Mataafa Saamu'eeli a lammatta 1:20 - Mataafa Qulqulloota

²⁰ Tuparra Filisteemi akka in xasoonnini'i tuparra orra dawra qara in murannin ka in ililiwnini'i otootose katama keettiti in torran umma porra Asqeloona oppa in salishan.

Mataafa Saamu'eeli a lammatta 1:20 ပူးပေါင်းရင်းမြစ်များ

Xuuma Hisqeeli 16:27

Tin seminan anka harkiyyo ke qaropa xaashe ka piitaayti quda lamayteeta alle mayshe ka iskattase a Filisteemi nyaapaayti kodde ka qalpeese xaayti a paalakuma qara tammaqno turopa ke tuukke ka akka wa heenane ke qara' kodane' daashe.

Xuuma Hisqeeli 16:57

Sede nefo eta a oppa juppootaayshin laka'en sookniniiyyi asse koddite; amma xoori Sooriya isho tuparraadi ka Filisteemi isho tuparraadi ka a isheetta kapandesa kala ka ke puyanna piisa'e, qora qara seesa'e koddita.

Xuuma Mikkiyaasi 1:10

Orra piita Keetti paarkaalaannooy, rakkoota ino qara' kayte ishootta'en lelan' umma kapa pora in pooyan. Ma xoori orra piita Peti'ofira orrinnooy, oto' kapa kaytaneeyye pora pooya ka leyan isi dakka!

Mataafa Taanynyada 11:34

Yoftaahe ete tikase xaadi Misiba kara kitto opa kallooyye, enentaadi timpa dawni ka kirpan isha minopa sookte; isha umma isheetta mali hellaa pila in qapo.

Mataafa Taanynyada 14:19

Hapura Waaqa ka hupnan isha qara lekkade; ikka katama Asqeloona opa aane ka nama kunda sessa leyshe; ka mehadda a papaxxaara a qapane piisa qeede ka orrase hiippasene xaadi maana akka kodden leleeti daashe ka oori miira kuttan tikaaysho opa alle kale.

Mataafa Saamu'eeli a paayyota 14:6

Yonataani ka isase isha kela meeha orana haano kide, “Waaqa ino' torpa in diishooy, xooye ka safarose a sene dawra qara in murannin oppopa tuullina. Xela oranna lekayta taaki shakkaya qudan koddite, orran paheeta'e, Waaqa wa isha tura qapna in caaneey.”

Mataafa Saamu'eeli a paayyota 17:26

Taawwiti ka orra isha kapa qa'ade kide, “Nama Filisteemittose ishsho ka jeerose Isira'eeli kamma jaqo'e, maana kodan? Ata allu Filisteemittose dawra qara in murannin ayno ka xeloose a oranna a caattampayta Waaqa asse kojeessini?

Mataafa Saamu'eeli a paayyota 17:36

Ana orxaytaayti karma ka tipi kulin ishsheey, Filisteemittase dawre qara in murannin, xela oranna a caattampayta Waaqa'e kojeesseey, a pinaanosene oppa a takka mina kodda.”

Mataafa Saamu'eeli a paayyota 18:6

Awta Taawwiti Filisteemittase ishsheeyye, xela ka tikkaapa kallooyye, iskatta timpa ka maasinqoota qapade ka nuqusase Saa'ooli okaadissa'e, katamadda Isira'eeli piisa oppaayye ililittan sooke ka kirpa dawanni ka kirpini.

Mataafa Saamu'eeli a paayyota 31:4

Saa'ooli ka xayyoolayse isha kela meeha oranna haano kide, “A sene dawra qara in murannini ana ishshan ka anoppa kahadan kapa; atti koraatetaayti yukado ka alle ana ishshe, isha xoori ifuure ka isha ikassa tiite. Saa'ooli ka qarta koraatetaadi iskelopa oorshe ka qara pi'e.

Mataafa Saamu'eeli a paayyota 6:17

Pahanaddasene warqeetoppa kodame a qappaaja keni, a Filisteemeta kalisoota ishin dapaytati koote ka Waaqa erkite, takka qoota katama Ashtootiti desa ka takka qoota katama Kaasaatidesa ka takka qoota katama Asqeloonatidesa ka takka qoota katama Kaatiti desa ka takka qoota katama Eqrooniti desa dehassa.