Mataafa Saamu'eeli a paayyota 6:14 - Mataafa Qulqulloota

¹⁴ Kaarreettase dula a nama takka a a Iyyaasu kidammo a Peeteshemeshi oppa kaye ka shila takka kutta kapa qa'ade. Orrase ka qora kaarreettaseti faate ka okkayasene kalisoota kupannitto kode ka ishin Waaqa dehayshe.

Mataafa Saamu'eeli a paayyota 6:14 ပူးပေါင်းရင်းမြစ်များ

Mataafa Saamu'eeli a lammatta 24:18

Kuyyaasetiiyyi Kaati ka Taawwiti kapopa de'e ka ishi kide, “Opeela fayyado ka awta Orna a Iyyapuusitta oppa'e, Waaqa'e, pora kalisoota dawe.”

Mataafa Saamu'eeli a lammatta 24:22

Orna ka Taawwiti kide, “Poqallaayyo nuquso! Teyyado ka wa ildaatti tura paxaara oppa kalisoota dehayshe. Kalisootase kupannitto'e xormada tin are caan. Ishin kupa'ew, qora untan tummaane isho qamparra are caan.

Mataafa Saamu'eeli a lammatta 24:25

Ka eeyye pora kalisoota Waaqa dawe ka kalisowwasene kupanna isho a takkumta dehayshe. Waaqa ka qinseeta qoota piitoseti desa dehaannitto dakaye, paaqase neeqa ka Isira'eeli qara xa'e.

Mataafa a Nuqussa a paayyota 19:21

Elsa'i ka isha kamma alle tiitaawe ka xormadasene a kinteetaadi qeede ka qale ka meehase a ishin qota qonno xaayye ka so'asenetin palayshe ka orraseti dehayshe. Ishootta ka damen. Isha ka oori tiitaawe ka Eeliyaasi kamma aane ka orxaytaadi kodde.

Mataafa Sooketa 20:24

Dooqqetoppaayye pora kalisoota ana koda ka qara'e laahadda ka qolpaya isho xormada qala ka kalisoota a kupannitto isho a takkumtati koda ka kalsha. Akka maxxiyyo matte oorsatamo'e, pora an reexade piisa oppopan de'a ka ishina sakaay.

Mataafa Taanynyada 21:4

Ka parraytaadi paraappan xa'en ka pora a kalisoota koden; ka kalisoota a kupnnitto isho takkumta Waaqa kalshen.

Mataafa Taanynyada 6:26

Ka tuulosen a qitqitisse qara'e Waaqaayti'i pora kalisoota qanqanissa dawe. Ka xormase a para tappa qeede ka olaahittase a killoota asheera a oppa faatteetinni xormase kalisoota a kupannitta dehayshe.”

Mataafa Saamu'eeli a paayyota 11:5

Sitiiyyi Saa'ooli xormada kamma'e qate ka duloppa kalli ka kide, “Ata maana orra teye ikka pooyni?” Ishootta ka otootase a orrase a katama Yaapeesi ishi lelen.

Mataafa Saamu'eeli a paayyota 20:29

Ka kide, ‘Katamaappaayye toolinno kalisoota kalinniiy, akkan qara akkaado'e hellaanno ka ana leleneey, otoni i''ana jaalanniiyyi, innayti ana aano ka hellaanno kapa kayo?’ Semmalla damtaayti qara poraadippa in akkaannin.”

Mataafa Saamu'eeli a paayyota 6:13

Sitiiyyi orra Peeteshemeshi naaba karaaye kappa mujanni ka ela kiden ka taapotase akken ka a kuttati xasooden.

Mataafa Saamu'eeli a paayyota 6:18

Akkimose mina'ew, pahanaddasene warqeetoppa kodame a tapaya, matta katamaddasene kapa kawwatta qapa isho palewwa kapa kawwatta in qapnini, isasene a mukissampaya a Filisteemi keni mukinnaane a mina. Shilase kutta dula a Iyyaasu a Peeteshemishitta oppa co, a qara' taapota Waaqa lekkishen nefo haka awweti maakkitta.