Mataafa Saamu'eeli a lammatta 13:12 - Mataafa Qulqulloota

¹² Ikka ishi kiite, “Inna! Innaanno wa asse paha apari Isira'eeli kara in koddineey, anan kamtishan ka neequmse in kodan.

Mataafa Saamu'eeli a lammatta 13:12 ပူးပေါင်းရင်းမြစ်များ

Mataafa Uumata 34:2

Nama piitose mukinno Hiiwitta Hamori kidammo ka inna Sekemi kidamma' qapa. Sekemi ka ete Tinna akkeeyye, xajeele ka irreetan ishetta sootade ka nyapalshe.

Mataafa Uumata 34:7

Hellaa Yayqoopi ete kalen ka wa kodde' dakayeneeyye, itatammaqen. Ka Sekemi' qoota wa neeqa' kode ka enentaaysho nyapalissaan hellaa Isira'eeli' jeershe malla, akata miirooden.

Mataafa Pahana 7:7

A innumoppa ca'en tooye ka a xayya qapa oppa inna qalpeeta in qapnini akke;

Xuuma Ermiyaasi 29:23

Maana malla Waaqa ikiini, ‘Qoota iskatta xeliyyaassoti dahallaan; ka an ishootta an ajajnin mali maxxiyyon xuuma darta haasaawannaan ka seden Isira'eeli kara wa xaccanna koden malla, a sede upo ana ka an maakkittaay.’”

Mataafa orra Lewi 18:11

Enenta a iskatteeta aappaayshina xaayte olli in mukan alawtaaytiiy.

Mataafa orra Lewi 18:9

Alawtaayti a ollin dalatten olli in mukan umma kadi punu tikoppa dalatte taaki laka dalatteeyye, enenta aappaayshin xaaye taaki aayassin xaayte olli in mukan.

Mataafa orra Lewi 20:17

Nama takka oton alawtaadi taaki enenta a aappaaysho aayya pila oppa xaaye taaki a aayyaasso xaayte aappa pilaati xaayte hema ka ollin mukeneeyye, sede wa neeqa'ey, ilda samaytaaysho tura alle tawsha; isha alawtaadi qara manyeeruma kodeey, ishaaw dapaadi haadada.

Mataafa oppa' Ooreta 22:21

enense a tika aappaayshoti kittooyyeewwen sharmuutitteeta ka Isira'eeli kara jeera qeetteey, xarra a tika aappaaysho oppopan aana; samayta paleeseti ka haka toonitto'e, dakaan isheetta dakko ka ishsho; ka seden Isira'eeli kara neequmta pashsha.

Mataafa oppa' Ooreta 22:29

namoose enentase irreetan sootade a aappa opa enentaseti'i, dakara pirreeta kunda ken daasho ka isheetta hemo; qoota isheetta irreetan sootade malla ikka iskatteetaadi koddito, umma haka co'e, isheetta diissata in ettansho.

Mataafa Taanynyada 19:23

Qimaytase xoori lakopa sooke ka ishootta kide, “Hellaano alle diisha! Wa asse neeqa in kodan; namoose xaykuma'e tikiyyopa kaleey, juboota asse pahato in kodan.

Mataafa Taanynyada 20:6

Anti ka oori qoota juboota ka jeera asse paho Isira'eeli kara kodae malla, pukkase a iskatteetiyyo oppa quure ka kaffasene a Isira'eeli pisa opa erke.