Mataafa Saamu'eeli a lammatta 15:26 - Mataafa Qulqulloota

²⁶ Ma xoori oton ikiini, “An ke xasa an qapooyye, tin aren caay, awa ishi aaka ana qara kodo.”

Mataafa Saamu'eeli a lammatta 15:26 ပူးပေါင်းရင်းမြစ်များ

Mataafa Saamu'eeli a lammatta 10:12

Japaado! ka samaytinno isho katamadda Waaqinno malla torpina, Waaqa ka wa ishi aaka kodo.

Mataafa Saamu'eeli a lammatta 11:27

Ete pooyta dikkatteyye, Taawwiti ka isheetta kamma erke ka tikaadipa isheetta teyyade ikka iskatteetaadi koddite ka inna diirta ishi xaayte; ma xoori wa Taawwiti kode Waaqan xasanne.

Mataafa Saamu'eeli a lammatta 19:28

Poqallaayyo nuquso, qindaayti desa sanynyeeta aakkinno piisa a leeta ishootta parpaaccisnitta patta ma, atti ana orxaytaayti qeette ka orra tomaayti oppaayye dammo oppa kittite. Ka kuli sede qaropa ke nuqusa'e, maana lelattan ettanshaaw?”

Mataafa Saamu'eeli a lammatta 22:20

Ka pora palda oppopa ana sookshe ka qoota anan xasoode malla anan pahe.

Mataafa a Nuqussa a paayyota 10:9

Waaqa Poqalla a ken xasoode ka sufaaneta Isira'eeli qara ke kutiishe a kalataysamo. Qoota Waaqa haka paraparti Isira'eeli jaalanno malla akka dukaata ka hanqeetan ishootta mukisso'e ke nuqusumshe.

Mataafa Otoowwa a paayyota 21:7

Ajajose qoota Waaqa kuli tura neeqnaade malla, ikka Isira'eeleta qara'e erkanaata qeede.

Mataafa Otoowwa a lammatta 9:8

Akka Waaqa Poqallaatti kela nuqusa koddito ka mukisso'e, isase ken xasoode ka sufaanaadi qara ke kuttishe Waaqa Poqallaatti, a kalataysamo. Waaqaayti qoota Isira'eeli jaalade ka haka paraparati'i isheetta kokkonnassa fade malla, akka hanqeeta ka dukaata mureeta qeetto'e ishootta qara ke nuqusumshe.”

Mataafa Masmuureta 39:9

A sede kode qoota ke koddite malla, anti jawin kide; umma afaa an paqqinne.

Xuuma Issayyaasi 42:1

Waaqa ikiini, “Tin, orxaytase' xayyo an opeela qapno, ka reexade ka ishin xasoonno ini; anti hapuriyyon isha kara' xaaya; ikka samayta piitaddaati dukaatan' farata.

Xuuma Issayyaasi 62:4

Umma arepadesa “A alle' katamte” A' kidamto, piitaayti umma “A lulle haste” In kidamto, maxxaayti xoori “Anti isheettannen xasoonni” Kidama; qoota Waaqa ken xasoonno malla, piitaayti “A hemamte” Kidamta, ka diirta qapnaatta.

Xuuma Ermiyaasi 22:28

Namoose Ikkoniyaani, hela okta a paqte a nama takka nefo isheetta in heennini? Isha isho hellaadi maana malla piita in upnin oppopa alle katamen?

Xuuma Ermiyaasi 32:41

Paxaarumta ishootta kodannen xasooda, ka karittiyyo piisan ka isi piisan piisse oppa amanuman ishootta disha.”

Mataafa Dikoota 14:8

Oton iYaahiwwe Waaqa ino' xasoodeeyye piisse a takma isho aanna kara puren oppopa ino kalsha ka ino' daasha.

Maatiyoosi 1:10

Hisqiyaasi ka Minaase xaaye. Minaase ka Amoosi xaaye. Amoosi ka Iyyoosiyaasi xaaye.

Mataafa Iyyaasu 9:25

Ma amma nefo harkaaytippaawwen kinnaay, wa ke aaka ino qara koda i'ettanissa.”

Mataafa Taanynyada 10:15

Samayta Isira'eeli xoori i Waaqa kidene, “Keeton ishin dapneey, wa iltaayti tura paxaara ino qara kode; ma awwe patta inon pahe.”

Mataafa Saamu'eeli a paayyota 3:18

Saamu'eeli ka we piisa ishi torre umma we takkan nefo tura in juunne. Eeli ka kide, “Ishi Waaqaay, wa ishi aaka a kodo.