Mataafa Saamu'eeli a lammatta 13:4 - Mataafa Qulqulloota

⁴ Yoonataapi ka Amnooni kide, “Atti inna nuqusa maana malla kuyyaata mina apdattaaw apdanni? Ana'e alelto?” Amnooni ka ishi kide, “Ti'imaari alawta innaanno a Apseloomin xajeele.”

Mataafa Saamu'eeli a lammatta 13:4 ပူးပေါင်းရင်းမြစ်များ

Mataafa Saamu'eeli a lammatta 13:3

Ma xoori, Amnooni mootta takka Yoonataapi kidammo qapa. Yoonataapi inna inna opa Taawwiti a Shaama, isha nefo akatan ilattayta.

Mataafa Saamu'eeli a lammatta 13:5

Yoonataapi ka ishi kide, “Loshshaatti qara muke ka a paaqno pahanaado ka oto aappaayshin ke tooyya de'oyye, ishi kide, “Enentinno Ti'imaari a deeto ka damta ana daasso ka damtase nefo ildaayyo oppadesa kooto ka ana pupuukkisso.”

Mataafa a Nuqussa a paayyota 21:5

Iskatteetaadi Elsapeeli ka isha kapopa dehaatte ka ishi kiite, “Maana'e asse nyarrahate ka damta kuli a dammi a kinnin?”

Mataafa a Nuqussa a paayyota 21:7

Elsapeeli iskatteetase xaadi ka ishi kiite, “Atti ke mankisteeta Isira'eeli mukinni ka aren asse kodda? Xa'e ka damta dame ka xasoodo. Dula wayneeta a Naapute a Iyyisira'elitta ana ke daashaay.”

Xuuma Issayyaasi 3:9

Jeera afaasso oppa akkaanno ishootta qara' maakkummi; umma juppootaaysho in juutan ma, a Sotoomi' mina'e laka' sookshan; qoota neequmta isqara' qeeden malla, oo ishootta kido.

Xuuma Ermiyaasi 8:12

Waaqa ikiini, “Kodaase xaaysho xaccanno malla jeera i'ishootta dakaade? Pakkanna jeera ishootta'en dakaanne; umma wa jeera kiinaane nefo in upan; semmalla ishootta orra panno olli patan; oton ishootta qatta'a annooyye, anka alle ishootta pira.”

Mataafa orra Lewi 18:9

Alawtaayti a ollin dalatten olli in mukan umma kadi punu tikoppa dalatte taaki laka dalatteeyye, enenta aappaayshin xaaye taaki aayassin xaayte olli in mukan.

Mataafa orra Lewi 20:17

Nama takka oton alawtaadi taaki enenta a aappaaysho aayya pila oppa xaaye taaki a aayyaasso xaayte aappa pilaati xaayte hema ka ollin mukeneeyye, sede wa neeqa'ey, ilda samaytaaysho tura alle tawsha; isha alawtaadi qara manyeeruma kodeey, ishaaw dapaadi haadada.

Xuuma Mikkiyaasi 7:3

Harkaasso wa neeqa' koda ikolladen, mukissampaya isho taanynyadaasso kuli nooddotaaw faani, a hupna ukkumeeta' qapo wa heena'e irreetan orra qara' kooni ka sullaata kammaaw anni.

Luqaasi 12:32

“Ishina kaffadayyooyye! Ishina akka a xelloota shashakka, mina kodde in fuuran. Aappaase xaayshina a moonta mankisteeta ishina daassata heennaadeey,