Mataafa Saamu'eeli a paayyota 7:6 - Mataafa Qulqulloota

⁶ Ikka Misippa karopa ollopa xooren. Ka pisha oraapen ka Waaqa tura tuttuqen ka kuyyaaseti damta musaden ka juppootaaysho leladen ka kidene, “Waaqa qara'en juppoota koone” Saamu'eeli ka Misippa karayya samayta Isira'eeli qara taanynyummi.

Mataafa Saamu'eeli a paayyota 7:6 ပူးပေါင်းရင်းမြစ်များ

Mataafa Uumata 31:49

Laapa ka kide, “Oton olkela pasnooyye, a Waaqa ino piisa tooyto.” Ka poroseti “Misippa” kide.

Mataafa Saamu'eeli a lammatta 14:14

Akkima pisha tuqame ka lammatta ela oorri in kinnin mina'e, ino piisani asseewwen leena. Waaqa xoori isase piitoppa daaname akka laka in hasnini isaanta ishi harmisha diisheey, in ishsho.

Mataafa a Nuqussa a paayyota 8:47

ikka piitase a oppopa poojamen oppa matte isi oorsannaan ka dapaaysho oppa oorraaneeyye ka a piitase a orra ishootta pooje oppa caaneeyye ka mararfannaan ka kiinaane, ‘Juppootan koone ka ishin dapne ka neequmta kooneeyye,’

Mataafa Otoowwa a paayyota 11:18

Sitiiyyi xormewwasene sessa ka xela a Filisteemi oppan mitten ka qaawase a pisha xarra Peteleheemi oppa co kara pishasene muudden ka Taawwiti ishin de'en; Taawwiti xoori pishasene ikka in heenanne ma kalisoota Waaqati'i alle tuqe.

Mataafa Otoowwa a lammatta 20:3

Iyyoosafiti qoota a kuttati fuure malla fiqaataadi kaassatta'e Waaqopa tiitaawe; ka piita Yihuta piisa kara'e, damta musatta salishe.

Mataafa a Nehimya 9:27

semmalla akka nyaapaaysho ishootta puto'e' koote; ikka ishootta payyahashen. Ikka ete rakkadeneeyye, kepa ullupaden; atti ka moonte xata ishootta dakayte. Qoota suraysattaayti koope malla, orra nyaapaaysho kela ishoottan paho ishootta' daasse.

Mataafa Iyyoopi 16:20

A ana tuffanna moottadaayyoow; anti' xoori Waaqopan pooyanni.

Mataafa Iyyoopi 3:24

Pakka damta oppa'e, pora quujattaaw ana' deeni ittaniyyo ka a pisha urqina' mina, olkamma mittammi in kinnin.

Mataafa Iyyoopi 33:27

Ikka orra tura masmuureta dawanni ka kiini, Juppootan kode ka dukaata qindandesa quu'e; umma xora se mina ca an xoranne.

Mataafa Iyyoopi 40:4

“Oo Waaqqo! anti an nama we in nakannini'iiy, maanan ke mina' kida? Alle'en afaayyo qapada.

Mataafa Iyyoopi 42:6

Semmalla waan kideetin in jeereey, kuyyaalayta isho taraappa'en kuti'a ka juppootoppa tiitaawa.”

Mataafa Masmuureta 106:6

Ino' nefo a aappadaanno mina'en juppoota kooneew, ka neequmta koone ka seera qepinne.

Mataafa Masmuureta 119:136

Qoota orra seeraayti tooytanni in kinnin malla, ilmaama ildaayyo oppaayye a malxa' mina'e urqini.

Mataafa Masmuureta 42:3

Oto orra awta piisa ana' kiino, “Ata waaqaayti ayshaayye caayye?” Anti halkeetta ka kuyyaata piisa, pooytaawwen koda' kodanni.

Mataafa Masmuureta 6:6

Pora quujattiyyo minan in kafade; halkeetta piisan pooytan loshshaayyo japinni; ka pora an oppa mukno, ilmaamaan affanni.

Mataafa Masmuureta 62:8

Samayteeyye, awta piisa Waaqa qara' xasa xaayada, ka isha tura' karittaayshin furada; pora an kara pahaninno Waaqaay.

Xuuma Ermiyaasi 31:19

An ke kapa sekaanne kammaayye, in maraarfanne; ka eten matte isi oorsaneeyye, kessoppa isi tottoomme; qootan jeerinno a xayya haadanninno malla, anka jeerre ka palamme.”

Xuuma Ermiyaasi 36:9

Anuqusase a Yihuta Iyyo'aqemi inna Iyyosiyaasi nuqusumeeyye para kenatta ka leya sakalattatiiyyi, samayta Yursaalami piisa ka a katamadda Yihuta a ata hase kara Yursaalamipa de'e piisa ka, fuula Waaqa tura damta musatta salisade.

Xuuma Ermiyaasi 9:1

Qoota samaytiyyo pirame malla, akkan halkeetta ka kuyyaata pooyo'e, kadin mattiyyo pisha paadinnima; ildaayyo ka ilmaama urqinnima!

Pooyta Ermiyaasi 2:11

Qoota orraayno pirame, hellaa isho nyooqqawwa a ama luukna ka katama karaayye porraappandesa seehen malla, pooyta qaran xaate'e, ildaayyo paata akkini in caan. Ha karanxata in paaqni, karittiyyo ka ana kara kupanni.

Pooyta Ermiyaasi 3:49

Ilmaama ildaayyo oppaayye urqa quda' tawni umma qa'ani in caan.

Pooyta Ermiyaasi 5:16

Ulfeeninno i'ino qara tawe, juppootan kooneey, oo ino kido!

Xuuma Hisqeeli 20:4

Atti to'ampayta namatiiyyi, ishootta qara' dapa mure! Ata ishootta qara dapa murin! Ka nyaloosene a aappadaasso' kodene ishootta' upnayshin.

Hoose'i 5:1

Ishin qeesewwaayye, waan ishina' lella' dakkaysada! Ishina samayta Isira'eeli' koddeetiiyyiiw, matte qapnaada! ishina toolla nuqusa' koddeetiiyyiiw, sede kela' napahata kata! Ha ishina' Misippa tura'e akka naata' mina qaasamten ka Taapoori tura'e akka nyupura' mina afamten. Semmalla dapa ishin qara' murame.

Xuuma Iyyu'eeli 2:12

Waaqa kiini, “Amma nefo damta musattaan ka pooytan ka nyarrahatan karittaayshin kareela anopa tiitaawa.

Mataafa orra Lewi 16:29

Sede ishina'e itturopa a taanteta para para koddito; oto leya tappatta ooro kuyyaata kundattati ishin isho kalayta ishin oppa kalo piisa damta musada; ka oppa koda takka nefo in kodan.

Mataafa orra Lewi 26:40

Ma xoori ishootta oto juppootaaysho isase ana falqen ka paarkaalummaatan ana qara xa'en, isho juppoota a aappadaassoti lelannaaneeyye,

Luqaasi 15:18

In xa ka aappinno kapopa aana ka aappinno kida: aappo fuula Waaqa ka fuulaayti ture'en ishin dape.

Mataafa Taanynyada 10:10

Sekkammayye, Isira'eeli ka Waaqopa ullupatte ka kiite, “Waaqqo! Ke Waaqinnon alle diinne ka killowwa pa'aali saksanneey, in ke tura ishin dapne.

Mataafa Taanynyada 10:15

Samayta Isira'eeli xoori i Waaqa kidene, “Keeton ishin dapneey, wa iltaayti tura paxaara ino qara kode; ma awwe patta inon pahe.”

Mataafa Taanynyada 2:4

Ete erkampattoota Waaqa samayta Isira'eeli' piisa asse haasawatteeyye, samayta harmo'e pooye.

Mataafa Taanynyada 20:23

Samayta Isira'eeli ka aane ka haka letta dummitto'e, Waaqa tura pooye ka Waaqa kaassade ka kide, “Hela amma in a lammattati hellaanno a Piniyaami torpana tuullaawwe?” Waaqa ka ishootta oorshe ka kide, “Aa! Tuula ka torpa.”

Mataafa Taanynyada 20:26

Sekkammaayye samayta Isira'eeli piisa ka Petelipa aane ka pooytan fuula Waaqa tura qaa'e; ka haka dummitto damta musade ka kalisoota a kupannitto isho a takkumta Waaqa dehasse.

Mataafa Taanynyada 3:10

Hapura Waaqa ka isha qara' lekkade ikka Isira'eeleta' taanynya kodde ka oranna' tuule; Waaqa ka nuqusa Mosoppotaamiya Kushaani Fiishataaymi isha turopa tuukke ikka pute.

Mataafa Saamu'eeli a paayyota 1:15

Ma xoori Haanna i'ishi oorisse ka kiite, “Poqallaayyo assen anti an iskatteeta a kuttati nyarrahate diisheey, taadeta wayneeta taaki ikkayta kokkoka an ikne ma, rakkootiyyon Waaqa tura pooyanni.

Mataafa Saamu'eeli a paayyota 10:17

Saamu'eeli ka Misippa karopa Waaqa turopa samayta Isira'eeli hale.

Mataafa Saamu'eeli a paayyota 12:10

Ikka Waaqopa ullupen ka kidene, ‘Qootan Waaqa alle diinne ka killanna a pa'ali isho a astarootiti sakatanne malla juppootan koone ma amma harka nyaapaayno kara ino sookshe anka ke sakatanno.’

Mataafa Saamu'eeli a paayyota 7:15

Saamu'eeli ka haka co piisa kara'e, Isira'eeli qara taanynyume.