Mataafa Saamu'eeli a paayyota 9:26 - Mataafa Qulqulloota

²⁶ Ete para qiteeyye, Saamu'eeli ka Saa'ooli tikaqaraayye hale ka ishi kide, “Xa'e anka ke keesso” Saa'ooli ka xa'e Saamu'eeli isho isha ka ollin poroppopa sooken.

Mataafa Saamu'eeli a paayyota 9:26 ပူးပေါင်းရင်းမြစ်များ

Mataafa Uumata 19:14

Looti ka sooke ka hellaasene tuparraadi hemitta' qapade kapoopa aane ka ishootta' kide, “Yaahiwwe katamoosene pashshaay, xa'a ka kara alle' qaha.” Ishootta xoori ponoota ishootta' pahanaatte, ikka puyaden.

Mataafa Uumata 44:4

Ete katamaappa tarpen ka shakkayteeta aaneneeyye, Yoosefi isaarase' xaadi' kide, “Orrose kamma awle ka ishootta qaqqape. Ka oto ishootta kapa kayto ishootta kide, ‘Hela maana'e ise an wa fayya ishina' koone kapa'e, wa neeqa' kooten?

Mataafa Iyyaasu 7:13

Xa'e ka samayta jaqqe ka ishootta kide, ‘Samayya, Waaqa i'ishina kiini, wa neeqa'e ishin oppa ca; umma haka issippa sookissan maliiyyi, paarkaalaassin tura qa'atta a etanissaneey, kuyyaata parriti'i isi jaqqa harmisada.’

Mataafa Taanynyada 19:28

Ka isheetta kide, “Xa'e ka anna!” Isheetta xoori oppa oorinni in kitto; isha ka pukkaadi harreeta qara fee'ade ka kalta xa'e.

Mataafa Saamu'eeli a paayyota 9:25

Ete pora kalisoota qaraayye lekkaden ka katamaapa kallaaneeyye, tikeeyye tula qaranne Saa'ooli qoolla afen ikka eeyye qara muke.

Mataafa Saamu'eeli a paayyota 9:27

Ete xeela katama opa xata lekkannaaneeyye, Saamu'eeli ka Saa'ooli kide, “Orxaytaayti kide, ‘Ino turopa qatte’ Ka ete qatteeyye, Saa'ooli kide, ‘Areppa shakkayteeta qa'ado anka wa Waaqa kide ke lelo.’”