Mataafa Saamu'eeli a lammatta 10:12 - Mataafa Qulqulloota

¹² Japaado! ka samaytinno isho katamadda Waaqinno malla torpina, Waaqa ka wa ishi aaka kodo.

Mataafa Saamu'eeli a lammatta 10:12 ပူးပေါင်းရင်းမြစ်များ

Mataafa Saamu'eeli a lammatta 10:11

Ka ishi kide oton Soorata ana qara kokkonnaanniiyyi, ana awwle. Oton Amooneta ke qara kokkonnaanniiyyi anti in ke awwlaay.

Mataafa Saamu'eeli a lammatta 15:26

Ma xoori oton ikiini, “An ke xasa an qapooyye, tin aren caay, awa ishi aaka ana qara kodo.”

Mataafa Otoowwa a paayyota 19:13

Semmalla japaado! Ka qoota samaytinno isho katamadda waaqinno malla torpina; Waaqa Poqallaanno ka wa ishi aaka kodo.”

Mataafa Otoowwa a lammatta 32:7

“xeloose kutta a Asoori isho nuqusaaysho in fuuran ka in tammaqan; a ino olli co a isha olli co qara qapaay, kokkonaada ka japaada.

Mataafa a Nehimya 4:14

Eten fayya oppa tooye kammaayye, anka xa'e ka samayta ka saarra isho mukissampaya' kide, “Paarkaalaan fuuran; akkan Waaqase kutta ka fuurammo qapno dikada ka hellaassin a ollin dalattene ka hellaassin a' xaaytene a diira isho tuparra ka iskattaayshin isho wa' qaptane malla oranna torpa.”

Mataafa a Nehimya 4:8

Ka akka de'an ka Yursaalami qara oranna xaashan ka orra olkelan yaaqyaaqshane'e, takka olli' kalen.

Mataafa Asteeri 4:16

“Aane ka Yihutaata katama Suusa kara kalto piisa ollopa xaashe ka kuyyaata sessa ka halkeetta sessa kara'e, damta musada; umma we in daman ka in ikkan ka qootiyyo desa qinsada; ana isho orxayasene' xayyo a iskatta asseewwen ollin damta musannaay; sekkammaayye kadi punu seera dawrina nefooyye, nuqusa kapopa in kulla ka oton toota koddini nefooyye alle' to'a.”

Mataafa Iyyoopi 1:21

Ka kide, “Lullen karitta aayyaanno kara daladeey, lulleewwen to'a. Waaqaaw daashe, Waaqaaw teyyadeey, maxxa Waaqa a kalataysamo!

Mataafa Dikoota 13:20

Ka akka piisse kappatayteeta koddite taaki kerite, ka akka mura qapto ka in qapnin tooyya, ka maxanyuma; ka piisse oppaayye luukkatan kala.” Sitiiyyi eta a oppaayye luukkata wayneeta pala paayyite.

Qorontoosi a paayyota 16:13

Impasa ka amanteetan qa'ada, japaada ka kokkonnaada.

Mataafa oppa' Ooreta 31:6

Kokkonnaada ka maxanyuma fayya qapnaada; umma ishootta tura in fuuran ka in tammaqan; maana malla Yaahiwwe Waaqaayti isha mattaadi ke olli aana; umma alle ke in diisho ka alle ke in kato.”

Mataafa oppa' Ooreta 31:7

Kammadesa Muuse ka Iyyaasu hale ka fuula samayta Isira'eeli piisa tura ishi haasawade ka kide, “Piitase a Yaahiwwe akka ishootta daasho aappadaassina a xattati xaxade ka kippeeta daashe karopa samayse olli anta ka akka lehadane kootaay, kokkonnaado ka maxanyuma fayya qapnaado.

ipro 11:33

Ishootta amanteetanne mankistewwa puten ka dukaata farataan orra mukshen. Ka kippeeta a ishootta' daasamte akkaden ka karmada tupa afa dufen.

ipro 13:6

Semmalla oppa' amanaannen kiini, “Waaqa qaarqaarsampaytiyyooy, an fuuro. Nama atta ana koda ettansha?”

Mataafa Iyyaasu 1:18

Nama ajajaayti tiinno ka ke dakayni in kinnin alle'e ishshan atti pattaaw kokkonnaado ka japaado!”

Mataafa Iyyaasu 1:9

Pora oppa annito piisa opa ana Waaqa Poqallaatti ke ollin caadaay, in fuuran, umma in tammaqan ma, kokkonnaado ka japaado ke an kiine?

Mataafa Taanynyada 10:15

Samayta Isira'eeli xoori i Waaqa kidene, “Keeton ishin dapneey, wa iltaayti tura paxaara ino qara kode; ma awwe patta inon pahe.”

Mataafa Saamu'eeli a paayyota 14:12

Xela oranna a safaraseti ka Yoonataani isho isase isha kela meeha orana haano laka desa akken ka kidene, “Inopa desa xooya anka we ishina akkinno.” Yoonataani ka isase isha kela meeha orana haano kide, “Waaqa iharka Isira'eeli oppa ishootta kateey, ana kamma fayyado.”

Mataafa Saamu'eeli a paayyota 14:6

Yonataani ka isase isha kela meeha orana haano kide, “Waaqa ino' torpa in diishooy, xooye ka safarose a sene dawra qara in murannin oppopa tuullina. Xela oranna lekayta taaki shakkaya qudan koddite, orran paheeta'e, Waaqa wa isha tura qapna in caaneey.”

Mataafa Saamu'eeli a paayyota 17:32

Taawwiti ka Saa'ooli kide, “Ana orxaytaayti aana ka Filisteemittose torpaay, isha malla nama takka nefo in tammaaqnin.

Mataafa Saamu'eeli a paayyota 3:18

Saamu'eeli ka we piisa ishi torre umma we takkan nefo tura in juunne. Eeli ka kide, “Ishi Waaqaay, wa ishi aaka a kodo.

Mataafa Saamu'eeli a paayyota 4:9

Oo Filisteemi xormume ka diirumaayti akkishe. Akka Iproota xatta ke kela karpishshumte mina'e, akka isheetta kela a karpishshummini'i, kokkonnaado ka a hamiyya mina torpe.”