Mataafa Saamu'eeli a lammatta 12:9 - Mataafa Qulqulloota

⁹ Ka kuli maana malla qaaletiyyo a Waaqa tuffatte ka fuuliyyo tura wa neeqa koote? Ka Ooriyo Hittittase orannaappa'e ikasse ka iskatteetaadi qedatte ka xaayti kodatte ka akka Amooneta orannaappa isha ikasso koote.

Mataafa Saamu'eeli a lammatta 12:9 ပူးပေါင်းရင်းမြစ်များ

Mataafa Saamu'eeli a lammatta 11:4

Taawwiti ka isheetta kamma orra erke ikka deete ka isha kapopa kullite. Qoota juretaadi a leya jaqqatte malla, ikka isheetta olli muke. Ikka tikaadipa tiitaawte.

Mataafa Saamu'eeli a lammatta 12:10

Semmalla qoota ana tuffatte ka iskatteeta a Ooriyo a Hittitta qedatte ka xaayti kodatte malla, arepadesa nama oranan ishshammo sanynyeetaaytippa in dapado.

Mataafa Saamu'eeli a lammatta 16:7

Ka isha onni ka kiini, “Atti nama diika, ukkuttootayti are kara sooke, sooke.

Mataafa a Nuqussa a paayyota 15:5

Maana malla Taawwiti dapase a Ooriyooni Keettitase qara kode maliiyyi, parraadi piisa kara fuula Waaqa tura a paxxaara'e kodeey, umma wa Waaqa isha ajaje kapa qinda in kiineey.

Mataafa a Nuqussa a paayyota 21:19

Ka ishi kide, ‘Waaqa ike kiini, “Hela nama ikasse ka dulaadi teyyanniiwwi?’” Ishi haasawado ka kide, “Waaqa ikiini, ‘Porose a oppa kutta diika Naapute hayen oppa'ew kutta diikaayti hayaneew.’”

Mataafa Otoowwa a lammatta 33:6

Ka naabase a inna Hinoomi kara'e, hellaadi a diira kalisoota kupannitto kode ka kalshe; ka tipa ka kodkoda isho suuma kodade; ka a kaarayya isho hapurra haleena soosade; ka fuula Waaqa tura wa akata neeqa kode; ini ka Waaqa miirasse.

Mataafa Masmuureta 51:14

Oo Waaqqo, dinshampaytiyyo Waaqqo, diika koda kela anan pahe; arrapiyyo ka qoota hanqeetaaytiti desa dawado.

Mataafa Masmuureta 51:16

Kadin kalisoota ke xasanni kiite, kalisootan ke' kalinni heene; daassata a kupannitto ke xasanni in kitto.

Mataafa Masmuureta 51:4

Anti ke qaran kale ka ke qara'ew juppoota kode; ka ke tura wa neeqa' kode. Semmalla, oto ana qara' haasawannittooyye, atti a hanqeellayta; oto ana qara' dapa murrittooyye, a' qulqullittaaw.

Mataafa Masmuureta 90:8

Atti ishin dapaytinno istura' xaayatte ka juppootinno a dekatte fuulaayti turopa sookisse.

Mataafa Pahana 14:2

Nama taantetan kallaanno, Waaqa fuurri; a saantaadi quumatte xoori, Waaqa tuffanni.

Xuuma Issayyaasi 5:24

Semmalla akka apitta irma kupno, miissa ka apittan kupanno mina'e, hittinnaasso asseew olloppa tortora; pissaaysho ka a kuyyaalayta' mina' pittinnaawa. Maana malla, seera a Waaqa Poqalla a we piisa ettaninno'e tuffadeneey ka qaaleta a qulqullitta Isira'eeli puyadeneey.

Xuuma Ermiyaasi 18:10

Ikka ana dakaya tiito ka fuuliyyo tura wa neeqa kodooyye, waasene paxaara an ishootta koda dikade'en alle ishootta qara hattisha.

Xuuma Amoosi 2:4

Waaqa ikiini, “Yihutaata qoota a lekatin juppoota koote malla, an isheetta qatta'o ka qara' erkannaata qeedo mali an diisho; ha ishootta seeriyyo a Waaqa'e puyaden umma ajajiyyo in tooytanne ka akkimase a aappadaasso' mina'e, waaqaddasene a dartatin sassapatamen.

Mataafa Saamu'eeli a paayyota 15:19

Ka kuli maana malla afa Waaqa a dakaynin? Ka poojeta qaropa kakkapte ka wa neeqa fuula Waaqa tura koote?”

Mataafa Saamu'eeli a paayyota 15:23

Ha falqa kodeeta juppoota suuma mina. Ka kamta tuukattaaw, neequmta killana kodata mina qoota atti qaaleta Waaqa jippite malla, isha assew nuqusa koddeetaayti jippeew.

Mataafa Saamu'eeli a paayyota 15:26

Saamu'eeli ka Saa'ooli kide, “Qoota atti qaaleta Waaqa jippite malla, Waaqa asseewwe Isira'eeli qara nuqusa koddeetaayti jippeey anti ke olli an tiitaawo.”