

အခန်းကိုကြည့်ပါ။ ကော်ပီ




Mataafa Saamu'eeli a lammatta 16:21
22 ပူးပေါင်းရင်းမြစ်များ  

Taawwiti ka tikase xaadi a mankisteeta Yursaalami kara kitto opa kale. Ka lammittewwasene xaadi kudani a akka tikaadi a mankisteeta ishi tooytane'e a turan eeyye diishe qeede ka akka tika takka kara tooytamane kode ka wa a damane kuli ishootta daashe. Ma xoori, ishootta olli in mukne ikka tika takka kara dufamen ka haka leenaane'e, a hiyyettewwa mina kallaaden.


Nuqusase ka sooke, toolaadi piisa ka isha kamma'ew sooke, ma xoori akka tikaadi a mankisteeta ishi tooytane'e lammittewwaadi kudani hattishe.


Ishina samayta Yihuta isho a Isira'eelitiiyyi! Ha xatta samayta piita' tura'e' pahana a jiija' kodditen. Amma xoori, anti ishinannen paha; akka orra saka' kodditaneey, semmalla ishina' japaada ka in fuuran.”


Poqallaassin Saa'ooli ito'ey, samayta Yihuta ka ana reexade ka isqara nuqusa ana daatadeey, amma oori japaada ka kokkonnaada.”


Iskatteeta aappaayshina olli in mukan; ini aappaayshin jeerissaay.


Akkima manynyeeruma ishin oppa co, itorraammi. Umma manynyeeruma asse paho orra a Yihutaata in koddinin' nefo oppaayye in co. “Nama lammitteeta aappaayshoti olli mukno ca” kidammi.


Nuqusase Selemooni ka oorshe ka aayyaassoti kide, “Maana'e Apisa Sunaamitteetase patta Atooniyaasi kaassanni? Isha qartinnooy, mankisteeta kuli ishi a kaassatto? Ka qeesittase Apiyaataari isho Iyyo'api inna Suriyya kuli'i a kaassatto?”


Ikka isheetta kide, “Isha ke qara'en tiitooy, akka Apisa Sunaamitteetase hemitta ana' daasho'e, nuqusa Selemooni ana naappado.”


Waaqa ikiini, “Tikaaytippa'en neequmta ke qara xaasha ka ildaattipadesa iskattaayti ke tura qeeda ka daltaytaayti daasha ikka kuyyaateeyye la'aytoppa ishootta olli muka.”


Ankusi iskaran xata dikade ka kide, “Taawwiti qoota Isira'eletoppa needdame malla, haka cooyye orxaytiyyo kodda ka isha amane.”


Samayta Isira'eeli piisa ka akkima Saa'ooli safarase a xela oranna a Filisteemeta puta Filisteemeta ka Isira'eeleta xaccisatte dakaye, samayta ka akka Saa'ooli quda oranna xa'o'e Kelkela karopa halaame.


Nama takka oton iskatteeta aappaayshoti olliiyyi mukaayye, saala aappaayshoti'i laka sooksheey, namoose isho iskatteese alle leysha; ishoottaaw ishin dapadeey.


Isha akka iskatteeta innaadi koddite qoota in upnaannin malla, kapopa maqe. Ka isheetta' kide, “Ke kapopan de'a ka?” Isheetta ka kiite, “Oto ana kapopa deetooyye maana ana' daassa?”


A Isira'eeli eeyye kalooyye, Roopeeli lammitteeta a aappaayshoti Paala qaropa kale. Isira'eeli ka wa kodde piisa dakaye. Yayqoopi hellaa diira kudanka lakki qapa.


Yayqoopi ka Simooni isho Lewi kide, “Akka Kene'aaneta isho Fersaata ana xaccisatto'e asse kooten ka qaapa a kokkoka karopa ana kalissen. Ino an shakkayaawweey, oton ino qara'e xa'an ino piisa piran, ana ka tooliyyo ka oori piramma.”


A hellaa Waaqa tuparra orra olliiyyi muken ka hellaa xaayeneeyye ka kamma kuli orra kukutta ka Nefiliimeta piita qara kala. Ishootta xattaayye, orra maxanyumaan upnaatame kurraaysho ka dakaade.


Apseloomi ka Akitofeeli kide, “Intoonno, maana ino dehaamta? Maanan koona?”


Hushaayi ka Apseloomi kide, “Kiseetose a ammati'i, dehaamtose a Akitofeeli daashe in paxaaran.


Amoonata ka akkima Taawwiti harkan isqara miirasse upnaatte ka Soorata Peetirehoopi isho a Soopa oppaayye xela oranna a loqqaan torpina nama kuma kunda lakki ka orra Toopi nama kuma kudanka lakki ka nuqusa Ma'ika a nama kuma takka isquda qapo xaayyatte.


Yoonataapi ka ishi kide, “Loshshaatti qara muke ka a paaqno pahanaado ka oto aappaayshin ke tooyya de'oyye, ishi kide, “Enentinno Ti'imaari a deeto ka damta ana daasso ka damtase nefo ildaayyo oppadesa kooto ka ana pupuukkisso.”


Sapana a Selemooni cooyye, rakkoota hataati Isira'eeleta qara qeede maliiyyi Resooni Isira'eeleta qara'e paarkaala koddeew. Semmalla Resooni a nuqusa Sooriya koddeeyye, paarkaala Isira'eeli kodda kammaaw caade.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ