Mataafa Saamu'eeli a paayyota 8:11 - Mataafa Qulqulloota

¹¹ Ka kide, “Nuqusase ishin qara nuqusumo wa ishin qara fada tooy sene. Hellaassin a dirra'e qeeda ka a sarakeella isho fartan oranna torpinaati kodada. Ikka sarakeellaadi a oranna turandesa hiran

Mataafa Saamu'eeli a paayyota 8:11 ပူးပေါင်းရင်းမြစ်များ

Mataafa Saamu'eeli a lammatta 15:1

Sekkammaayye, Apseloomi sarakella ka fartada isho orra isha turandesa hiro kunda keni issi qobbeessade.

Mataafa a Nuqussa a paayyota 1:5

Atoniyasise a “Hakiti” Xaayte “Nuqusan kodda” Kide ka xa'e ka sarakelladda ka fartada isho nama kunda keni a isha turandesa hiro harmisade.

Mataafa a Nuqussa a paayyota 10:26

Selemooni ka sarakelladda isho fartada ollopa oorsade ka sarakelladda kuma ka dippa afuri isho fartada kuma kudanka lakki qapa ka katamaddasene sarakellaadda qupame isho katamasene a Yursaalami a karaa kala kara ishootta qoote.

Mataafa a Nuqussa a paayyota 12:10

Ishootta ka ishi kidene “I'ishootta kiita, ‘Qupittiyyo a shakka surra aappinno qara kappuma qapnaada!

Mataafa a Nuqussa a paayyota 12:4

“Aappaayshin Selemooni xatta miiddaanne ino mukshe; ama atti oton imiiddose ino qara sholla'anniiyyi, ka arepa desa kallaatinno ino harminniiyyi, in ke piddamma.

Mataafa a Nuqussa a paayyota 14:27

Nuqusase Roopi'aami ka pakkaaysho oppa'e, sipla poora oppaayye kontalewwa kode. Ka saarra tooytampayta, a xarra tika mankisteeta tooytinaati daashe.

Mataafa a Nuqussa a paayyota 18:46

Hupna Waaqa ka Eeliyaasi qara lekkade, ikka ohaataadi opeela hiddade ka haka xarra IyyIsira'eeli kayno'e, Aki'api tura qate ka keere.

Mataafa Saamu'eeli a paayyota 10:25

Kammadesa Saamu'eeli ka aata nuqusa ishin samayta mukinna samayta lele ka mataafase ollopa marrammo kara' taafe ka Waaqa tura xaaye. Ka akka nama piisa alle tikopa kalo'e, samayta xaashe.

Mataafa Saamu'eeli a paayyota 14:52

Xelta a Saa'ooli piisa karaayye, oranna kokkoka'e Filisteemeta olli torpaammi. Semmalla Saa'ooli oton nama kokkoka taaki xormitta akkaayye, isqudopaaw qapni ka xelaadi a oranna oppopa kalinni.

Mataafa Saamu'eeli a paayyota 22:7

Saa'ooli ka saarrasene xaadi isha kapa qannaati kide, “Ishin piiniyaameteeyye dakkaysada. Hela inna Isseyi ishin takka takka'e dulla isho porra dishima wayneeta daasha? Ka ishin piisa shalaqadda isho motoloqadda koda?

Mataafa Saamu'eeli a paayyota 8:9

Semmalla nessaaysho dakaye. Ma xoori nuqusa ishootta qara nuqusumo wa ishootta qara koda ammaaw turan fayya ishootta lele.”