Mataafa Saamu'eeli a paayyota 6:3 - Mataafa Qulqulloota

³ Ikka kidene, oton taapota a Waaqa Isira'eeli'i isqara kalinnittaneeyye, kalisoota a ishin dapayta quda qapeeta ka ishi erkeeta ishin faani diisheey, asse patta in erkan. Sitiiyyi iddintaneey ka wa malla harkaadi ishin qara in oorinnin nefo upnaattaneey.

Mataafa Saamu'eeli a paayyota 6:3 ပူးပေါင်းရင်းမြစ်များ

Mataafa Iyyoopi 10:2

In Waaqa kida, “Wa ana qara qapatte ana' lele diisheey ana qara' dapa in muran.

Mataafa Sooketa 23:15

Xaysonessuma laaqqota a in pukeessammini ulfeessa; akkan ishin ajaje qara'e, leya hapiipi oppaayye xooraadi a qapame qara'e, kuyyaata tappa olkamma laaqqota a in pukeessammini damtan; leyoose oppaayye piita Kipsi kara sookteneey umma nama a kalisoota harkoppa in qapannin ana turopa in dehaannin.

Mataafa Sooketa 34:20

Nuunnayya xorma kodde a paayyota dalade a harreeta, laahan furada ma oton a furanni a kinniniiyi qara xolma quu'a ka hellaassina a diira a paayyota dalade piisa asseew furada; umma nama takka nefo harka lulen ana turopa in dehaannin.

Mataafa Sooketa 8:15

Feri'ooni ete akka mokowwasene' le'en akkeeyye, akka Yaahiwwe' turan haasawade qara'e karittaadi kokkonnaysheew; ka Muuse isho Arooni dakaya tiite.

Mataafa orra Lewi 5:6

Ka juppootaadi a kode malla kalisoota ishin dapaytati'i fuula Yaahiwwe tura'e xellootaadi a kahirra isho a tela oppaayye kahirta taaki telteeta dehaysho; qeesitta ka akka juppootaadi ishi hasso kodo.

Mataafa orra Lewi 6:6

Ka hiila a atti sookisse qara'e, xellootaadi oppaayye laha a toobuma in qapnin qeedo ka kalisoota a ishin dapaytaaditi'i Yaahiwwe turopa qeesitta kapopan de'o.

Mataafa oppa' Ooreta 16:16

Xaysonessuma a qaran tarpeeta ka a fera isho a shaakka oppaayye, diira piisa porase a isha reexade oppopa fuula a Yaahiwwe Waaqaayti turopa paroppa sessaanne dehaattan ka oto fuula a Yaahiwwe turopa dehaannittooyye harka luleetin in dehaadan.

Mataafa Saamu'eeli a paayyota 5:11

Ka semmalla mukissampaya Filisteemi kamma erken ka ishootta piisa ollopa halen ka kidene, “Taapota Waaqa Isira'eeli ino qara alle tawsha ikka poraadipa oorto ka ino ka orrinno in pirrin.” Qoota Waaqa a kuttati ishootta rakkacciisno malla, katamasene piisa oppa toota olkelan orra yaaqyaaqinniiy.

Mataafa Saamu'eeli a paayyota 5:7

Orra Ashtooti ete wa koddina akkeeyye ikidee “Waaqa Isira'eeli a kuttati ino ka taakooni waaqinno rakkacciisniiy, taapota Waaqa Isira'eeli inoppa taweeta isheetta faani in kitto.”

Mataafa Saamu'eeli a paayyota 5:9

Ete eeyyepan aanen kammaayyeew, Waaqa katamasene qara xa'ew. Ka a kuttati ishootta yaaqyaaqsheew ka samaytase a katamooseneti, a shakka ka a qime piisa quda akka qappaaja doddo'o kode ka ishootta miidde.

Mataafa Saamu'eeli a paayyota 6:8

Ka taapotase a Waaqa qeeda ka kaarreettase qara xaaya ka pahanaddasene a warqeeta a kalisoota ishin dapaytati kootene ka ishi erkinittane saatineeta kara xaayaaw. Ka taapotase kapa'ew kaarreettase qara xaaya ka oori kaarreettase kammadesa diisha ikka xaadi qara aano.

Mataafa Saamu'eeli a paayyota 6:9

Ka tooya, oton Peeteshemishi hamintase xaadipa anniiyyi, asseeyye Waaqase a Isira'eeli'i ino qara rakkoose kutta qeede. A taakiti akkima rakkoose isha ino qara in qeennin ikka asse patta koddite in upnaanna.