Mataafa Saamu'eeli a paayyota 6:4 - Mataafa Qulqulloota

⁴ Ikka kaassaden ka kidineewwe, “Kalisoota a ishin dapayta maanan quda qapanna ka ishi erkina?” Ikka kidene, “Erkannaata a ishin isho mukissampayaassin qara kayte takkaweey, lekuma mukissampaya Filisteemi mina'e, pahana qappaajoseeti a warqeetoppa kodame keni ka pahana tapayta a warqeetoppa kodame keni erka.

Mataafa Saamu'eeli a paayyota 6:4 ပူးပေါင်းရင်းမြစ်များ

Mataafa Sooketa 12:35

Samayta Isira'eeli ka akkima Muuse turan ishootta lele qara kode. Ka Kipseeta qaraayye sira dakara pirreeta ka a warqeeta isho a ohawwa kaassade.

Mataafa Iyyaasu 13:3

Isheetta nefo kirrase a Shihoni Kipsiiyyi qinda piirtotatin cooyye paayyatte qinda qutattatinni haka xeela Ekrooni'i kayni; sede piisa ka Kene'aani kidammi. Piitose nefo katamaddasene a Filiteemi ken a nuqussa mukinaane; katamaddoosen nefo Kaasa ka Ashtoti ka Asqeloona ka Kaati isho Eqrooni. A pila'ew, a in qapatammin qinda tupattatinni piita a Apiipi mukinno

Mataafa Taanynyada 14:19

Hapura Waaqa ka hupnan isha qara lekkade; ikka katama Asqeloona opa aane ka nama kunda sessa leyshe; ka mehadda a papaxxaara a qapane piisa qeede ka orrase hiippasene xaadi maana akka kodden leleeti daashe ka oori miira kuttan tikaaysho opa alle kale.

Mataafa Taanynyada 3:3

A piisse a Kene'aani oppa' hase, mukissampaya Filisteemi ken ka Kene'aaneta piisa ka Sidoonata isho Hiwwata irroota Pa'alhermoniti paayyatte haka kullaysuma Hamaatiti irroowwa Lipaanoosi qara kalto.

Mataafa Saamu'eeli a paayyota 5:12

A in leenin nefoow, qoota qappaajaseetin miidammaan malla ullupitta katamaseneti ka a kuttati opeela xa'e.

Mataafa Saamu'eeli a paayyota 5:6

Waaqa ka orra Ashtooti isho a kapandesa kalo a kuttati rakkacciise. Ka ishootta qara qappaaja qeede ka ishootta miidde.

Mataafa Saamu'eeli a paayyota 5:9

Ete eeyyepan aanen kammaayyeew, Waaqa katamasene qara xa'ew. Ka a kuttati ishootta yaaqyaaqsheew ka samaytase a katamooseneti, a shakka ka a qime piisa quda akka qappaaja doddo'o kode ka ishootta miidde.

Mataafa Saamu'eeli a paayyota 6:5

Semmalla pahana qappaaja isho a tapayoosen piita kalaafanna'e kootan ka Waaqa Isira'eeliti ulfeena daassan ikka takkapunu ishin ka Waaqaddaasin isho piitaayshin qara harkaadi maysada.

Mataafa Saamu'eeli a paayyota 6:8

Ka taapotase a Waaqa qeeda ka kaarreettase qara xaaya ka pahanaddasene a warqeeta a kalisoota ishin dapaytati kootene ka ishi erkinittane saatineeta kara xaayaaw. Ka taapotase kapa'ew kaarreettase qara xaaya ka oori kaarreettase kammadesa diisha ikka xaadi qara aano.