Mataafa Saamu'eeli a lammatta 12:13 - Mataafa Qulqulloota

¹³ Taawwiti ka Nataani kide, “Waaqa'en ishin dape.” Nataani ka Taawwiti kide, “Waaqa dapaayti ike diisheey, a tooto;

Mataafa Saamu'eeli a lammatta 12:13 ပူးပေါင်းရင်းမြစ်များ

Mataafa Uumata 39:9

Poqallaayyo nefo wa tikoose kara ca akkan muksho'e hupna ukkumeeta ana' daashe umma wa upa in caan. Isha wa harkiyyo oppa' daasha diishe takkan nefo in caan ma, qoota iskatteetaadi koddite malla, ke patta ana in daannin. Anti xawwi, attan juppoota asse pahato koda ka Waaqa nyarrahasiisa?”

Mataafa Saamu'eeli a lammatta 24:10

A koddito ma, Taawwiti ete xela oranna dike kammaayye, karanxata ishi dakaatte ikka Waaqa kide, “Waan kodeetinni a kuttati'in juppoota kode. Ma amma Waaqqo, in ke qinsanniiy ishindapaytiyyo a orxaytaayti alle pashshe, a kuttati'in eepuma kodeey.”

Mataafa Saamu'eeli a lammatta 24:17

Taawwiti ete erkampattootase orra pirritto akkeeyye, iWaaqa haasawade ka kide, “Tin are ana mattiyyo juppoota ka neequmta kode ma, kaharroosen maana koden? In ke qinsanniiy rakkoose a ana ka tooliyyo qara kayto.

Mataafa a Nuqussa a paayyota 13:4

Nuqusase Iyyoripi'aami ete nessase a nama Waaqa a porase a kalisoota a Peteli falqe ka salishe dakayeeyye, porase a kalisoota qara desa harkaadi derayshe ka kide, “Isha qapa.” Harkase xaadi a namase a Waaqa opa derayshe ka tupa koke ikka desa oorsatta malaale.

Mataafa a Nuqussa a paayyota 21:20

Ete Eeliyaasi Aki'api kapopa aaneeyye, Aki'api ka ishi kide, “Oo nyaapiyyo i'ana akkattewwe?” Eeliyaasi ka ishi kide, “Qoota fuula Waaqa tura neequmta kodeeta issi katte malla in ke akkadeew.

Mataafa a Nuqussa a paayyota 22:8

Nuqusase a Isira'eeli ka Iyyoosafiti kide, “Nama an qudan wa Waaqa kiina kaassatta ettaninno ammikki takka caaw ma, qootiyyo desa qoota wa neeqa diisheey a paxaara haasawanni in kinnin malla, in isha needda, isha nefo Mikkiyaasi inna Yimila.” Iyyoosafiti ka kide, “Nuqusa asse in kiinin.”

Mataafa a Nuqussa a lammatta 1:9

Nuqusa ka amsalaqaadi olli nama kunda keni erke. Sitiiyyi Eeliyaasi irroota qara'e qa'e. Amsaleqitta ka isha kapopa fayyade ka ishi kide, “Nama Waaqatiiyyi! Nuqusa ike kiini, ‘Lekkado!’”

Mataafa Otoowwa a paayyota 21:8

Taawwiti ka Waaqa kide, “Sede an asse kode a kuttati'in ishin dape ka koda eepuma kodeey, dapiyyo a orxaytaayti akka ana diisso'en ke qinsanni.”

Mataafa Otoowwa a lammatta 16:10

Seminan Aasa ka akkampaytase qara' miiroode ka qoota akata miirode malla tika hida karopa isha kalshe ka sitiiyyi orra takka takka qara' miiddota kutta' kode.

Mataafa Otoowwa a lammatta 25:16

A xuumampaytase afappa in dikkinniniiyyi, nuqusa ka ishi kide, “Hela in dehaamampayta nuqusaati ke shuumanne? Jaw a kiito amma, moon toota heenta?” Xuumampaytase ka oppa ollin jaw kide; ka kammadesa ishi kide, “Qoota sede koote ka dehaamtiyyo a dakaynin malla, akka Waaqa ke patissa piisade in upa.”

Mataafa Iyyoopi 33:27

Ikka orra tura masmuureta dawanni ka kiini, Juppootan kode ka dukaata qindandesa quu'e; umma xora se mina ca an xoranne.

Mataafa Masmuureta 103:12

Akka qinda piirtota a dumaateta' kapa seki mina'e, Waaqa asseew juppootinno ino kapa sekayshe.

Mataafa Masmuureta 51:16

Kadin kalisoota ke xasanni kiite, kalisootan ke' kalinni heene; daassata a kupannitto ke xasanni in kitto.

Mataafa Masmuureta 51:4

Anti ke qaran kale ka ke qara'ew juppoota kode; ka ke tura wa neeqa' kode. Semmalla, oto ana qara' haasawannittooyye, atti a hanqeellayta; oto ana qara' dapa murrittooyye, a' qulqullittaaw.

Mataafa Masmuureta 51:6

Atti karitta nama kara dukaataawwe' faaniiy, ookumaayti a kokkoka ana kollishe.

Mataafa Sooketa 9:27

Sekkammaayye Feri'ooni ka Muuse isho Arooni kamma erke ka halacciise ka ishootta kide, “Amma in ishin dape, Yaahiwwe dukaata qapa. Ana isho samaytiyyo xoori in ishin dapne.

Mataafa Pahana 25:12

Fuka ooka napahata dakaynitto'e, akka sira warqeeta a napahata, taaki sira warqeeta a paxaara' mina.

Mataafa Pahana 28:13

Nama juppootaadi qara dekno, olkela ishi' teyni in kitto; a dapaadi lelanno ka diinno xoori diissata akkaada.

Xuuma Issayyaasi 38:17

Ata into nakaytiyyo mallan a kuttati nyarrahe? Attikka qaawa pateetta kara caattiyyon pahate; ka juppootiyo piisa alle iskammopa katte.

Xuuma Issayyaasi 43:24

Atti tankarta alaawnitto kaajan ana'e a' piddine, umma hallaaka kalisootatin a ana' pakinne. Ma juppootaaytinni ana payyahisse; ka dapaaytin ana kaftisse.

Xuuma Issayyaasi 44:22

Ishin dapaytaayti a urratta' mina'en alle' haqa, ka juppootaayti a qayanqayoota teykanta' mina alle' tawsha; in ke furadeey, anopa tiitaawe.”

Pooyta Ermiyaasi 3:32

kadi punu nama nyarrahasisnaayye, inama suraysanni. Jaalalaadi a pirama in qapnini pursammi in caaneey.

Mataafa orra Lewi 20:10

Nama takka oton iskatteeta la'ayyo'e dahalaayye, a dahale ka a dahalsatte ollin leysha.

Mataafa orra Lewi 24:17

Nama nama ishsho, a kapa ishshamo.

Xuuma Sakkaariyaasi 3:4

Erkampattootase ka orra isheetta tura' qa'adeti' kiite, “Ohaase kolootte alle' quda maysha!” Ka Iyyaasu' kiiteewwe, “Tin in juppootaayti ke qara tawshe ka ohaata fayya' nefo ke quda uwwisha.

Maatiyoosi 14:10

Ka orra erke ka tika hidaatiiyyi Yohaannisi qara matta mursiise.

Luqaasi 15:21

Innasene ka aappaayshoti kidene, ‘aappo, fuula Waaqa isho fuulaayti tura'en ishin dape, umma arepa desa innaatti kidama ana parpaaccisni in kitto’

Luqaasi 18:13

“namoose qarata qaratino xoori, laka desa qa'ade, umma opeela kideeta ka moontandela tooyyatta nefo in heennaanne ma, harkaadinni kessoppa issi tottoommi ka qinsanni ka kiini, ‘Waaqqo, ana juppolayta maare.’

Kodampaya 2:37

Orrase ete sede dakayeeyye, ikka a kuttati karittaaysho karanxata ishootta' dakaatte, ika Peetiroosi isho erkamampayasene ata haseeti' kidene, “Hellaanno! Ka kuli maanan koona?”

ipro 9:26

Kadin sede qara kiiteeyye haka piita uumamte paayyatte, a lekatinni rakkoota teyyatta isha parpaaccisni heente. Amma xoori, piraampira sapanna' qaraayye, juppoota patissa'e takkan kalisoota isi kode ka akkaade; umma sede oppa' oora in qapto.

Yohaannisi a paayyota 1:7

Ma xoori akka isha' la'aytoppa co mina oton la'aytoppa' kallaanninnooyye, oli turaayye takkumta in qapnaanna. Diika innaadi a Yesuusi ka juppootinno piisa oppa ino qulqullaysha.

Keleshaata 1:5

ka Yesuusi Kiristoosi, isase maakkitta amaname kodde ka tootoppa xaanaan' qaarta kodde ka nuqussa piita' mukinno ka ino jaalanno ka juppootinno oppa diikaadin nata ino sookshe kapaayye, daassata Waaqa isho nakayta a ishina' kodden.

Mataafa Saamu'eeli a paayyota 15:20

Saa'ooli ka Saamu'eeli kide, “Anti afa Waaqa in dakaye ka erkana isha ana erkeeti aane. Ka Amaleqeeta piisa pire. Ka nuqusa Amalaqeeta Akaakin kale.

Mataafa Saamu'eeli a paayyota 15:30

Saa'ooli ka kide, “In ishin dape ma, amma saarra orriyyo isho fuula Isira'eeli tura ana ulfeesse ka akkan Poqalla Waaqaayti sakatado'e, ana olli tiitaawe.