A taakkati akkan ana isho samaytaayti fuulaayti tura teyyatama teyne, maanaanne upnaysamta? Waan ana isho samaytaayti, samayta piita kapa ishin pursamminna, ino olli aanetaaytinni?”
Ha anti shilalla kutkutta qaradesan ishootta akkini. Ka kunkunnawwa qaradesa ishootta tooyni; ka samayta xawwi kallaanno ka mankistewwaappa isi dikni in kinnin akkini;
Katin ishinan a piita kiiteeyye, piita wa xaadi kodde jaalanni heente, ma xoori, qoota a piita a koddinin anti ka piitoppa ishin reexade malla, piita ishin needdanni.
Maana malla ishina Yaahiwwe Waaqaayshina a samayta xawwi reexxameey. Yaahiwwe Waaqaayshin ka samayta piita piisa oppa akka qoottotaadi a kokkoka kodditane ishin reexadeey.
Ishina' xoori, akka kodase orra qawwanno a Waaqa isase tukkantoppa la'aytase orra qawwanno oppopa ishin halaade salissane'e, a' xelta reexxamte. A'qeesewwa nuqusa ka a' samayta a qulqullaawe, a Waaqa xaadi' kodade.
Ma xoori ete Na'oosi nuqusase a Amooneta ishin torpeeta deeno akka akkiteneeyye, a Poqalla Waaqaayshin nuqusaayshin kodde kapa ana kiitene, ‘In koddito nuqusa a ino mukshon faaninna.’
Amma oori nuqusase tin isha ishin mukinni anti in kere ka arreede tin hellaayyo nefo ishin oppaayye caan. Anti an shakki paayyatten haka awweti ishin mukshe.
Ka ishi kidene, “Amma atti ikerite umma hellaatti saantaytin anni in caaneey, akkima mankistewwa a taakkane piisa nuqussa qapan mina'e, nuqusa ino shuume.”