Mataafa Saamu'eeli a lammatta 16:1 - Mataafa Qulqulloota

¹ Ete Taawwiti kuutase a irrootaseti qara desa shakkayteeta tarpeeyye, orxaytase a mefepoosheti Siipa harrewwa lakki a qara laaqqota dippa lakki ka qoomayta dalta wayneeta laaqqota dippa ka luukkata a palite dippa ka taadeta wayneeta shiwwayta takka fe'isan qapade ka isha mina mina'anayta deeni ka a isi qara in upniniiyyi isha minaadesa sooke.

Mataafa Saamu'eeli a lammatta 16:1 ပူးပေါင်းရင်းမြစ်များ

Mataafa Saamu'eeli a lammatta 15:30

Taawwiti xoori matta qaranne ohaata qeede ka marattase a irroota Taprasayti loqqa pattan fayyade ka poran pooyni. Samaytase isha quda co piisa ka mattadaasso qaran ohawwa qeedaden ka pooytan fayyaden.

Mataafa Saamu'eeli a lammatta 15:32

Taawwiti ete porase qara Waaqa sakatannaan kuutase a irrootaseti qara kayeeyye, Arkittase Hushaayi mehaddaadi isquda kaa'e ka matta qara kuyyalayta pulade ka isha mina mina'anayta de'e.

Mataafa Saamu'eeli a lammatta 19:17

Kafa Piiniyaami oppaayye nama kuma takka ka isha olli de'e. Orxaytase a toola Saa'ooli Siipa ka hellaadi a diira kudanka ken ka orxayaadi kunda lakki qapadeew ka Yurtaanoosipa nuqusa turopa jarjartan lekkadeew.

Mataafa Saamu'eeli a lammatta 19:32

Parsilaayi nama akata kere ka para kunda sette pire. Ka qoota akata teyantoolayta malla, a nuqusa Mehanaayiimi kara cooyye damta ishi dehanni.

Mataafa Otoowwa a paayyota 12:40

Kantada Keprooni ka piitaddasene sesseka a Yisakoori ka a Saapilooni isho a Niftaalemi karaayye kuli harrewwa ka kaalla ka kaankewwa isho Xormadaan damta fee'en ka Ishootta ishin de'en. Isira'eeleta kara qoota xasa kutta kodde malla, daamma ka qoomayta hilteeta a laaqame isho a wayneeta ka taadeta a wayneeta ka sayteeta ekerta ka xaraaffa isho laahadda, kuttumtanne dehaaden ka eyye puren.

Mataafa Pahana 18:16

Daassata, nama daanno'e saanta paldinni; ka fuula orra kutkutta' tura'e isha qaatinni.

Xuuma Ermiyaasi 40:10

Anti mattiyyo Paapilooneta arepa deenitto tura qootaayshina desa qa'atta ka ishina tamaakkattaa'en Misippa kara' haseey; ishina xoori, wayneeta ka luukkawwa qora ika lekaya isho sayteeta ollopa ferada ka meehaayshin kara ollopa xaayada ka katamaddaassin oppa kallaada.”

Xuuma Ermiyaasi 40:12

piitaddasene a turan oppopa alle daanamte pisa oppaayye Yihuta karopa ollopa deete ka Misippopa Ketaaliya kapopa ante ka wayneeta isho luukkawwa qora ika lekayta kuttumtan ollopa feratte.

Xuuma Amoosi 8:1

Waaqase piisa qara qapo satara a luukkata oopnaate oppa immakaatte keleshaatoppan ana akkishe.

Xuuma Mikkiyaasi 7:1

Akkima nama a jaaha jaahame kammaayye patteeta faddatta' aane ka dape mina'en koddeey, oo ana kido! Isase an allu' kide, “A jaaha in jaahammin turannen qara' aana.” In dape.

Mataafa Saamu'eeli a paayyota 10:3

Akka eeyye xaataaw ka antaaw ka qoyrase kutta a Taapoori kappa kayta. Eeyyeeyye nama sessa a Waaqa kapopa Petelipa anno ka ke mina de'a. Takka a nyalqa tela sessaan anno takka'ew, a laaqqota sessa qapade, takka'ew, a taadeta wayneeta shawwaytoppa haano.

Mataafa Saamu'eeli a paayyota 16:20

Isseyi ka harreeta qeede ka laaqqota isho taadeta wayneeta qara fee'e. Ka innayya qolpayta quda' qape. Ka Saa'ooli kapopa innaadi Taawwitin erke.

Mataafa Saamu'eeli a paayyota 25:18

Apikiyya ka jarjarte ka putteena dippa lakki ka taadeta wayneeta okoleeta lakki ka laha keni ka maanqa a waatame taasa keni ka qoomayta a wayneeta matta dippa ka qoomayta luukkata hilteeta a laaqame dippa lakki pora takka olopa oorisse ka harrewwa qara fee'ite.