Mataafa Saamu'eeli a paayyota 6:6 - Mataafa Qulqulloota

⁶ Akkima xatta orra Kipsi isho Feri'ooni karittaaysho kokkonnayshen mina'e, maana'e karittayshin kokkonnaannittan? Waaqa Isira'eeli ete Kipseeta payyahashe kammaayye, samaytase a Isira'eeli kamma xata in diinne ikka in sookne?”

Mataafa Saamu'eeli a paayyota 6:6 ပူးပေါင်းရင်းမြစ်များ

Mataafa Iyyoopi 9:4

Isha ookumaadi ikara seki; hupnaadi nefo ikutti, ayno isha toore, ka nakayta qapnaade?

Mataafa Masmuureta 95:8

“Akkimase a koommaytoppaayye piita Mariipa ka a Masahi kara' kooten mina'e, karittaayshin in kokkonnayshan;

Mataafa Sooketa 10:3

Muuse isho Arooni ka Feri'ooni kapopa aanen ka ishi kidene, “Yaahiwwe Waaqa Iproota ikiini, ‘Haka aytamiti ana tura isi shakkissa tiitta? Akka ana waaqaysadane'e, samaytiyyo diishe.

Mataafa Sooketa 14:17

Anti karitta Kipseeta'en kokkonnaysha ikka samayta Isira'eeli kamma xata pisha karopa muran; anka putayma Feri'ooni isho a xelaadi a oranna ka sarakellaadi isho a fartadan kulufina qara akkadaatin ulfeessama.

Mataafa Sooketa 14:23

Kipseeta ka ishootta kamma daante ka fartada a Feri'ooni ka sarakelladdaadi isho xela ishin kulufno piisa ka pakateetase karopa xata ishootta kamma kullen.

Mataafa Sooketa 4:21

Yaahiwwe ka Muuse' kideewwe, “Oto' Kipsipa tiitawtooyye, wessen orra qawwanna an harkaaytippa' xaaye Feri'ooni tura' koda in teyman. Ma xoori anti akka isha samayse in sookinnini in karittaadi kokkonnaysha.”

Mataafa Sooketa 7:13

A kodditoma karitta Feri'ooni ammikki'i ikokkonnaade, umma akka Yaahiwwe kide mina'e ishootta in dakayne.

Mataafa Sooketa 7:14

Sekkammaayye Yaahiwwe ka Muuse' kide, “Karitta Feri'ooni ikokkonnaade, umma samayse diissata in heeno.

Mataafa Sooketa 8:15

Feri'ooni ete akka mokowwasene' le'en akkeeyye, akka Yaahiwwe' turan haasawade qara'e karittaadi kokkonnaysheew; ka Muuse isho Arooni dakaya tiite.

Mataafa Sooketa 8:32

Ma xoori Feri'ooni ammikki'i karittaadi kokkonnayshe diisheey, samaytase in diinne.

Mataafa Sooketa 9:16

Ma xoori akkan hupniyyo ke akkisho'e maxxiyyo ka piita piisa qara dakaado mallan haka ammati ke caayshe.

Mataafa Sooketa 9:34

Ete Feri'ooni akkima roopase ka apteentase isho qaqawwase a qa'ade akkeeyye, amma juppoota kodeew; isha isho saarraadi ka karittaaysho kokkonnaysheneew.

Roomi 2:5

Semmalla, atti qoota juppootoppa a oori a kinnin ka kamtoollayta koddite malla, kuyyaata a oppaayye aara Waaqa isho firteetaadi a dukaata desa kaytooyye, qitaateta isi qara koopinni.

ipro 3:13

Se kapaayye, ishin oppaayye nama takka nefo akka in sassapatammin ka karittaadi kamtollayta in koonini'i, kiseetose “Awwe” kidamte haka kitto kara'e, kuyyaata piisa oli dehaama.