Mataafa Saamu'eeli a lammatta 14:25 - Mataafa Qulqulloota

²⁵ Isira'eeli piisa karaayye xarjaalluma'e nama a Aapseloomi mina peepammo in co. Kanaataadi a loqtati paayyatte haka nyirfaadi a mattati'i qaja in qapo.

Mataafa Saamu'eeli a lammatta 14:25 ပူးပေါင်းရင်းမြစ်များ

Xuuma Issayyaasi 1:6

Kamanta loqtati paayyatte haka nyirfa mattati'i dakintaayshin fayya in qapto; immataawten ka tittirmaamten ka tupaxata diiknittan; umma immaline umma opa qara in jaqqine ka qara in hiddine.

Mataafa Iyyoopi 2:7

Sekkammaayye seetana ka fuula Waaqa' tura sooke ka kanaata loqtati paayyatte haka nyirfa mattati, akka Iyyoopi' fayka neeqaatin qapamo' kode.

Mataafa oppa' Ooreta 28:35

Yaahiwwe kaminta loqtati paayyatte haka nyirfa mattaati'i, qappaaja a neeqa a kela a dinnin ke qaropa erka.

Efesooni 5:27

Ka sedenne tika kiristaana a jureeta taaki fuula poornassa taaki wa a neeqa a asse paha a isheetta qaraayye in kinnaannin mali qulqullitteeta a qaja in qapnin ka siratte' koda ka isturopa dehaysha.

Maatiyoosi 23:27

Pappahanassampayaay, Feresaata isho kollissampaya a seeratiiyyi, oo ishin kido! Ishina hawlalla a laka tulan aannatan daatame ka paxaara ma, xoori karan xata lafa orra le'e isho wa japjape piisan immakaade'e pahatan.

Mataafa Pahana 31:30

Xarjaalluma orra sassapanni; paxaaruma nefo ipanni; iskatteeta Waaqa fuurritto xoori a kalataysammitto!

Mataafa Saamu'eeli a paayyota 16:7

Waaqa xoori iSaamu'eeli kide, “In isha puyadeey, pahanaadi taaki derumaadi a dakinta in tooyan. Waaqa akkima nama paata tooyno mina tooyni in cooy. Nama qudadela pahana tooyni Waaqa xoori sataata tooyni.

Mataafa Saamu'eeli a paayyota 9:2

Qiisi inna Sa'ooli kidaamma'e qapa. Sa'ooli xarjaallitta nama ka xayya qapa umma orra Isira'eeli oppaayye a xarjaalluma isha kayno in co. Isha ideri ka xashsha opeela orra piisa qaran akkaanni.

Xuuma Taani'eeli 1:4

Orra a reexno nefo, xayyoolayta a toobuma in qapnin ka xarjaallewwa a ookuma ka upna qapa ka wa kollinnaane eennoow qapanno ka tika nuqusa kara koda koda ettansho kodda ishootta parpaaccisni; ka akka fitalla ka afaa Paapilooni' kuli ishootta kollisho'e, Shfanaasi ajaje.

Mataafa a Nuqussa a paayyota 1:6

Umma aappaaysho Maane asse kooni in kiine ka isha in peeqne; Atooniyaasi nefo kussitta Aapeseloomi ka akatan xarjaallitta.

Xuuma Hisqeeli 23:15

Ishootta surraappa'e salpata heraan kokkoka hidaden ka mattaaysho qara' parroota paxaara' maraden ka saarra a piita Paapilooni' pahan.