Ikka mirkootase ishootta daasamte qeeden ka qalen. Ka teykante paayyen ka haka kuyyaata kuttati maxxa paa'ali haleeni ka kiini, “Oo paa'ali, ino dakaye!” Ma xoori nessa in co umma a malseeta oorshe in co. Ikka porase a kalisoota kodame kapandesa kirpini.
“Anti halkeesse oppaayye piita Kipsi oppannen tarpa ka nama isho horeetoppaayye a paayyota delade piisa pira; ka killowwa piita Kipsi piisa qara farata; anti an Yaahiwwe.
Teekolayta a sede koda ettaninni in kinnin kalisoota'e qoyra a japni in kinnin reexanni; ka pahanasene a killoota lellehni in kinnini opeela qaatissa'e, harmitta a qora xefa saho faddanni.
Harmitta, aappa warqeeta tummo kokkonnanniiw; a purrishaan quda harminno ka a sipla tummo qaarqaarri, ka qoota sipla olquda' jaqqalissaati desa isha' kiini, “Ipaxaari;” Ka killoose akka in lelleehnini'i we' quda mismaaran toommini.
Ka xashshitta qara' qapanni ka pora haani, ka poraadippa' dishni, ikka eyye' qa'anni; umma poraadippa lelleehni in kitto. Umma oto nama takka isheetopa ullupannooyye, oppa ishi oorinni in kitto, umma rakkootoppa ishan pahanni in kitto.
Semmalla pahana qappaaja isho a tapayoosen piita kalaafanna'e kootan ka Waaqa Isira'eeliti ulfeena daassan ikka takkapunu ishin ka Waaqaddaasin isho piitaayshin qara harkaadi maysada.