Mataafa Saamu'eeli a lammatta 16:11 - Mataafa Qulqulloota

¹¹ Ka Apiisa isho saarraadi piisa kide, “Oto innaayyo an xaaye ana ikassa faanaaneeyye, Piiniyaamittose desa kuli atta fadaaw? Waaqa isha ajajeey, diisha ikka eeyye otado.

Mataafa Saamu'eeli a lammatta 16:11 ပူးပေါင်းရင်းမြစ်များ

Mataafa Uumata 15:4

Sekkammaayye tin, nessase a Yaahiwwe ka Apraami' kide, “Inna a atti' xaayta'e ke lehada diisheey, orxaytaayti Eli'eseri ke in lehaado.”

Mataafa Uumata 45:5

Akkan orran paho malla Waaqa ishin tura desa ana erkeey, qoota arepa ana katatten malla in nyarrahan ka in qaapan.

Mataafa Saamu'eeli a lammatta 20:1

Tiyyoolayta takka Shepaa'i kidammo inna Pikkiri a kafa Piniyaami kodde ka Kelkela kara kala ka kaasa dawe ka kide, “Oo Isira'eeli Taawwiti quda qoottota an qapno! Inna Isseyi quda lehna wati an qapnooy, nama piisa a alle tikaadipa kalo.”

Mataafa Saamu'eeli a lammatta 7:2

ixuumampaytase Naataani kide, “Tin anti tika qoyra kokkokan qupamte karan kala. Taapota Waaqa xoori, shaakka kela kitta.”

Mataafa a Nuqussa a lammatta 19:37

Takkaayye, a tikase a waaqaadi nisrooki kara sakatannoyye, hellaadi Atirameleki isho Sareseeri ka koraatetan isha ishshen ka alle piita araaraati opa qahen. innaadi Asraato ka pakkaadippa nuqusume.

Mataafa Otoowwa a lammatta 32:21

Waaqa ka erkampattootaadi erke ikka safara xela oranna a Asoori oppa'e xela oranna ka saarra isho xormeeta oranna pirte; semmalla nuqusa a Asoori ka jeeran piitaadipa tiitaawe. Ete tikaadi a killoota kelopa kulleeyye, hellaadi a xaaye a diira ka koraatetan isha ishshen.

Mataafa Masmuureta 109:28

Ishootta nama jiijni, ma atti nama'e sakni; ishootta oto xa'aneeyye, a jeeren; anti orxaytaayti xoori, ana xasoodo.

Xuuma Hisqeeli 14:9

Oto xuumampayta sassapatamooyye ka qaaleta a xuuma' haasawadooyye, a xuumampayse sassapade ana Waaqa; anti harkiyyon isha qaropa xaasha ka samaytiyyo a Isira'eeli oppa alle isha pashsha.

Xuuma Hisqeeli 20:25

Seminan anka taanteta a paxaari in kinnin ka seera a ishin caatta teyni in kinnin ishootta' daashe.

Maatiyoosi 10:21

Nama innaasso a ollin daladene toota turopa tuukka. Aappa ka innaadi a xaaye toota turopa tuukka; hella nefo ka asseew toollaasso qara paarkaalummaatan xa'an ka leyshacciisan.

Mataafa Saamu'eeli a paayyota 26:19

Poqallaayyo nuquso amma nefo akka ana orxaytaayti dakayto'en ke naappanni; oton Waaqa ana qaropa ke xaasheeyye, a kalisoota unta teyyado; ma xoori oton orra ana qaropa ke nyarsheeyye, i'ana kidene aane killowwa sakatado ka qoottota Waaqa oppa ana daaneneey, fuula Waaqa tura a jiijamen.