Mataafa Saamu'eeli a lammatta 15:31 - Mataafa Qulqulloota

³¹ Ikka Taawwiti lelen ka kidene, “Ha Akitofeeli Apseloomi olli sullaase oppaayye qapa!” Taawwiti ka qinsade ka kide, “Oo Waaqqo! Dehaamta Akitofeeli eepumopa purshe.”

Mataafa Saamu'eeli a lammatta 15:31 ပူးပေါင်းရင်းမြစ်များ

Mataafa Saamu'eeli a lammatta 15:12

Apseloomi ka ete kalisowwa dehaannaaneeyye, Akitofeelise dehaamampayta Taawwiti kodde namase a katama Kiillo kamma orra erke ka halacciise. Sullaatase ka ollinniiw koopni. Orra Apseloomi quda koddino ka koopaanneew anni.

Mataafa Saamu'eeli a lammatta 16:23

Etoosen karaayye, dehaamta a Akitofeeli kaassatta akka nessa Waaqa kaassannaan kapa'e dikammi; Taawwiti isho Apseloomi ka piisantiiyyi dehaamta Akitofeeli asseew ulfeessini.

Mataafa Saamu'eeli a lammatta 17:14

Apseloomi isho samaytase a Isira'eeli pisa ka kide, “Dehaamta a Akitofeeli kapaayye dehaamta a Hushaayi a Arkitta'e jaalli.” Maana malla, Waaqa Apseloomi qara neequmta qeeda'e dehaamtase a Akitofeeli paxaara hattissa'e piisadeey.

Mataafa Saamu'eeli a lammatta 17:23

Akitofeeli akkima sullaataadi olkela ishi in teynin ete akkeeyye, harreetaadi fe'ade ka qara fayyade ka katamaadippopa tikopa alle kale ka toolaadi kodeeta kode ka isi siibshe ka to'e. Ka hawla aappaayshoti oppa hawlame.

Mataafa Saamu'eeli a lammatta 17:5

Apseloomi ka kide, “Intoonno Hushaayi Arkittase kuli halaaw anka wa kiina dakaynawweey.”

Mataafa Saamu'eeli a lammatta 17:7

Hushaayi ka Apseloomi kide, “Kiseetose a ammati'i, dehaamtose a Akitofeeli daashe in paxaaran.

Mataafa Iyyoopi 5:12

A neequmta koda dikade, harkaasso akka wa dikadene in koonini'i, dikattaaysho tura nyapalinni.

Mataafa Masmuureta 109:3

Ka afaa needdumaatin ana kapa muren; ka patta quda ana qara' xa'en.

Mataafa Masmuureta 3:1

Oo Waaqqo! Paarkalaayyo, oo atta lekaaden, a ana' xa'e, oo atta leki.

Mataafa Masmuureta 41:9

Moottiyyo an kippanno an toma takkoppa ollin damme kuli, ana qara paarkaallummaatan xa'e.

Mataafa Masmuureta 55:10

Halkeette ka kuyyaateeyye, kawwattaadi qara tittiitaawni; katamasene ka juppoota isho neequmtan immakaaden.

Mataafa Masmuureta 55:12

Ha paarkaala ana onni in caan; kadin paarkaala ana onni kiite, helani duupannin heene umma a ana needdanna ana qara isi peepni in caan, kadin a ana needdanna'e ana qara isi peepni kiite, helani turaayye dekannin heene;

Xuuma Issayyaasi 19:3

Kipseeta ka xasa murta; anka wa a koda dikatte alle' hattisha; isheetta ka killannaadi kodatta ka so'ayaadi isho orra kaarayyadda haleeno soosatta.

Xuuma Issayyaasi 44:25

Anti milikkita a daradampaya paata patta'en kooni, ka so'aya eeppa' kooni; ka ookka iskammandesa oorinni; ka upnaasso eepuma' oorinni.

Yohaannisi 13:18

Oton asse haasawannooyye, ishin piisa mallan. Anti ishina an reexade in upa ma xoori, qaalese a mataafa qulqulloota kiinitto ‘Nama laaqqotiyyo dame ana qara' paarkaalummaata' xa'e’ dikkatta isheetta parpaaccisni.

Qorontoosi a paayyota 1:20

Ka kuli ooka aysha ca? Kollissampayta seera ka aysha ca? A piisse kara qorro ka aysha ca? Hela Waaqa ookuma piisseti eepuma'en koone?

Yayqoopi 3:15

Ookuma asse paho, piita ka so'a isho seetana kapa deeni diisheey, Waaqa kapa deeni in co.